# Ինչպես լվանալ քիթը տանը գայմորիտի ժամանակ

![Ինչպես ճիշտ լվանալ](https://lifeinfo.am/storage/img/aroxjutyun-dexer-bozhognutyun-dexabuyser-84625236.jpg "Ինչպես ճիշտ լվանալ")

Գայմորիտը տհաճ հիվանդություն է, որը վնասում է քթի ծոցերը: Բորբոքումը կարճ ժամանակում կարող է սուր ձևից վերածվել քրոնիկականի, եթե ոչինչ չձեռնարկվի: Գայմորիտի ժամանակ քիթը տանը լվանալը տարածված բուժման մեթոդ է համարվում: Ինչպես անցկացնել ընթացակարգը և ինչով, մանրամասն կքննարկենք:

Բովանդակություն:

- [Կարելի՞ է լվանալ քիթը գայմորիտի ժամանակ](#%D5%AF%D5%A1%D6%80%D5%A5%D5%AC%D5%AB%D5%AC%D5%BE%D5%A1%D5%B6%D5%A1%D5%AC-%D6%84%D5%AB%D5%A9%D5%A8-%D5%A3%D5%A1%D5%B5%D5%B4%D5%B8%D6%80%D5%AB%D5%BF%D5%AB-%D5%AA%D5%A1%D5%B4%D5%A1%D5%B6%D5%A1%D5%AF)
- [Ինչպես ճիշտ լվանալ](#%D5%AB%D5%B6%D5%B9%D5%BA%D5%A5%D5%BD-%D5%B3%D5%AB%D5%B7%D5%BF-%D5%AC%D5%BE%D5%A1%D5%B6%D5%A1%D5%AC)
- [Հոսող մեթոդ](#%D5%B0%D5%B8%D5%BD%D5%B8%D5%B2-%D5%B4%D5%A5%D5%A9%D5%B8%D5%A4)
- [Կկու. քթի ծոցերի լվացման եղանակ](#%D5%AF%D5%AF%D5%B8%D6%82-%D6%84%D5%A9%D5%AB-%D5%AE%D5%B8%D6%81%D5%A5%D6%80%D5%AB-%D5%AC%D5%BE%D5%A1%D6%81%D5%B4%D5%A1%D5%B6-%D5%A5%D5%B2%D5%A1%D5%B6%D5%A1%D5%AF)
- [Արդյունավետ լուծույթներ լվացման համար](#%D5%A1%D6%80%D5%A4%D5%B5%D5%B8%D6%82%D5%B6%D5%A1%D5%BE%D5%A5%D5%BF-%D5%AC%D5%B8%D6%82%D5%AE%D5%B8%D6%82%D5%B5%D5%A9%D5%B6%D5%A5%D6%80-%D5%AC%D5%BE%D5%A1%D6%81%D5%B4%D5%A1%D5%B6-%D5%B0%D5%A1%D5%B4%D5%A1%D6%80)
- [Ժողովրդական բժշկություն](#%D5%AA%D5%B8%D5%B2%D5%B8%D5%BE%D6%80%D5%A4%D5%A1%D5%AF%D5%A1%D5%B6-%D5%A2%D5%AA%D5%B7%D5%AF%D5%B8%D6%82%D5%A9%D5%B5%D5%B8%D6%82%D5%B6)

Նյութեր այս թեմայով:- [Քրոնիկ գայմորիտի ախտանիշները և բուժումը մեծահասակների մոտ](%D6%84%D6%80%D5%B8%D5%B6%D5%AB%D5%AF%D5%A1%D5%AF%D5%A1%D5%B6-%D5%A3%D5%A1%D5%B5%D5%B4%D5%B8%D6%80%D5%AB%D5%BF%D5%AB-%D5%A1%D5%AD%D5%BF%D5%A1%D5%B6%D5%AB%D5%B7%D5%B6%D5%A5%D6%80%D5%A8-%D5%A2%D5%B8%D6%82%D5%AA%D5%B8%D6%82%D5%B4%D5%A8-%D5%B4%D5%A5%D5%AE%D5%A1%D5%B0%D5%A1%D5%BD%D5%A1%D5%AF%D5%B6%D5%A5%D6%80%D5%AB-%D5%B4%D5%B8%D5%BF-7223 "Քրոնիկ գայմորիտի ախտանիշները և բուժումը մեծահասակների մոտ")
- [Ռինոֆլուիմուցիլ գայմորիտի ժամանակ - կիրառման հրահանգ](%D5%BC%D5%AB%D5%B6%D5%B8%D6%86%D5%AC%D5%B8%D6%82%D5%AB%D5%B4%D5%B8%D6%82%D6%81%D5%AB%D5%AC-%D5%A3%D5%A1%D5%B5%D5%B4%D5%B8%D6%80%D5%AB%D5%BF%D5%AB-%D5%A4%D5%A5%D5%BA%D6%84%D5%B8%D6%82%D5%B4-%D5%AF%D5%AB%D6%80%D5%A1%D5%BC%D5%B4%D5%A1%D5%B6-%D5%B0%D6%80%D5%A1%D5%B0%D5%A1%D5%B6%D5%A3-6578 "Ռինոֆլուիմուցիլ գայմորիտի ժամանակ - կիրառման հրահանգ")

 ![](https://lifeinfo.am/storage/images/inchic-e-arajanum-celyulity-139.png) Կարելի՞ է լվանալ քիթը գայմորիտի ժամանակ Թեև քթի լվացումը թեթև և բոլորին մատչելի ընթացակարգ է, այնուամենայնիվ այն ունի իր առանձնահատկությունները և հակացուցումները: Այն դրական արդյունք կտա հետևյալ դեպքերում՝ քթի ծոցերում բորբոքային պրոցեսների ժամանակ, 3. հարբուխով ուղեկցվող վիրուսային վարակի սուր ձևի ժամանակ,
4. ալերգիկ և վազոմոտոր ռինիտի ժամանակ,
5. օզենայի՝ տհաճ հոտով հարբուխի, որը ներկայացնում է ընթացող ատրոֆիկ պրոցես՝ կեղևներով և տհաճ հոտով,
6. որպես գայմորիտի և հարբուխի կանխարգելիչ միջոց:
Լվացումներն արգելվում են հետևյալ դեպքերում՝

- ներքին ականջի բորբոքում,
- քթից հաճախակի արյունահոսություններ,
- քթի ծոցերի լրիվ անանցանելիություն,
- ուռուցքների առկայություն,
- լվացման պատրաստուկների անհանդուրժողականություն:

Նման պրոցեսը թույլ է տալիս ոչ միայն նվազեցնել լորձաթաղանթի այտուցը, այլև տոնուսավորում է մազանոթները, օգնում է էպիթելին պայքարել վարակի դեմ: Ընթացակարգի հիմնական խնդիրն է հեռացնել կուտակված արտադրուկները, խոնավացնել լորձաթաղանթը:

## Ինչպես ճիշտ լվանալ

Լվացման ընթացակարգը հաստատված է օտորինոլարինգոլոգների կողմից: Խորհուրդ է տրվում այն անցկացնել օրական 2-3 անգամ, հեղուկի ծավալը՝ 0,5 լ: Բուժման կուրսն ընտրվում է անհատապես յուրաքանչյուր մարդու համար՝ հաշվի առնելով ախտորոշումը և հիվանդության ծանրությունը: Որքա՞ն ժամանակ պետք է լվանալ: Սուր ձևը պահանջում է առնվազն 14 օր, իսկ քրոնիկականի բուժումը կարող է ձգվել ամիսների ընթացքում: Քթի ծոցերի վրա կատարված միջամտությունից հետո բժշկի կողմից խորհուրդ տրված լվացումները պետք է անցկացվեն 6 շաբաթվա ընթացքում:

![Հոսող մեթոդ](https://lifeinfo.am/storage/images/qti-lvacum-gaymoriti-jamanak-tany-145.jpg "Հոսող մեթոդ")

Կան բազմաթիվ միջոցներ, որոնք թույլատրվում է օգտագործել ծոցերի մաքրման համար: Դրանցից լուծույթ պատրաստելիս անհրաժեշտ է ճշգրտորեն պահպանել բոլոր համամասնությունները, որպեսզի խուսափեք ալերգիայից և լորձաթաղանթի այրվածքից:

Պրոցեսը սկսելուց առաջ անհրաժեշտ է կատարել գործիքների ստերիլիզացում: Դրա համար հարմար է սպիրտը: Հիմնական գործիքները՝

- լվացիչ (սպրինցովկա),
- ներարկիչ,
- փոքրիկ թեյնիկ,
- սինուս-կաթետեր,
- հատուկ քթի ցնցուղներ:

Մաքրման համար ավելի լավ է օգտագործել այն դեղամիջոցները, որոնք խորհուրդ է տվել օտոլարինգոլոգը: Ինքնին ընթացակարգը չպետք է տևի ավելի քան 15 րոպե: Գայմորիտի բուժման ժամանակ մի քանի օր հետո զգացվում է վիճակի բարելավում: Եթե դա չի նկատվում, անհրաժեշտ է տեղեկացնել բուժող բժշկին:

### Հոսող մեթոդ

Այս եղանակով օգտագործում են լվացիչ կամ ներարկիչ: Լուծույթը կարող է լինել դեղամիջոցներով կամ խոտաբույսերի եփուկներով: Ընթացակարգն իրականացվում է այսպես՝

- նախապես պատրաստված լուծույթը լավ թափահարում են, լցնում ներարկիչի մեջ,
- ներարկիչի ծայրամասը մտցնում են քթի ծոց և, դանդաղ սեղմելով մխոցը, լցնում ամբողջ պարունակությունը,
- ընթացակարգը ճիշտ կատարված կհամարվի, եթե հեղուկը մտցնելուց հետո դուրս գա մյուս քթանցքից,
- լվացումն ավելի լավ է կատարել լվացարանի վրա:

Ընթացակարգի ժամանակ լուծույթի մի մասը կարող է ընկնել բերանի մեջ, դրանում ոչ մի սարսափելի բան չկա, այն պետք է թքել:

### Կկու. քթի ծոցերի լվացման եղանակ

Այս եղանակը հաճախ օգտագործվում է բուժհաստատություններում: Այն խորհուրդ է տրվում անցկացնել գայմորիտի բուժման այլ մեթոդների հետ միասին: Բժիշկը կամ բուժքույրը ֆիզիոթերապիայի կաբինետում արդյունավետորեն կազատեն հիվանդի քթի ծոցերը թարախից և լորձից:

![Կկու. քթի ծոցերի լվացման եղանակ](https://lifeinfo.am/storage/images/qti-lvacum-gaymoriti-jamanak-tany-142.jpg "Կկու. քթի ծոցերի լվացման եղանակ")

Ընթացակարգը բաղկացած է հետևյալ փուլերից՝

- հիվանդի քիթը մտցվում է հատուկ սարք, որը կոչվում է ասպիրատոր-ներծծիչ,
- հեղուկի ներարկման ժամանակ ստեղծվում է բացասական ճնշում,
- հեղուկը շրջանառվում է արագացված տեմպերով,
- հեղուկի քիթ հասնելու պահին հիվանդը պետք է կրկնի «կու-կու» բառը, հենց դրա համար այս մեթոդը կոչվում է կկու,
- ընթացակարգն իրականացվում է պառկած դիրքով, գլուխը հետ:

> Կարևոր է! Ընթացակարգից առաջ հիվանդին ներարկվում են անոթները նեղացնող միջոցներ:

Գայմորիտի ծանր ձևի դեպքում հեղուկի ներարկման ժամանակ մյուս քթանցքը ժամանակավորապես փակվում է: Սա թույլ կտա լուծույթին լցնել բոլոր ներքին ուղիները և լվանալ լորձն ու թարախը նույնիսկ հեռավոր հատվածներից:

## Արդյունավետ լուծույթներ լվացման համար

Քթի ծոցերի լվացումը կարելի է կատարել նույնիսկ եռացրած ջրով: Սակայն ավելի լավ է օգտագործել միջոց, որն օգնում է հեշտությամբ հեռացնել թարախն ու լորձը, ինչպես նաև կունենա հակամանրէային և հակաբորբոքային ազդեցություն: Տանը ընթացակարգն իրականացնելու համար կարելի է օգտագործել հետևյալ միջոցները՝

1. Սոդա: Այն վերացնում է այտուցը, հանում բորբոքումը, ունի մուկոլիտիկ ազդեցություն: Լուծույթը պատրաստվում է այսպես՝ բաժակ տաք ջրի մեջ նոսրացնել ½ թեյի գդալ սոդա:
2. Ուտելու աղ: Քիթը աղի լուծույթով լվանալու համար անհրաժեշտ է 1 լ ջրի մեջ նոսրացնել 5 գ աղ (1 թեյի գդալ):
3. Ծովի աղ: Այն հիանալի կերպով պայքարում է գայմորիտի դեմ: Կարելի է դեղատնից գնել պատրաստի աղի ջուր՝ Aqua Maris, Humer կամ Marimer: Դրանց հիմնական բաղադրիչը ստերիլիզացված ծովի աղն է: Այդ պատճառով դրանք խորհուրդ է տրվում օգտագործել նույնիսկ երեխայի քիթը լվանալու համար:
4. Աղ և սոդա մի քանի կաթիլ յոդով: Սա ուժեղ և օգտակար լուծույթ է: Այն օգնում է վերացնել լորձաթաղանթի այտուցը, հանել բորբոքումը: Ունի հականեխիչ հատկություններ, արագացնում է մանրաճաքերի ապաքինումը, ազատում կանգուն լորձից ու թարախից:
5. Ֆուրացիլին: Ցանկացած դեղատնից կարելի է գնել այս հաբերը, որոնք նոսրացվում են տաք ջրի մեջ (2 հատ մեկ բաժակ հեղուկի համար): Այս լուծույթն օգնում է բարելավել հիվանդի վիճակը թարախային բորբոքման ժամանակ:
6. Dolphin: Այս միջոցը վաճառվում է հատուկ շշերով, որոնք նախատեսված են քիթը հարմարավետ մաքրելու համար: Այն թողարկվում է առանձին մեծահասակների և երեխաների համար: Հրահանգում մանրամասն նկարագրված է, թե ինչպես օգտագործել:
7. Դիօքսիդին - պատրաստի լուծույթ է քթի ծոցերը լվանալու համար, որն օգտագործվում է մաքուր տեսքով: Քիթ ներարկել այն պետք է ներարկիչի կամ լվացիչի միջոցով: Եթե հիվանդի մոտ նկատվում է բարձրացված զգայունություն այս միջոցի նկատմամբ, ապա այն կարելի է նոսրացնել ֆիզիոլոգիական լուծույթով:
8. Ջրածնի պերօքսիդն ևս հարմար է գայմորիտի ժամանակ լվացման համար, քանի որ ունի հականեխիչ ազդեցություն: Լուծույթը պատրաստվում է այսպես՝ 200 մլ ջուր և 1 ճաշի գդալ 3% պերօքսիդ:
9. Քլորհեքսիդինն օգտագործվում է մաքուր տեսքով: Դրանում ակտիվ նյութերի կոնցենտրացիան կարող է տարբեր լինել: Գայմորիտն արդյունավետ բուժելու համար ավելի լավ է օգտագործել 0,05% լուծույթ:

![Ինչպես լվանալ քիթը տանը գայմորիտի ժամանակ](https://lifeinfo.am/storage/images/qti-lvacum-gaymoriti-jamanak-tany-178.jpg "Ինչպես լվանալ քիթը տանը գայմորիտի ժամանակ")

> Կարևոր է! Ելենա Մալիշևան իր հաղորդումներում պատմում է, որ քթի լվացում կարելի է կատարել նաև կանխարգելիչ նպատակով: Օրինակ, ամեն առավոտ կատարել աղային լվացում: Սա կօգնի կանխել հարբուխային հիվանդությունները:

## Ժողովրդական բժշկություն

Ժողովրդական բժշկության մեթոդներն օգտագործվում են բազմաթիվ հիվանդությունների բուժման ժամանակ: Դրանում կան լուծույթների բաղադրատոմսեր, որոնք արդյունավետորեն պայքարում են նաև գայմորիտի դեմ: Առավել հաճախ շնչառական հիվանդությունների ժամանակ բժիշկները խորհուրդ են տալիս օգտագործել երիցուկի եփուկ: Սակայն կան նաև այլ ժողովրդական միջոցներ՝

1. Քթի ծոցերը լավ է լվանում պրոպոլիսի եփուկը: Այն պատրաստվում է այսպես՝ ամանի մեջ լցնել մեկ բաժակ ջուր, ավելացնել 1 թեյի գդալ ուտելու աղ, եռացնել, իսկ հետո ավելացնել 12 կաթիլ պրոպոլիսի թուրմ: Ընթացակարգն անհրաժեշտ է կատարել թարմ լուծույթով:
2. Հաճախ տատիկները չորացնում են հաղարջի տերևները, որպեսզի ձմռանը խմեն բուրավետ թեյ: Սակայն սև հաղարջի եփուկը կարելի է օգտագործել նաև քիթը լվանալու համար: Տերևների փոքրիկ խուրձը լցվում է 300 մլ եռման ջրով, թողնում են սառչի և կատարում են ընթացակարգը:
3. Երիցուկի և խատուտիկի եփուկն օգնում է վերացնել ծոցերի բորբոքումը: Լուծույթ պատրաստելու համար անհրաժեշտ է վերցնել 1 մաս երիցուկի ծաղիկ և երկու մաս՝ խատուտիկ, լցնել 300 մլ նոր եռացրած ջրով: Սառչելուց հետո կարելի է օգտագործել քիթը լվանալու համար:
4. Գայմորիտի բուժման ժամանակ արդյունավետ է նաև տատասկի (չիստոտել) հիմքով լուծույթը: Այն պատրաստելու համար անհրաժեշտ է տաք ջրի մեջ (300 մլ) նոսրացնել մեկական թեյի գդալ աղ և տատասկի հյութ:

Գայմորիտն արդյունավետորեն բուժել կարելի է համալիր թերապիայի միջոցով: Լվացումներից բացի, հարկավոր է ավելացնել հակաբորբոքային դեղամիջոցների ընդունում, քթի կաթիլներ և այլ միջոցներ, որոնք խորհուրդ է տալիս բուժող բժիշկը: Բակտերիալ գայմորիտը բուժվում է միայն հակաբիոտիկներով, այս ձևի դեպքում տնային լվացումներն անարդյունավետ և վտանգավոր են: Առաջին ախտանիշների դեպքում անհրաժեշտ է դիմել որակյալ օգնության: Սա բարդությունների լավագույն կանխարգելումն է:
