#  Այտուցներ հղիության ժամանակ

![Առաջացման պատճառները](https://lifeinfo.am/storage/img/aroxjutyun-dexer-bozhognutyun-dexabuyser-18222533.jpg)

Հղիությունը յուրաքանչյուր կնոջ համար հաճելի և երկար սպասված ժամանակահատված է։ Սակայն դրական պահերից բացի, այն ունի նաև որոշակի անհարմարություններ։ Այտուցները հաճախ հանդիպող երևույթ են այս շրջանում։ Եվ ավելի լավ է նախապես իմանալ դրանց առաջացման պատճառների և բուժման մեթոդների մասին։ Իսկ պարզ կանխարգելիչ միջոցներ կիրառելով՝ կարելի է խուսափել առողջական խնդիրներից։

Բովանդակություն:

- [Առաջացման պատճառները](#%D5%A1%D5%BC%D5%A1%D5%BB%D5%A1%D6%81%D5%B4%D5%A1%D5%B6-%D5%BA%D5%A1%D5%BF%D5%B3%D5%A1%D5%BC%D5%B6%D5%A5%D6%80%D5%A8)
- [Այտուցվածության փուլերը](#%D5%A1%D5%B5%D5%BF%D5%B8%D6%82%D6%81%D5%BE%D5%A1%D5%AE%D5%B8%D6%82%D5%A9%D5%B5%D5%A1%D5%B6-%D6%83%D5%B8%D6%82%D5%AC%D5%A5%D6%80%D5%A8)
- [Ինչպես ազատվել այտուցներից](#%D5%AB%D5%B6%D5%B9%D5%BA%D5%A5%D5%BD-%D5%A1%D5%A6%D5%A1%D5%BF%D5%BE%D5%A5%D5%AC-%D5%A1%D5%B5%D5%BF%D5%B8%D6%82%D6%81%D5%B6%D5%A5%D6%80%D5%AB%D6%81)
- [Ժողովրդական միջոցներ](#%D5%AA%D5%B8%D5%B2%D5%B8%D5%BE%D6%80%D5%A4%D5%A1%D5%AF%D5%A1%D5%B6-%D5%B4%D5%AB%D5%BB%D5%B8%D6%81%D5%B6%D5%A5%D6%80)

> Կարևոր է! Սկսած 20-րդ շաբաթից՝ խորհուրդ չի տրվում շաբաթական ավելացնել 350 գրամից ավելի քաշ, հակառակ դեպքում մեծ է այտուցների առաջացման հավանականությունը։

## Առաջացման պատճառները

Այտուցների առաջացման մասին կարելի է իմանալ որոշ նշանների միջոցով.

1. Կոշիկը, որը երեկ դեռ հարմար էր, այսօր չի հագնվում ոտքին, կամ մատանին դժվար է հանվում մատից։
2. Եթե ոտքի մաշկին ձեռքով սեղմելուց հետո մնում է փոքրիկ փոսիկ, դա վկայում է այտուցվածության մասին։
3. Կարևոր ախտանիշ է նաև քաշի արագ ավելացումը։
4. Դեմքի, կոպերի, ոտքերի և ձեռքերի ուռչելը։

Երեխային կրելու ընթացքում կանանց օրգանիզմում տեղի են ունենում տարբեր փոփոխություններ։ Օրգանիզմի բոլոր համակարգերը վերակառուցվում են, որպեսզի ապահովեն երեխային անհրաժեշտ ամեն ինչով։ Առաջին հերթին փոխվում է հորմոնալ ֆոնը։ Պրոգեստերոնի արտադրությունը մի քանի անգամ ավելանում է, քանի որ հենց այս հորմոնն է պատասխանատու հղիության պահպանման համար։ Այն նաև ազդում է օրգանիզմում հեղուկի պահպանման վրա, ինչը կարող է լինել այտուցների պատճառ։

Կարելի է նշել այս վիճակի մեկ այլ բնական պատճառ նույնպես՝ շրջանառվող արյան ծավալի ավելացումը։ Այդպիսի այտուցներն հաճախ դրսևորվում են ոտքերի թաթերին կամ ձեռքերի դաստակներին։

Այտուցվածություն կարող է առաջանալ նաև, եթե կնոջ մոտ առկա են անոթային կամ երիկամային խնդիրներ։ Այս դեպքում անհրաժեշտ է դիմել բժշկի և ձեռնարկել հրատապ միջոցներ։ Այդպիսի այտուցները կարող են հրահրել գեստոզ։ Սա վիճակ է, որի դեպքում խախտվում է որոշակի օրգանների արյունամատակարարումը։ Հղի կնոջ մոտ կարող է բարձրանալ ճնշումը և նույնիսկ առաջանալ ուշագնացություն։

Ավելի ճշգրիտ հաստատում կարելի է ստանալ մեզի սպիտակուցի վերլուծություն հանձնելիս։ Վարիկոզ լայնացումը նույնպես կարող է ազդել այտուցվածության զարգացման վրա։

> Կարևոր է! Գեստոզը պտղի մոտ հիպոքսիայի զարգացման առաջին պատճառն է։

### Այտուցվածության փուլերը

Կարելի է առանձնացնել այտուցվածության մի քանի փուլ.

1. Առաջինը բնութագրվում է սրունքների և ոտքերի թաթերի շրջանի այտուցներով։
2. Երկրորդ փուլում այտուցը տարածվում է մարմնի ողջ ստորին հատվածում՝ գոտկատեղ, ոտքեր և նույնիսկ որովայնի ստորին հատված։
3. Այնուհետև այտուցվում են դեմքը և ձեռքերը։
4. Վերջին փուլում այտուցվում է ողջ մարմինը, այդ թվում՝ ներքին օրգանները։

Գեստոզը լինում է տարբեր ծանրության աստիճանի։ Հենց սկզբում դրա ախտանիշներն են քաշի արագ ավելացումը և այտուցները։ Եթե վիճակը ծանրանում է, ապա մեզի մեջ հայտնվում է սպիտակուց, բարձրանում է ճնշումը և վտանգ է առաջանում մոր և երեխայի առողջության համար։

![Այտուցվածության փուլերը](https://lifeinfo.am/storage/images/hxiutyan-jamanak-aytucner%D5%9D-patcharner-ev-bujum-159.jpg "Այտուցվածության փուլերը")

> Ուշադրություն դարձրեք! Տարբեր գազավորված ջուրը, սուրճը և թեյը կարող են խորացնել այտուցվածության դրսևորումը։

Գեստոզի զարգացման ռիսկի խմբում են.

- հղիները, որոնց առաջին հղիությունն ընթացել է այդպիսի ախտանիշներով,
- կանայք, ովքեր ունեն երիկամների, վահանաձև գեղձի կամ սրտանոթային համակարգի հիվանդություններ,
- 30 տարեկանից հետո առաջին անգամ ծննդաբերողները,
- կանայք, ովքեր հղիության առաջին կեսին տոքսիկոզ են ունեցել,
- հղիները, ովքեր գտնվում են անբարենպաստ կենցաղային, սոցիալական կամ մասնագիտական պայմաններում,
- բազմապտուղ հղիության առկայության դեպքում։

### Ինչպես ազատվել այտուցներից

Այտուցվածության առաջին ախտանիշների հայտնվելիս պետք է միջոցներ ձեռնարկել դրանց վերացման համար։

Այտուցների կանխարգելման համար արդեն հղիության հենց սկզբից անհրաժեշտ է շատ շարժվել։ Եթե երկար ժամանակ նստած դիրքում մնալ, կարող են առաջանալ լճացումային երևույթներ։ Գերազանց արդյունքներ են տալիս ֆիզիկական վարժությունները և կանոնավոր մարմնամարզությունը։

Հղիության հենց առաջին օրերից անհրաժեշտ է հնարավորինս քիչ խմել տարբեր քաղցր ըմպելիքներ։ Կարևոր է, որ օրգանիզմը ստանա շատ մաքուր ջուր։ Եթե հեղուկը բավարար չէ, այն սկսում է պահպանվել օրգանիզմում, ինչը նպաստում է այտուցների առաջացմանը։

Կիրառելով պարզ խորհուրդները, կարելի է ազատվել այտուցներից կամ կանխել դրանք.

1. Անհրաժեշտ է հնարավորինս շատ շարժվել։ Կարելի է կատարել յոգայի ասանաներ, հղիների համար նախատեսված մարմնամարզություն կամ շնչառական վարժություններ։ Ֆիզիկական ակտիվությունը նպաստում է լավ նյութափոխանակությանը և նվազեցնում հեղուկի լճացումը։
2. Ոտքերի թաթերի այտուցվածության դեպքում կօգնի հատուկ մերսիչ սարք կամ կոշտ լվացանյութ։ Կարելի է նաև ոտքերի համար ծովային աղով լոգանք անել։
3. Կարևոր է ստանալ բավարար քանակությամբ հեղուկ։ Օրական պետք է խմել մոտ 2 լիտր մաքուր ջուր։
4. Հղիության ընթացքում անհրաժեշտ է հնարավորինս քիչ օգտագործել աղ, ապխտած մթերքներ և քաղցրավենիք։
5. Այտուցվածության դեպքում խորհուրդ են տրվում տարբեր միզամուղ թուրմեր և ըմպելիքներ, սակայն դրանք պետք է նշանակի միայն հսկող բժիշկը։

Շատ կարևոր է ճիշտ սնվել։ Չափաբաժինները պետք է լինեն փոքր, ավելի լավ է ավելի հաճախ նստել սեղանի մոտ։ Սնունդը պետք է լինի օգտակար։ Հղիները պետք է ավելի շատ օգտագործեն բանջարեղեն, մրգեր, ձուկ և կաթնամթերք։ Մթերքներն ավելի լավ է եփել գոլորշու վրա կամ եռացնել։ Օգտակար կլինի, եթե սննդակարգում ներառեք չամիչ և չորացրած ծիրան։

Հղիության ընթացքում արժե հրաժարվել նեղ հագուստից և կոշիկից։ Նաև շատ օգտակար է երկար քայլել մաքուր օդում և լողալ ավազանում։ Ամենօրյա մեկժամյա ոտքով զբոսանքն արդյունավետ է այտուցների դեմ պայքարում։

> Կարևոր է! Հղիությունը ինքնաբուժմամբ զբաղվելու լավագույն ժամանակը չէ։

Այտուցները նվազեցնելու համար կօգնի ոտքերը մարմնից 15 սմ բարձր բարձրացնելը, դա պետք է անել պառկած դիրքում։

Խորհուրդ է տրվում ընդունել հետևյալ միզամուղ ըմպելիքները.

1. Ամենաանվտանգներից են բարդու և նռան հյութը, ինչպես նաև լոռամրգի մուրսը։
2. Կարելի է նաև պատրաստել խնձորի կեղևից թուրմ։ Մեկ ճաշի գդալ կեղևը լցվում է եռման ջրով և թրմվում տասը րոպե։

Եթե դիետան չի օգնում, բժիշկները նշանակում են միզամուղ միջոցներ, որոնք թույլատրվում են հղիներին։ Այդպիսի միջոցներից են Canephron-ը, Phytosolan-ը և երիկամային թեյը։ Այս դեպքում չպետք է շփոթել երիկամային հավաքածուն և թեյը։ Հղիներին թույլատրվում է հենց թեյը։

Բացի դիետայից և միզամուղ միջոցներից, բժիշկը կարող է նշանակել պատրաստուկներ, որոնք ամրացնում են անոթները։ Այդպիսի դեղամիջոցներից են Լիպոաթթուն, E վիտամինը, Magnerot-ը։

Կախված այտուցվածության փուլից՝ բուժումը կարող է անցկացվել ինչպես հիվանդանոցային, այնպես էլ տնային պայմաններում։

### Ժողովրդական միջոցներ

Ժողովրդական միջոցները պետք է կիրառել շատ զգուշությամբ, և ավելի լավ է դա անել հսկող բժշկի թույլտվությամբ։

Եթե այտուցները գեստոզով են պայմանավորված, հղի կնոջը հոսպիտալացնում են։ Այս դեպքում բուժումն ուղղված է օրգանիզմից ավելորդ հեղուկի դուրսբերմանը, ինչպես նաև պտղի մոտ հիպոքսիայի կանխարգելմանը։ Եթե դեպքն ավելի թեթև է, արդյունավետ են հատուկ միզամուղ հյութերը կամ թեյերը։

Հանրահայտ ժողովրդական մեթոդներից կարելի է նշել բարդու հյութը, որն անխառն վիճակում ընդունում են օրական 3 անգամ, 1 գդալով։ Այն շաբաթից ավելի ընդունել չարժե։

> Կարևոր է! Հետաքրքիր է ավելին իմանալ, թե ինչպես ազատվել հղիության ժամանակ այտուցվածությունից ժողովրդական միջոցներով, տե՛ս ։

Շաբաթվա ընթացքում կարելի է նաև ընդունել թարմ նեխուրի հյութ։ Այն խմում են թեյի գդալով։

Անվտանգ մեթոդներից կարելի է նշել գազարի և դդումի հյութերը։ Այս ըմպելիքները լավ են ազդում երիկամների վրա։

Հղիության ուշ ժամկետներում օգնում է հաճախակի ծնկաարմունկային դիրքում կանգնելը։ Այսպիսով հաջողվում է նվազեցնել երիկամների ծանրաբեռնվածությունը և նույնիսկ իջեցնել տոնուսը։

Պարբերաբար խորհուրդ է տրվում կազմակերպել պահքի օրեր՝ կաթնաթթվային կամ հնդկացորենի։ Պահքի օրերը թույլ են տալիս դուրս բերել ավելցուկային հեղուկը և կարգավորել մարսողական համակարգի աշխատանքը։ Նույնիսկ մեկ օրվա ընթացքում կարող է դուրս գալ 500 գրամից մինչև 3 կգ ավելորդ ջուր։

> Խորհուրդ! Բոլոր մթերքներն օգտագործել առանց աղի և շաքարի։

Հղիության ընթացքում այտուցվածության դեպքում խորհուրդ է տրվում ընդունել հետևյալ ըմպելիքները.

1. Լոռամրգի կոմպոտներ և մուրսեր։
2. Կանաչ թեյ։
3. Խնձորի կեղևի թուրմեր։

Հետևյալ թուրմերը կարելի է ընդունել միայն բժշկի թույլտվությամբ։

1. Եգիպտացորենի մորուքները (1 ճ.գ.) եփում են մեկ բաժակ ջրում, ընդունել պետք է 40 գ-ով։

Հղիության երկրորդ կեսին խորհուրդ չի տրվում օրական մեկ լիտրից ավելի հեղուկ օգտագործել։

Սննդի սահմանափակումներից բացի, մեծ նշանակություն ունի անոթների ամրացումը։ Այդ նպատակով անհրաժեշտ է օգտագործել վիտամինային համալիրներ և անոթներն ամրացնող միջոցներ։ Սակայն նման նշանակումները պետք է անի բուժող բժիշկը։

> Կարևոր է! Ուժեղ այտուցների դեպքում միզամուղ պատրաստուկները նշանակում է մասնագետը և կարճ ժամանակով։

Այտուցներից ազատվելու մյուս ժողովրդական մեթոդների շարքում կարելի է առանձնացնել նաև կաղամբի տերևների դրումը ոտքերին։

Կան նաև որոշակի մթերքներ, որոնք խորհուրդ է տրվում օգտագործել այտուցների դեպքում։ Սրանք են կեֆիրը, ասպարագուսը, նեխուրը, կաթնաշոռը, դդումը, խաղողը և ձմերուկը։

Կարևոր է հիշել, որ այս բոլոր մեթոդները հանում են այտուցվածությունը, սակայն եթե այտուցներն առաջացել են հիվանդության հետևանքով, ժողովրդական բաղադրատոմսերը չեն օգնի։ Խնդրի իրական պատճառը բացահայտելու հարցում կօգնի միայն հղիությունը վարող բժիշկը։