# Գլխամաշկի սեբորեա. դեղորայքային բուժումը

![Բուժումը դեղորայքով](https://lifeinfo.am/storage/images/glxamashki-seborea-dexorayqayin-bujum-141.jpg "Բուժումը դեղորայքով")

Սեբորեան (սեբորեյիկ դերմատիտ) մաշկաբանական ծագման քրոնիկ հիվանդություն է, առաջանում է ճարպային գեղձերի աշխատանքի խախտման հետևանքով: Առավել հաճախ հայտնվում է դեռահասների մոտ և մինչև 25 տարեկանը ամբողջությամբ անցնում է։ Բայց մարդկանց 10%-ը տառապում է այս հիվանդությունից ամբողջ կյանքում։ Որոշ դեպքում կարող է առաջանալ տարեց տղամարդկանցմոտ: Տնային պայմաններում կարելի է անցկացնել տարբեր ձևերով, բայց մենք կպատմենք հենց արդյունավետ դեղորայքային բուժման մասին, որը ներառում է տարբեր պատրաստուկների կիրառում:

Բովանդակություն

- [Հիվանդության պատճառները և ախտանիշները](#%D5%B0%D5%AB%D5%BE%D5%A1%D5%B6%D5%A4%D5%B8%D6%82%D5%A9%D5%B5%D5%A1%D5%B6-%D5%BA%D5%A1%D5%BF%D5%B3%D5%A1%D5%BC%D5%B6%D5%A5%D6%80%D5%A8-%D5%A1%D5%AD%D5%BF%D5%A1%D5%B6%D5%AB%D5%B7%D5%B6%D5%A5%D6%80%D5%A8)
- [Ճարպոտ սեբորեյիկ դերմատիտ](#%D5%B3%D5%A1%D6%80%D5%BA%D5%B8%D5%BF-%D5%BD%D5%A5%D5%A2%D5%B8%D6%80%D5%A5%D5%B5%D5%AB%D5%AF-%D5%A4%D5%A5%D6%80%D5%B4%D5%A1%D5%BF%D5%AB%D5%BF)
- [Չոր սեբորեյիկ դերմատիտ](#%D5%B9%D5%B8%D6%80-%D5%BD%D5%A5%D5%A2%D5%B8%D6%80%D5%A5%D5%B5%D5%AB%D5%AF-%D5%A4%D5%A5%D6%80%D5%B4%D5%A1%D5%BF%D5%AB%D5%BF)
- [Բուժումը դեղորայքով](#%D5%A2%D5%B8%D6%82%D5%AA%D5%B8%D6%82%D5%B4%D5%A8-%D5%A4%D5%A5%D5%B2%D5%B8%D6%80%D5%A1%D5%B5%D6%84%D5%B8%D5%BE)
- [Էժան, սակայն արդյունավետ դեղամիջոցներ](#%D5%A7%D5%AA%D5%A1%D5%B6-%D5%BD%D5%A1%D5%AF%D5%A1%D5%B5%D5%B6-%D5%A1%D6%80%D5%A4%D5%B5%D5%B8%D6%82%D5%B6%D5%A1%D5%BE%D5%A5%D5%BF-%D5%A4%D5%A5%D5%B2%D5%A1%D5%B4%D5%AB%D5%BB%D5%B8%D6%81%D5%B6%D5%A5%D6%80)
- [Միկոզորալ](#%D5%B4%D5%AB%D5%AF%D5%B8%D5%A6%D5%B8%D6%80%D5%A1%D5%AC)
- [Քսուքներ](#%D6%84%D5%BD%D5%B8%D6%82%D6%84%D5%B6%D5%A5%D6%80)
- [Ոչ հորմոնալ դեղեր](#%D5%B8%D5%B9-%D5%B0%D5%B8%D6%80%D5%B4%D5%B8%D5%B6%D5%A1%D5%AC-%D5%A4%D5%A5%D5%B2%D5%A5%D6%80)
- [Հորմոնալ քսուքներ](#%D5%B0%D5%B8%D6%80%D5%B4%D5%B8%D5%B6%D5%A1%D5%AC-%D6%84%D5%BD%D5%B8%D6%82%D6%84%D5%B6%D5%A5%D6%80)
- [Ծծմբային քսուք](#%D5%AE%D5%AE%D5%B4%D5%A2%D5%A1%D5%B5%D5%AB%D5%B6-%D6%84%D5%BD%D5%B8%D6%82%D6%84)
- [Բուժում հակաբիոտիկներով](#%D5%A2%D5%B8%D6%82%D5%AA%D5%B8%D6%82%D5%B4-%D5%B0%D5%A1%D5%AF%D5%A1%D5%A2%D5%AB%D5%B8%D5%BF%D5%AB%D5%AF%D5%B6%D5%A5%D6%80%D5%B8%D5%BE)

Առնչվող հոդվածներ:

## Հիվանդության պատճառները և ախտանիշները

Սեբորեայի առաջացման պատճառները լիովին չեն ուսումնասիրվել: Ավելի հաճախակի պատճառներն են.

- դեռահասների մոտ արյան մեջ սեռական հորմոնների ավելացումը;
- գենետիկ նախահակումը. սեբորետիկ դերմատիտը վերաբերում է ժառանգական հիվանդություններին;
- հորմոնները. անդրոգենները ազդում են ճարպային գեղձերի վրա: Կանանց մոտ, ովքեր տառապում են սեբորեայով, օրգանիզմում մեծ քանակությամբ արտադրվում է պրոգեստերոն, իսկ էստրոգենի քանակը նվազում է;
- սեբորեան կարող է զարգանալ որոշ հոգեկան հիվանդությունների ֆոնին:

Երեխաների մոտ հիվանդությունը կարող է զարգանալ որոշ սեռական հորմոնների պակասի հետևանքով:

> Կարևոր է. եթե սեբորեան հանկարծակի ի հայտ է գալիս տղամարդկանց մոտ, դա կարող է վկայել ամորձիների ուռուցքի մասին:

### Ճարպոտ սեբորեյիկ դերմատիտ

Մաշկը դառնում է յուղոտ, ծակոտիները ընդլայնվում են: Մաշկային ճարպը կարող է կազմությամբ հիշեցնել սալ կամ մածուկ: Հաճախ հայտնվում է թեփ, մազերը արագ յուղոտվում են:

![Հիվանդության պատճառները և ախտանիշները ](https://lifeinfo.am/storage/images/glxamashki-seborea-dexorayqayin-bujum-150.jpg "Հիվանդության պատճառները և ախտանիշները ")

Բարձիթողի վիճակում տեղի է ունենում ուղիների խցանում մաշկային ճարպով, հայտնվում է առատ պզուկային, թարախային ցան:

### Չոր սեբորեյիկ դերմատիտ

Ճարպը քիչ է արտադրվում, մաշկային հյուսվածքները խիստ չորանում են: Մաշկի վերին շերտերը ճաքում և շերտազատվում են:

Հաճախ գլխի վրա առաջանում են կարմրա-վարդագույն հետքեր (սեբորեիդներ): Հայտնվում է մանր թեփ, առաջանում է մաշկի մշտական ձգող զգացողություն: Հիվանդությունը հաճախ ուղեկցվում է քորով, որը դրսևորվում է սառը ջրի օգտագործումից հետո։ Մազերը չոր են, ջարդրտվող, ծայրերն ունեն ոչ միատարր կառուցվածք:

Չոր սեբորեայի դեպքում մեծ է մաշկային հյուսվածքների հիվանդություն առաջացնող մանրէների բազմացման վտանգը, ինչը կհանգեցնի շատ ուժեղ քորի և առատ թեփի:

> Կարևոր է. խառը սեբորեյիկ դերմատիտի դեպքում կարող են միաժամանակ հայտնվել սեբորեայի երկու տեսակների ախտանշանները:

![Քսուքներ](https://lifeinfo.am/storage/images/glxamashki-seborea-dexorayqayin-bujum-186.jpg "Քսուքներ")

## Բուժումը դեղորայքով

Սեբորեան կարող է լինել ոչ միայն ինքնուրույն հիվանդություն, այլև՝ ուղեկցել որոշ այլ հիվանդությունների։ Ուստի ճշգրիտ ախտորոշման համար պետք է այցելեք մաշկաբանի, գինեկոլոգի (անդրոլոգի), նյարդաբանի կամ էնդոկրինոլոգի:

Հիվանդության հիմնական պատճառները վերացնելու համար օգտագործվում են բուժման հետևյալ միջոցները.

- դեղամիջոցներ, որոնք վեգետատիվ նյարդային համակարգի վերականգնում գործառույթները՝ Դիազեպամ, Պանտոկրին;
- վիտամինային համալիրներ, որոնք պարունակում են վիտամին A, E, D և B;
- ցինկով պաստեղներ (пастилки);
- հորմոնալ քսուքներ և դեղահաբեր;
- իմունային համակարգի աշխատանքը կարգավորող միջոցներ՝ Իմունոֆան;
- պրոբիոտիկներ՝ Լինեքս:

Նաև նշանակվում են դեղեր, որոնք ունեն հակասնկային ազդեցություն:

![Բուժում հակաբիոտիկներով](https://lifeinfo.am/storage/images/glxamashki-seborea-dexorayqayin-bujum-179.jpg "Բուժում հակաբիոտիկներով")

Կետոնազոլը հզոր ֆունգիստատիկ և ֆունգիցիդ դեղամիջոց է: Արդյունավետ պայքարում է սնկի դեմ, բարելավում է ճարպագեղձերի աշխատանքը: Գլխամաշկը առողջանում է, մազերի կառուցվածքը ամրապնդվում է։ Նման հատկություններ ունի և Բիֆոնազոլը:

1. Յուղոտ սեբորեայի դեպքում 30 օրվա ընթացքում անհրաժեշտ է շփել գլխամաշկի հյուսվածքները նատրիումի թեոսուլֆատի կամ սալիցիլաթթվի լուծույթով:
2. Լավ օգնում է նավթալանային նավթի սպիրտային խառնուրդը:
3. Անտիհիստամինները (Կլեմաստին, Քլորոպիրամին) նվազեցնում են քորն ու բորբոքման օջախները:

> Կարևոր է. սեբորեան կոսմետիկ խնդիր չէ: Այդ պատճառով էլ անհրաժեշտ է դեղորայքային միջամտություն:

### Էժան, սակայն արդյունավետ դեղամիջոցներ

էժան, բայց ոչ պակաս արդյունավետ դեղերից կարելի է օգտագործել սուլսենի մածուկ, որը օգնում է ազատվել յուղոտ սեբորեայից: Փոքր քանակությամբ միջոցը պետք է կիրառել մաշկին շաբաթը մեկ անգամ: Կես ժամ անց լվալ գոլ ջրով։

> Կարևոր է. հիվանդության ակտիվ փուլում պետք է օգտագործել 2%-անոց դեղը: Կուրսը հաշվարկված է 2 ամսվա համար: Կանխարգելիչ նպատակով կարելի է օգտագործել 1%-անոցը:

Բյուջետային տարբերակները սեբորեայի դեմ պայքարի համար հանդիսանում են ձյութի ֆրիդերմը և սեբուտոնը: Այդ միջոցները պատրաստված են բժշկական ձյութի հիման վրա: ԲժՆվազեցնում են բորբոքումը և մաշկի թեփոտությունը:

![Ճարպոտ սեբորեյիկ դերմատիտ](https://lifeinfo.am/storage/images/glxamashki-seborea-dexorayqayin-bujum-154.jpg "Ճարպոտ սեբորեյիկ դերմատիտ")

Սեբիպրոկս շամպունը պարունակում է ցիկլոպերոքս: Ոչնչացնում է գլխի սնկային ախտահարումը կետոկոնազոլ պարունակող դեղերից ոչ պակաս լավ: Բայց այն շատ ավելի էժան է:

### Միկոզորալ

Առավել արդյունավետ շամպուն է սեբորեյիկ դերմատիտի բոլոր տեսակների բուժման համար: Հիվանդությունը անցնում է բուժման լրիվ կուրսի ավարտով: Դասվում է միջին գնային կատեգորիայի ապրանքներին: Բաց է թողնվում առանց դեղատոմսի, բայց անհրաժեշտ է մաշկաբանի խորհրդատվություն։

Շամպունը բուժիչ միջոց է, պարունակում է կետոկոնազոլ: Բուժման համար այն պետք է օգտագործել ամեն 3-րդ օրը մեկ ամսվա ընթացքում: Կանխարգելիչ նպատակներով բավական է կիրառել շամպունը մեկ անգամ 14 օրվա ընթացքում:

![Չոր սեբորեյիկ դերմատիտ](https://lifeinfo.am/storage/images/glxamashki-seborea-dexorayqayin-bujum-153.jpg "Չոր սեբորեյիկ դերմատիտ")

Միջոցը խորհուրդ չի տրվում օգտագործել հղի և կերակրող կանանց։ Ըստ սպառողների արձագանքների՝ ունի որակական ցուցանիշների և գնի լավագույն համադրությունը:

## Քսուքներ

Սեբորեյիկ դերմատիտի արտաքին բուժման միջոցները լինում են հորմոնալ և ոչ հորմոնալ:

### Ոչ հորմոնալ դեղեր

Օգտագործվում են երեխաների բուժման համար, կարելի են հղի կանանց և կերակրող մայրերին:

Ամենատարածված միջոցները.

