#  Գարախտ աչքի վրա

![Առաջացման պատճառները](https://lifeinfo.am/storage/img/aroxjutyun-dexer-bozhognutyun-dexabuyser-68174214.jpg "Առաջացման պատճառները")

Գարախտը կոպի լորձաթաղանթի բորբոքում է, որը լցված է թարախով: Այն բավականին տարածված հիվանդություն է, որը մարդուն պատճառում է բազմաթիվ անհարմարություններ և փչացնում արտաքին տեսքը:

Բովանդակություն:

- [Առաջացման պատճառները](#%D5%A1%D5%BC%D5%A1%D5%BB%D5%A1%D6%81%D5%B4%D5%A1%D5%B6-%D5%BA%D5%A1%D5%BF%D5%B3%D5%A1%D5%BC%D5%B6%D5%A5%D6%80%D5%A8)
- [Գարախտի ախտանիշներն ու դրսևորումները](#%D5%A3%D5%A1%D6%80%D5%A1%D5%AD%D5%BF%D5%AB-%D5%A1%D5%AD%D5%BF%D5%A1%D5%B6%D5%AB%D5%B7%D5%B6%D5%A5%D6%80%D5%B6-%D5%B8%D6%82-%D5%A4%D6%80%D5%BD%D6%87%D5%B8%D6%80%D5%B8%D6%82%D5%B4%D5%B6%D5%A5%D6%80%D5%A8)
- [Բուժում](#%D5%A2%D5%B8%D6%82%D5%AA%D5%B8%D6%82%D5%B4)
- [Գարախտի բուժումը երեխաների մոտ](#%D5%A3%D5%A1%D6%80%D5%A1%D5%AD%D5%BF%D5%AB-%D5%A2%D5%B8%D6%82%D5%AA%D5%B8%D6%82%D5%B4%D5%A8-%D5%A5%D6%80%D5%A5%D5%AD%D5%A1%D5%B6%D5%A5%D6%80%D5%AB-%D5%B4%D5%B8%D5%BF)
- [Գարախտի բուժումը ժողովրդական միջոցներով](#%D5%A3%D5%A1%D6%80%D5%A1%D5%AD%D5%BF%D5%AB-%D5%A2%D5%B8%D6%82%D5%AA%D5%B8%D6%82%D5%B4%D5%A8-%D5%AA%D5%B8%D5%B2%D5%B8%D5%BE%D6%80%D5%A4%D5%A1%D5%AF%D5%A1%D5%B6-%D5%B4%D5%AB%D5%BB%D5%B8%D6%81%D5%B6%D5%A5%D6%80%D5%B8%D5%BE)
- [Բուժում սխտորով](#%D5%A2%D5%B8%D6%82%D5%AA%D5%B8%D6%82%D5%B4-%D5%BD%D5%AD%D5%BF%D5%B8%D6%80%D5%B8%D5%BE)
- [Բուժում դափնու տերևով](#%D5%A2%D5%B8%D6%82%D5%AA%D5%B8%D6%82%D5%B4-%D5%A4%D5%A1%D6%83%D5%B6%D5%B8%D6%82-%D5%BF%D5%A5%D6%80%D6%87%D5%B8%D5%BE)
- [Կոմպրես ռիցինի ձեթի հիման վրա](#%D5%AF%D5%B8%D5%B4%D5%BA%D6%80%D5%A5%D5%BD-%D5%BC%D5%AB%D6%81%D5%AB%D5%B6%D5%AB-%D5%B1%D5%A5%D5%A9%D5%AB-%D5%B0%D5%AB%D5%B4%D5%A1%D5%B6-%D5%BE%D6%80%D5%A1)
- [Գարախտի հնարավոր բարդությունները](#%D5%A3%D5%A1%D6%80%D5%A1%D5%AD%D5%BF%D5%AB-%D5%B0%D5%B6%D5%A1%D6%80%D5%A1%D5%BE%D5%B8%D6%80-%D5%A2%D5%A1%D6%80%D5%A4%D5%B8%D6%82%D5%A9%D5%B5%D5%B8%D6%82%D5%B6%D5%B6%D5%A5%D6%80%D5%A8)
- [Գարախտի կանխարգելում](#%D5%A3%D5%A1%D6%80%D5%A1%D5%AD%D5%BF%D5%AB-%D5%AF%D5%A1%D5%B6%D5%AD%D5%A1%D6%80%D5%A3%D5%A5%D5%AC%D5%B8%D6%82%D5%B4)

## Առաջացման պատճառները

Դեպքերի 90%-ում հրահրվում է ոսկեգույն ստաֆիլոկոկ բակտերիայով: Հիվանդության առաջացման այլ պատճառներն են.

- ստրեպտոկոկ;
- վարակի ներթափանցումը աչք;
- [շաքարային դիաբետ](%D5%B7%D5%A1%D6%84%D5%A1%D6%80%D5%A1%D5%AD%D5%BF-%D5%A4%D5%AB%D5%A1%D5%A2%D5%A5%D5%BF);
- հիպովիտամինոզ;
- օրգանիզմի սառչում;
- ստամոքս-աղիքային տրակտի հիվանդություններ;
- ճարպագեղձի կամ կոպի մազապարկի խցանում:

## Գարախտի ախտանիշներն ու դրսևորումները

Գարախտը կարող է դրսևորվել 2 ձևով՝ արտաքին և ներքին: Կոպի վրա արտաքին գարախտը տեսքով կլորավուն, ուռուցիկ գոյացություն է՝ սպիտակ կամ դեղնավուն երանգով: Ներքին ձևի դեպքում գոյացությունը կարող է չառաջանալ, և հիվանդությունն ուղեկցվում է միայն կոպերի կարմրությամբ: Ինչպես է երևում աչքի վրա գարախտը, կարող եք տեսնել ստորև բերված լուսանկարում:

> Կարևոր է! Աչքի գարախտի դեմ քսուքների և դրանց կիրառման մասին կարդացեք :

Գարախտի ախտանիշները.

- [քոր](%D6%84%D5%B8%D6%80) և այրոց աչքում;
- կարմրած և այտուցված կոպեր;
- մոտակա ավշային հանգույցների մեծացում;
- թարախով լցված գոյացության առաջացում:

Հենց գոյացությունն է հարուցում անհարմարություն և ցավային զգացողություններ հպման ժամանակ, այն շոշափելիս խիտ է և առաձգական: Դեպքերի մեծ մասում մի քանի օր հետո գարախտն ինքնուրույն բացվում է, և թարախը դուրս է գալիս: Երբեմն հիվանդությունը ներծծվում է դեռևս թարախագոյացման փուլից առաջ:

## Բուժում

Աչքի գարախտի լիարժեք դեղորայքային բուժում անցնելու համար անհրաժեշտ է դիմել ակնաբույժի - հենց նա է :

![Գարախտի ախտանիշներն ու դրսևորումները](https://lifeinfo.am/storage/images/garaxt-achqi-vra%D5%9D-patcharner-ev-bujum-172.jpg "Գարախտի ախտանիշներն ու դրսևորումները")

> Կարևոր է! Մի փորձեք ինքնուրույն բացել գոյացությունը, դա կարող է հանգեցնել վարակի տարածմանը:

Գարախտի բուժումը սկզբնական փուլում, երբ «գլխիկը» դեռ ձևավորված չէ, իրականացվում է կոպի ախտահարված և այտուցված հատվածը փայլուկով, յոդով, սպիրտի լուծույթով կամ կալենդուլայի թուրմով մշակելու միջոցով: Կարող են նաև նշանակվել հակաբակտերիալ կաթիլներ (Լևոմիցետին) կամ քսուքներ (Floxal): Երբեմն գարախտի արագ հասունացման համար կիրառվում է ԳԲՀ-թերապիա (գերբարձր հաճախականության թերապիա):

> Կարևոր է! Հետաքրքրված եք, թե ինչ , կարդացեք մեր հոդվածում:

### Գարախտի բուժումը երեխաների մոտ

Ընդհանուր առմամբ, մեծահասակների բուժումից չի տարբերվում: Միակ բանը, որ պետք է հաշվի առնել, դա մանկական օրգանիզմի զգայունությունն է: Ծնողները պետք է ուշադիր հետևեն, որպեսզի երեխան չքորի և ինքնուրույն չփորձի սեղմել թարախային գոյացությունը:

## Գարախտի բուժումը ժողովրդական միջոցներով

Իհարկե, մեր հին նախնիները նույնպես հանդիպել են գարախտի նման խնդրի, ուստի նրանց զինանոցում կուտակվել են բազմաթիվ արդյունավետ միջոցներ, որոնցից կարող է օգտվել նաև ժամանակակից մարդը: Եկեք քննարկենք մի քանի ամենաարդյունավետ բաղադրատոմսերը, որոնք օգնում են :

### Բուժում սխտորով

Մեզ անհրաժեշտ կլինի միայն սխտորի հյութ: Այն ստանալ հնարավոր է մի քանի եղանակով: Օրինակ, կարող եք սխտորի բլիթն անցկացնել սխտորամզիչով, այնուհետև հյութը քամել մարլայի միջոցով: Այսպիսով, բուժիչ «նեկտարը» ստանալուց հետո անհրաժեշտ է թրջել բամբակյա փայտիկը և զգուշորեն քսել ախտահարված հատվածին:

![Բուժում](https://lifeinfo.am/storage/images/garaxt-achqi-vra%D5%9D-patcharner-ev-bujum-167.jpg "Բուժում")

Ինչպես հայտնի է, սխտորն ունի լավ հակաբակտերիալ ազդեցություն, այնպես որ դրա կիրառմամբ գարախտի բուժումը կտա որակյալ և արագ արդյունք:

### Բուժում դափնու տերևով

Մանրացրեք դափնու չոր տերևները և լցրեք դրանց վրա եռման ջուր: Լուծույթի մեջ դրեք մի քանի գլանված բամբակի կտորներ և թողեք մոտ մեկ քառորդ ժամ: Ժամանակի ավարտից հետո բամբակից պատրաստվում է կոմպրես:

### Կոմպրես ռիցինի ձեթի հիման վրա

Կոմպրես պատրաստելու համար թրջեք բամբակյա տամպոնը ռիցինի ձեթով և ամրացրեք այն աչքին: Վիրակապը ավելի լավ է անել գիշերը:

## Գարախտի հնարավոր բարդությունները

Դեպքերի մեծ մասում գարախտը բավականին հեշտությամբ բուժվող հիվանդություն է, սակայն թուլացած իմունիտետի, շաքարային դիաբետի կամ գոյացությունն ինքնուրույն հեռացնելու փորձերի դեպքում կարող են առաջանալ տարբեր բարդություններ:

Դրանց թվում են.

1. [Թարախակույտ (աբսցես)](%D5%A1%D5%A2%D5%BD%D6%81%D5%A5%D5%BD): Առաջանում է, երբ վարակը տարածվում է հարակից հյուսվածքների վրա:
2. Գարախտի հաճախակի կրկնություններ, որոնք առաջանում են հիվանդության թերի բուժման դեպքում:
3. Խալազիոն - գարախտի հաջորդ փուլն է, որի ժամանակ «գլխիկը» խտանում է և առաջանում է հանգույց:
4. Ակնակապճի ֆլեգմոնա - դեպք, երբ բորբոքումը տարածվում է աչքի ակնակապիճի վրա:
5. [Կոնյուկտիվիտ](%D5%AF%D5%B8%D5%B6%D5%B5%D5%B8%D6%82%D5%B6%D5%AF%D5%BF%D5%AB%D5%BE%D5%AB%D5%BF), բլեֆարիտ և աչքի այլ վարակիչ հիվանդություններ:
6. Սեպսիս կամ մենինգիտ:

![Գարախտի բուժումը ժողովրդական միջոցներով](https://lifeinfo.am/storage/images/garaxt-achqi-vra%D5%9D-patcharner-ev-bujum-128.jpg "Գարախտի բուժումը ժողովրդական միջոցներով")

Վերջին երկու բարդությունները շատ լուրջ են և կարող են վտանգ ներկայացնել կյանքի համար: Սեպսիսի կամ մենինգիտի դեպքում լրացուցիչ հայտնվում են այնպիսի ախտանիշներ, ինչպիսիք են գլխացավը, բարձր ջերմությունը, օրգանիզմի ընդհանուր թուլությունը: Եթե ձեզ մոտ հայտնաբերվում են նման նշաններ, անհրաժեշտ է անհապաղ դիմել բժշկական օգնության:

## Գարախտի կանխարգելում

1. Պահպանեք աչքերի հիգիենան. կեղտոտ ձեռքերով մի շփեք կոպերը, միշտ հանեք դիմահարդարումը քնելուց առաջ, կանոնավոր կերպով լվացվեք:
2. Ժամանակին բուժեք աչքի և վարակիչ հիվանդությունները:
3. Կանոնավոր ընդունեք վիտամինների կուրս:
4. Դիմի համար ունեցեք առանձին սրբիչ:
5. Օգտագործեք միայն որակյալ դիմահարդարում:

Պահպանեք այս 5 պարզ կանոնները, և դուք մի քանի անգամ կկրճատեք հավանականությունը, որ գարախտը երբևէ կանհանգստացնի ձեզ!