# Գայմորիտի բուժումը Սինուֆորտե պատրաստուկով

![Կիրառման հրահանգը](https://lifeinfo.am/storage/img/aroxjutyun-dexer-bozhognutyun-dexabuyser-87581951.jpg "Կիրառման հրահանգը")

Գայմորիտը տարածված հիվանդություն է, որը ներկայացնում է բորբոքային պրոցես քթի երկդրյա ծնոտային (գայմորյան) ծոցերում։ Հաճախ այն առաջանում է սովորական հարբուխի ժամանակին չբուժման հետևանքով։ Սինուֆորտե պատրաստուկը գայմորիտի բուժման համար հավաքում է դրական կարծիքներ, շատերը նշում են դրա մատչելիությունը, կիրառման հեշտությունը, արդյունավետությունը։

Բովանդակություն:

- [Ինչի՞ց է օգնում](#%D5%AB%D5%B6%D5%B9%D5%AB%D6%81%D6%85%D5%A3%D5%B6%D5%B8%D6%82%D5%B4)
- [Բաղադրությունը](#%D5%A2%D5%A1%D5%B2%D5%A1%D5%A4%D6%80%D5%B8%D6%82%D5%A9%D5%B5%D5%B8%D6%82%D5%B6%D5%A8)
- [Պատրաստուկի ազդեցությունը](#%D5%BA%D5%A1%D5%BF%D6%80%D5%A1%D5%BD%D5%BF%D5%B8%D6%82%D5%AF%D5%AB-%D5%A1%D5%A6%D5%A4%D5%A5%D6%81%D5%B8%D6%82%D5%A9%D5%B5%D5%B8%D6%82%D5%B6%D5%A8)
- [Կիրառման հրահանգը](#%D5%AF%D5%AB%D6%80%D5%A1%D5%BC%D5%B4%D5%A1%D5%B6-%D5%B0%D6%80%D5%A1%D5%B0%D5%A1%D5%B6%D5%A3%D5%A8)
- [Դեղաչափը](#%D5%A4%D5%A5%D5%B2%D5%A1%D5%B9%D5%A1%D6%83%D5%A8)
- [Հակացուցումները](#%D5%B0%D5%A1%D5%AF%D5%A1%D6%81%D5%B8%D6%82%D6%81%D5%B8%D6%82%D5%B4%D5%B6%D5%A5%D6%80%D5%A8)

Նմանատիպ հոդվածներ:- [Որո՞նք են հասուն մարդկանց մոտ գայմորիտի առաջացման նշանները](%D5%AB%D5%B6%D5%B9%D5%BA%D5%AB%D5%BD%D5%AB-%D5%B6%D5%B7%D5%A1%D5%B6%D5%B6%D5%A5%D6%80-%D5%A5%D5%B6-%D5%B0%D5%A1%D5%B5%D5%BF%D5%B6%D5%BE%D5%B8%D6%82%D5%B4-%D5%B4%D5%A5%D5%AE%D5%A1%D5%B0%D5%A1%D5%BD%D5%A1%D5%AF%D5%B6%D5%A5%D6%80%D5%AB-%D5%B4%D5%B8%D5%BF-%D5%A3%D5%A1%D5%B5%D5%B4%D5%B8%D6%80%D5%AB%D5%BF%D5%AB-%D5%AA%D5%A1%D5%B4%D5%A1%D5%B6%D5%A1%D5%AF-3288 "Որո՞նք են հասուն մարդկանց մոտ գայմորիտի առաջացման նշանները")
- [Հասուն մարդկանց մոտ քրոնիկական գայմորիտի ախտանիշները և բուժումը](%D6%84%D6%80%D5%B8%D5%B6%D5%AB%D5%AF%D5%A1%D5%AF%D5%A1%D5%B6-%D5%A3%D5%A1%D5%B5%D5%B4%D5%B8%D6%80%D5%AB%D5%BF%D5%AB-%D5%A1%D5%AD%D5%BF%D5%A1%D5%B6%D5%AB%D5%B7%D5%B6%D5%A5%D6%80%D5%A8-%D5%A2%D5%B8%D6%82%D5%AA%D5%B8%D6%82%D5%B4%D5%A8-%D5%B4%D5%A5%D5%AE%D5%A1%D5%B0%D5%A1%D5%BD%D5%A1%D5%AF%D5%B6%D5%A5%D6%80%D5%AB-%D5%B4%D5%B8%D5%BF-7223 "Հասուն մարդկանց մոտ քրոնիկական գայմորիտի ախտանիշները և բուժումը")
- [Վտանգավո՞ր է արդյոք գայմորիտը մարդու համար](%D5%BE%D5%BF%D5%A1%D5%B6%D5%A3%D5%A1%D5%BE%D5%B8%D6%80%D5%A3%D5%A1%D5%B5%D5%B4%D5%B8%D6%80%D5%AB%D5%BF%D5%A8-%D5%B4%D5%A1%D6%80%D5%A4%D5%B8%D6%82-%D5%B0%D5%A1%D5%B4%D5%A1%D6%80-5916 "Վտանգավո՞ր է արդյոք գայմորիտը մարդու համար")

 ![](https://lifeinfo.am/storage/images/inchic-e-arajanum-celyulity-139.png) Ինչի՞ց է օգնում Սինուֆորտեն կիրառվում է սինուսիտների բուժման համար, որոնք ընթանում են ինչպես սուր, այնպես էլ քրոնիկական ձևով։ Ամենից հաճախ նշանակման ցուցում է հանդիսանում գայմորիտը։ Պատրաստուկը նաև օգնում է վիրահատական միջամտություններից հետո վերականգնողական շրջանում։ Սինուֆորտեն նշանակվում է արդեն վիրահատությունից հաջորդ օրը՝ նպաստելով. քթի խոռոչի մաքրմանը, 3. քթի շուրջածոցային բորբոքման նվազեցմանը,
4. լորձաթաղանթի վրա առաջացած այտուցվածության վերացմանը։
Ինչ վերաբերում է գայմորիտի դեպքում Սինուֆորտեի կիրառմանը, ապա պատրաստուկը կարող է կարճ ժամանակում վերացնել հիվանդության հիմնական ախտանիշը՝ քթի ծոցերի շրջանում ճնշման, լարվածության զգացողությունը։ Հիվանդության առանձնահատկությունն այն է, որ ցավային զգացողությունները զարգանում են շատ արագ, ուստի կարևոր է կիրառել դեղամիջոց, որը կարող է վերացնել բորբոքումը՝ դրանով իսկ հանելով ցավային ախտանիշները։ Այդպիսի պատրաստուկ են հանդիսանում Սինուֆորտե քթի կաթիլները։

Բացի այդ, միջոցը նպաստում է գայմորիտի այլ նշանների արագ վերացմանը, որոնցից հիմնականներն են.

- քթում թարախային կուտակումների ճնշումով առաջացած գլխացավը,
- քթի խցանվածությունը, ընդ որում հաճախ տուժում են երկու քթային անցուղիներն էլ,
- քթից արտադրությունները, որոնց գույնը վկայում է հիվանդության աստիճանի մասին. թափանցիկը՝ սկզբնական փուլ, դեղին՝ թարախի հետ՝ գայմորիտի սրացում,
- մարմնի ջերմաստիճանը բարձրանում է մինչև 38 աստիճան Ցելսիուսի,
- ախորժակի բացակայություն, անտարբերություն, ուժերի անկում, ֆիզիկական հյուծվածություն։

> Կարևոր է! Գայմորիտի սրացման ժամանակ մարմնի ջերմաստիճանը բարձրանում է, սակայն եթե հիվանդությունն անցել է քրոնիկական ձևի, այս ախտանիշը կարող է բացակայել։

![Դեղաչափը](https://lifeinfo.am/storage/images/sinuforte-gaymoriti-bujman-hamar-127.jpg "Դեղաչափը")

Քրոնիկական գայմորիտի ժամանակ Սինուֆորտեն կիրառվում է հիվանդության սրացման շրջանում։ Հաճախ հիվանդը գիտի, թե երբ պետք է սպասել վիճակի վատթարացման, օրինակ, շատերի մոտ հիվանդությունը իրեն հիշեցնում է ցրտերի գալուստով։ Այդպիսի դեպքում Սինուֆորտեի կիրառումը կարելի է սկսել նախապես։ Պատրաստուկը կօգնի կանխել ուժեղ սրացումը։

### Բաղադրությունը

Սինուֆորտեն արտադրվում է քթային ներարկման համար նախատեսված լուծույթի ձևով, սակայն նախապես անհրաժեշտ է այն պատրաստել։ Պատրաստուկի փաթեթում պարունակվում է.

- սպիտակ գույնի փոշու տեսքով լիոֆիլիզատ, որը գտնվում է ապակյա շշիկում,
- լուծիչ՝ ապակյա շշիկում։

Փոշին պարունակում է եվրոպական ցիկլամենի թարմ պալարների հյութի և էքստրակտի լիոֆիլիզատ, իսկ լուծիչը սովորական մաքրված ջուր է։ Բուսական հիմքը դարձնում է դրա կիրառումն անվտանգ։

### Պատրաստուկի ազդեցությունը

Ցիկլամենի էքստրակտի շնորհիվ Սինուֆորտեն ունի հակաբորբոքային և հակաայտուցային ազդեցություն։ Քթի ծոցի ներսում հայտնվելիս պատրաստուկն ազդում է քթային անցուղում տեղակայված զգայուն նյարդային վերջավորությունների վրա։ Դրանց գրգռումը ռեֆլեքսային մակարդակով հրահրում է սեկրետի արտադրություն։ Պատրաստուկի կիրառման արդյունքում փոխվում է արտադրվող սեկրետի կառուցվածքը, նվազում է դրա մածուցիկությունը, հեղուկ թարախա-լորձային արտադրությունը ծոցերից անցուղիներով դուրս է գալիս քթի խոռոչ և քթըմպան։ Դրանով ծոցերը դրենավորվում և մաքրվում են, ինչն իր հերթին հանգեցնում է վերը թվարկված ախտանիշների նվազմանը։

![Հակացուցումները](https://lifeinfo.am/storage/images/sinuforte-gaymoriti-bujman-hamar-114.jpg "Հակացուցումները")

Սինուֆորտեի մեկ այլ կարևոր ազդեցությունը հակաայտուցայինն է։ Կուտակվող թարախը և անոթների լայնացումը հրահրում են այտուցների առաջացում, որոնք ավելի են ծանրացնում արդեն իսկ դժվարացած շնչառությունը։ Լորձա-թարախային արտադրությունների արտահոսքի նորմալացման հետ մեկտեղ տեղի է ունենում այտուցվածության վերացում։ Պատրաստուկը նաև բարելավում է արյան միկրոշրջանառությունը քթի ողջ խոռոչում։

> Կարևոր է! Մեր երկրի հիվանդանոցներում գայմորիտի բուժման համար հաճախ նշանակվում է պունկցիա (ծակում)։ Զարգացած բժշկություն ունեցող երկրների ԼՕՌ-բժիշկները վաղուց հրաժարվել են նման պրակտիկայից՝ այն փոխարինելով ուժեղ ազդեցության պատրաստուկների կիրառմամբ, որոնցից շատերը Սինուֆորտեի անալոգներն են։

## Կիրառման հրահանգը

Եթե առաջանում են հարցեր, թե ինչպես կիրառել Սինուֆորտեն, կարելի է դիմել արտադրողի մանրամասն հրահանգին, որը գտնվում է փաթեթում։ Անհրաժեշտ է կատարել մի շարք պարզ քայլեր.

- բացում ենք փոշով շշիկը՝ արձակում ենք կափարիչը, հանում ենք գլխարկիկը,
- բացում ենք հեղուկով փաթեթը, դրա համար պարզապես սեղմում ենք նկարված գծի վրա,
- լուծիչն ավելացնում ենք փոշուն (շշիկի ծավալը թույլ է տալիս անել դա, լրացուցիչ տարաներ պետք չեն),
- անցկացնում ենք ցողիչը, թափահարում ենք շշիկը, որպեսզի փոշին ամբողջովին լուծվի։

Առաջին կիրառումից առաջ, ինչպես ցանկացած այլ սփրեյ, Սինուֆորտեի շշիկը պետք է թափահարել, կատարել մի քանի փորձնական սեղմումներ օդում։ Միջոցը քթային անցուղի ներմուծելուց առաջ անհրաժեշտ է ուղիղ կանգնել, որպեսզի գլուխը նայի ուղիղ առաջ։ Ներմուծումից հետո անհրաժեշտ է ընդունել հորիզոնական դիրք։

> Խորհուրդ! Դոզավորիչի վրա սեղմելիս անհրաժեշտ է խորը շունչ քաշել, որպեսզի պատրաստուկը թափանցի խորը։ Մյուս քթանցքը ցանկալի է մատով սեղմել։

Ոմանք թերահավատորեն են վերաբերվում Սինուֆորտեին՝ նախընտրելով քթի կաթիլներ, այլ ոչ թե սփրեյ։ Իրականում այս երկու դեղաձևերը տարբերվում են միայն ներմուծման հարմարավետությամբ։ Թե որն է ավելի լավ՝ սփրեյը, թե կաթիլները, որոշել կարելի է միայն հիվանդի անհատական առանձնահատկություններից ելնելով։ Օրինակ, փոքր երեխային դժվար է ստիպել ներշնչել պատրաստուկը ցողման պահին, ուստի սփրեյը կարող է անհարմար լինել։ Սինուֆորտեն երաշխավորվում է 5 տարեկանից բարձր երեխաների համար, ուստի նրանց համար սփրեյի կիրառումը նպատակահարմար կլինի։

### Դեղաչափը

Յուրաքանչյուր քթային անցուղում անհրաժեշտ է կատարել մեկ ցողում։ Պատրաստուկը հագեցած է դոզավորիչով, որը վերահսկում է մեկ կիրառման ժամանակ օգտագործվող միջոցի քանակը։ Մեկ սեղմման ժամանակ արտազատվում է այնպիսի ծավալի միջոց, որը հավասար կլինի 2-3 կաթիլի, ինչը հանդիսանում է նորմա։

![Գայմորիտի բուժումը Սինուֆորտե պատրաստուկով](https://lifeinfo.am/storage/images/sinuforte-gaymoriti-bujman-hamar-131.jpg "Գայմորիտի բուժումը Սինուֆորտե պատրաստուկով")

Դեղամիջոցը կիրառվում է օրը մեկ անգամ։ Լավագույնս դա անել առավոտյան, երբ ավելի ցայտուն է արտահայտվում քթի խցանվածությունը, սրվում են գայմորիտի մյուս ախտանիշները։ Բուժման տևողությունը կազմում է մեկ շաբաթ (առավելագույնը 8-9 օր)։ Որոշ դեպքերում բժիշկը կարող է նշանակել սփրեյի կիրառում օրըմեջ, այդ դեպքում բուժման տևողությունը երկարաձգվում է մինչև երկու շաբաթ (առավելագույնը 16 օր)։

Եթե Սինուֆորտեն նշանակված է որպես օժանդակ միջոց հետվիրահատական վերականգնողական շրջանում, դրա կիրառման տևողությունը որոշվում է անհատական կարգով (սովորաբար 4-6 օր)։

### Հակացուցումները

Սինուֆորտեն ունի մի շարք հակացուցումներ.

- պատրաստուկի բաղադրիչների անհանդուրժողականություն,
- ցիստեր, քթի ծոցերում այլ խիտ գոյացություններ,
- հղիության, կրծքով կերակրման շրջան,
- մինչև 5 տարեկան հասակ,
- ծանր զարկերակային հիպերտենզիա։

Ինչ վերաբերում է երեխաներին և հղիության ժամանակ պատրաստուկի նշանակմանը, որոշ դեպքերում բժիշկը կարող է առաջարկել Սինուֆորտե, սակայն նախապես անհրաժեշտ է գնահատել ռիսկերը, առողջության հնարավոր վտանգները։ Նման հիվանդների խմբերը պետք է գտնվեն բուժումը նշանակած մասնագետի մշտական հսկողության ներքո։

Հակացուցումների անտեսման դեպքում կարող են առաջանալ կողմնակի ազդեցություններ.

- տարբեր ալերգիկ ռեակցիաներ,
- քթի մաշկի գրգռում, կարմրություն,
- գայմորիտի ախտանիշների սրացում,
- արցունքահոսություն։

> Կարևոր է! Երբեմն կողմնակի ռեակցիաներ կարող են հանդիպել նաև պատրաստուկի ճիշտ կիրառման դեպքում։ Սովորաբար դրանք անցնում են ինքնուրույն, բուժումը դադարեցնել անհրաժեշտ չէ։

Սինուֆորտեի առավելությունների շարքում կարելի է առանձնացնել բարձր արդյունավետությունը, որն ապահովում է պատրաստուկի համալիր ազդեցությունը՝ ուղղված գայմորիտի բոլոր ախտանիշների վերացմանը։ Կիրառման հեշտությունը, հասկանալի հրահանգը, հակացուցումների նվազագույն քանակը՝ այս ամենը դարձնում են միջոցը հանրահայտ։