- լամիզիլ – հակասնկային քսուք, հանում է բորբոքումը, արդյունավետ հեռացնում է մաշկի մեռած բջիջները;
- բեպանտեն (պանտոդերմ, պանտենոլ) – նպաստում է մաշկի վերականգնմանը, հարմար է կրծքի երեխաներին;
- ռանդեվիտ – փափկեցնում է մաշկը, վերացնում է քորը, բարելավում է մաշկային հյուսվածքների պաշտպանիչ ունակությունները, խոչընդոտում է դրանց եղջերացմանը;
- վիդեստիմ – պարունակում է վիտամին A, սկսում է վերականգնման գործընթացը;
- սոկլոսերիլ – լավագույն միջոցն է վերքերի բուժման համար:

![Էժան, սակայն արդյունավետ դեղամիջոցներ](https://lifeinfo.am/storage/images/glxamashki-seborea-dexorayqayin-bujum-196.jpg "Էժան, սակայն արդյունավետ դեղամիջոցներ")

### Հորմոնալ քսուքներ

Նշանակվում է սեբորեայի խորացած փուլերում: Բուժումը կարճ է, վերահսկվում է բժշկի կողմից:

1. Հիդրոկորտիզոնային մազը սեբորեայի բուժման առավել հին միջոցներից է: Վերացնում է նույնիսկ ուժեղ և խորացած բորբոքումը:
2. Ցելիսոդերմ և ակրիդերմ՝ միջոցներ գլյուկոստերոիդների հիման վրա: Վերացնում են քորը, հանում են բորբոքումը:
3. 2 տարեկանից բարձր երեխաների բուժման համար օգտագործվում է ֆլյուցինալ:

![Միկոզորալ](https://lifeinfo.am/storage/images/glxamashki-seborea-dexorayqayin-bujum-168.jpg "Միկոզորալ")

### Ծծմբային քսուք

Այս միջոցը անհրաժեշտ է շփել ողջ գլխամաշկի ծածկույթին 8 օր։ Հաջորդ օրը արվում է ընդմիջում:

1. Այնուհետև եռացրած ջրով պետք է գլուխը լվանալ՝ օգտագործելով բուժական շամպուն:
2. Հետո պետք է պատրաստել բորաթթվի լուծույթ. 150 մլ-ում լուծել 10 մլ միջոցը:
3. Ստացված դեղամիջոցը շփել մաշկին, հագնել գլխարկ:
4. Պրոցեդուրան իրականացվում է բուժման 11-րդից 13-րդ օրվա ընթացքում:

Կուրսը կրկնել մեկշաբաթյա ընդմիջումից հետո ։

![Ոչ հորմոնալ դեղեր](https://lifeinfo.am/storage/images/glxamashki-seborea-dexorayqayin-bujum-145.jpg "Ոչ հորմոնալ դեղեր")

Սեբորեայով տառապող կանանց համար գինեկոլոգը ընտրում է հորմոնալ հակաբեղմնավորիչ միջոցներ: Ծանր տեսակների բուժման համար նշանակվում է բեկլոմետազոն:

## Բուժում հակաբիոտիկներով

Եթե սեբորեան ուղեկցվում է բակտերիալ վարակներով, նշանակվում են տետրացիկլինի խմբի լայն սպեկտրի հակաբիոտիկներ (մետացիկլին): Բուժումը սկսվում է հարվածային դոզայով, որն աստիճանաբար նվազում է:

![Հորմոնալ քսուքներ](https://lifeinfo.am/storage/images/glxamashki-seborea-dexorayqayin-bujum-105.jpg "Հորմոնալ քսուքներ")

Սեբորեան բարդ, մինչև վերջ չուսումնասիրված հիվանդություն է: Կանխարգելիչ նպատակներով պետք է ավելի շատ ժամանակ անցկացնել մաքուր օդում, լիարժեք հանգստանալ: Շատ կարևոր է նաև ճիշտ սնունդը: Անհրաժեշտ է բացառել տապակած և քաղցր սնունդը, ալկոհոլային և գազավորված ըմպելիքները: Կարգավորել աղիների աշխատանքը կօգնեն բջջանյութի մեծ պարունակությամբ մթերքները: