# Ինչպիսի դիետա պահպանել ապենդիցիտի հեռացումից հետո

![Որքան ժամանակ պահպանել դիետան հեռացումից հետո](https://lifeinfo.am/storage/img/aroxjutyun-dexer-bozhognutyun-dexabuyser-49711902.jpg "Որքան ժամանակ պահպանել դիետան հեռացումից հետո")

Ապենդիցիտը կույր աղու որդանման ելունի` ապենդիքսի սուր բորբոքային հիվանդություն է։ Բորբոքման օջախից ամբողջությամբ ազատվելու միակ եղանակը այս ելունի հեռացումն է։ Չափազանց կարևոր է ապենդիցիտի հեռացումից հետո ճիշտ դիետան, որը պարտադիր պետք է պահպանվի տվյալ վիրահատությունից հետո։ Ճիշտ սնունդը կօգնի արագ վերականգնվել առանց բարդությունների։

Բովանդակություն`

- [Ինչ կարելի է ուտել ապենդիցիտի վիրահատությունից հետո](#%D5%AB%D5%B6%D5%B9-%D5%AF%D5%A1%D6%80%D5%A5%D5%AC%D5%AB%D5%B8%D6%82%D5%BF%D5%A5%D5%AC-%D5%A1%D5%BA%D5%A5%D5%B6%D5%A4%D5%AB%D6%81%D5%AB%D5%BF%D5%AB-%D5%BE%D5%AB%D6%80%D5%A1%D5%B0%D5%A1%D5%BF%D5%B8%D6%82%D5%A9%D5%B5%D5%B8%D6%82%D5%B6%D5%AB%D6%81-%D5%B0%D5%A5%D5%BF%D5%B8)
- [Ինչ չի կարելի ուտել](#%D5%AB%D5%B6%D5%B9-%D5%B9%D5%AB-%D5%AF%D5%A1%D6%80%D5%A5%D5%AC%D5%AB-%D5%B8%D6%82%D5%BF%D5%A5%D5%AC)
- [Որքան ժամանակ պահպանել դիետան հեռացումից հետո](#%D5%B8%D6%80%D6%84%D5%A1%D5%B6-%D5%AA%D5%A1%D5%B4%D5%A1%D5%B6%D5%A1%D5%AF-%D5%BA%D5%A1%D5%B0%D5%BA%D5%A1%D5%B6%D5%A5%D5%AC-%D5%A4%D5%AB%D5%A5%D5%BF%D5%A1%D5%B6-%D5%B0%D5%A5%D5%BC%D5%A1%D6%81%D5%B8%D6%82%D5%B4%D5%AB%D6%81-%D5%B0%D5%A5%D5%BF%D5%B8)

Հարակից հոդվածներ`- [Կանանց մոտ քրոնիկ ապենդիցիտի ախտանիշները և բուժումը](%D5%AF%D5%A1%D5%B6%D5%A1%D5%B6%D6%81-%D5%B4%D5%B8%D5%BF-%D6%84%D6%80%D5%B8%D5%B6%D5%AB%D5%AF%D5%A1%D5%AF%D5%A1%D5%B6-%D5%A1%D5%BA%D5%A5%D5%B6%D5%A4%D5%AB%D6%81%D5%AB%D5%BF%D5%AB-%D5%A1%D5%AD%D5%BF%D5%A1%D5%B6%D5%AB%D5%B7%D5%B6%D5%A5%D6%80%D5%A8-%D5%A2%D5%B8%D6%82%D5%AA%D5%B8%D6%82%D5%B4%D5%A8-4267 "Կանանց մոտ քրոնիկ ապենդիցիտի ախտանիշները և բուժումը")
- [Գանգրենոզ ապենդիցիտի ախտանիշները և պատճառները](%D5%A3%D5%A1%D5%B6%D5%A3%D6%80%D5%A5%D5%B6%D5%B8%D5%A6-%D5%A1%D5%BA%D5%A5%D5%B6%D5%A4%D5%AB%D6%81%D5%AB%D5%BF%D5%AB-%D5%A1%D5%AD%D5%BF%D5%A1%D5%B6%D5%AB%D5%B7%D5%B6%D5%A5%D6%80%D5%B6-%D5%B8%D6%82-%D5%BA%D5%A1%D5%BF%D5%B3%D5%A1%D5%BC%D5%B6%D5%A5%D6%80%D5%A8-4894 "Գանգրենոզ ապենդիցիտի ախտանիշները և պատճառները")
- [Ֆլեգմոնոզ ապենդիցիտի ախտանիշները և պատճառները](%D6%86%D5%AC%D5%A5%D5%A3%D5%B4%D5%B8%D5%B6%D5%B8%D5%A6-%D5%A1%D5%BA%D5%A5%D5%B6%D5%A4%D5%AB%D6%81%D5%AB%D5%BF%D5%AB-%D5%A1%D5%AD%D5%BF%D5%A1%D5%B6%D5%AB%D5%B7%D5%B6%D5%A5%D6%80%D5%A8-%D5%BA%D5%A1%D5%BF%D5%B3%D5%A1%D5%BC%D5%B6%D5%A5%D6%80%D5%A8-5477 "Ֆլեգմոնոզ ապենդիցիտի ախտանիշները և պատճառները")
- [Ապենդիցիտի առաջացման պատճառները](%D5%A1%D5%BA%D5%A5%D5%B6%D5%A4%D5%AB%D6%81%D5%AB%D5%BF%D5%AB-%D5%A1%D5%BC%D5%A1%D5%BB%D5%A1%D6%81%D5%B4%D5%A1%D5%B6-%D5%BA%D5%A1%D5%BF%D5%B3%D5%A1%D5%BC%D5%B6%D5%A5%D6%80%D5%A8-7806 "Ապենդիցիտի առաջացման պատճառները")
- [Ինչ նշաններով որոշել ապենդիցիտը երեխաների մոտ](%D5%AB%D5%B6%D5%B9-%D5%B6%D5%B7%D5%A1%D5%B6%D5%B6%D5%A5%D6%80%D5%B8%D5%BE-%D5%B8%D6%80%D5%B8%D5%B7%D5%A5%D5%AC-%D5%A1%D5%BA%D5%A5%D5%B6%D5%A4%D5%AB%D6%81%D5%AB%D5%BF%D5%A8-%D5%A5%D6%80%D5%A5%D5%AD%D5%A1%D5%B6%D5%A5%D6%80%D5%AB-%D5%B4%D5%B8%D5%BF-3844 "Ինչ նշաններով որոշել ապենդիցիտը երեխաների մոտ")

 ![](https://lifeinfo.am/storage/images/inchic-e-arajanum-celyulity-139.png) Ապենդէկտոմիան` ապենդիքսի հեռացման վիրահատությունը, համարվում է վիրաբուժական միջամտության բավականին պարզ տեսակ։ Վիճակագրության համաձայն, սա որովայնի խոռոչում կատարվող ամենատարածված վիրահատություններից մեկն է։ Անբարենպաստ ելքը հանդիպում է ապենդիցիտի բոլոր դեպքերի մեկ տոկոսից էլ պակաս դեպքերում։ Սովորաբար վիրահատությունը կատարվում է լապարոսկոպիայի եղանակով, աղու ելունը հեռացվում է փոքր կտրվածքով։ Վիրահատությունից գրեթե անմիջապես հետո, արդեն հաջորդ օրը, եթե ապենդիքսի բորբոքումն ուղեկցվել է որևէ լրացուցիչ բարդությամբ, հիվանդն իրեն բավականին լավ է զգում։ Միաժամանակ չարժե բոլորովին անլուրջ վերաբերվել ապենդիքսի բորբոքմանը և վիրահատությանը։ Օրգանի հեռացման ժամանակ միջամտություն է կատարվում աղու հյուսվածքներին, հիվանդը ենթարկվում է անզգայացման, անհրաժեշտ է ժամանակ ապաքինման համար։ Որպեսզի միջամտությունից հետո բոլոր գործընթացները ընթանան հարթ, կարևոր է պահպանել դիետան և վիրահատությունից հետո վարքագծի որոշ այլ կանոններ։ Ապենդիցիտի պերիտոնիտից և այս հիվանդության այլ բարդություններից հետո, եթե բորբոքման օջախը ժամանակին վերացվել է, և այլ հետևանքներ չեն առաջացել, նշանակվում է հատուկ խնայող դիետա։ Կախված աղու վնասվածության աստիճանից` այն կարող է տևել ավելի կամ պակաս երկար ժամանակահատված։ Ընդհանուր առմամբ, արժե հիշել, որ սննդակարգը կարող է ճշգրտվել` կախված վիրահատությունից հետո վերականգնման գործընթացի անհատական առանձնահատկություններից։ Կարևոր է. ապենդիքսի ամբողջական հեռացումից հետո այս հիվանդության կրկնակի նոպա չի առաջանում, դիետան անհրաժեշտ է միայն հետվիրահատական բարդություններից խուսափելու և ստամոքս-աղիքային տրակտի բնականոն գործունեությունը վերականգնելու համար։ ![Ինչպիսի դիետա պահպանել ապենդիցիտի հեռացումից հետո](https://lifeinfo.am/storage/images/apendiciti-heracumic-heto-dieta-inch-utel-144.jpg "Ինչպիսի դիետա պահպանել ապենդիցիտի հեռացումից հետո") Ինչ կարելի է ուտել ապենդիցիտի վիրահատությունից հետո Ընդհանուր առմամբ արժե պատրաստ լինել բավականին երկար ժամանակահատվածի, երբ իսկապես հարկ կլինի հետևել սննդակարգին։ Երեխաների մոտ ապենդիցիտից հետո դիետան սովորաբար քիչ է տարբերվում մեծահասակների սննդակարգից, այն կարող է մի փոքր ավելի խիստ լինել, հատկապես եթե երեխան ի սկզբանե բավականին զգայուն մարսողական համակարգ ունի։ Վիրահատությունից անմիջապես հետո սովորաբար սկսվում է օրերով կազմված դիետա։ Վիրաբուժական միջամտությունից հետո առաջին երեք օրերն ամենախիստն են, սնունդը պետք է ունենա հետևյալ տեսքը` Միջամտությունից հետո առաջին օրը ընդհանրապես խորհուրդ չի տրվում սնունդ ընդունել։ Վիրահատությունից հետո առաջին տասներկու ժամվա ընթացքում կարելի է միայն փոքր քանակությամբ ջուր խմել։ Օրվա վերջում, եթե վերականգնումն ընթանում է ըստ պլանի, կարող է առաջարկվել բրնձի եփուկ կամ սովորական կիսել` փոքր քանակությամբ։ 5. Երկրորդ օրը, եթե որևէ խախտում չի առաջանում, թույլատրվում է հաճախակի սնունդ ընդունել` օրական մինչև 5-6 անգամ։ Սովորաբար դրանք փոքր չափաբաժիններ են` ոչ յուղոտ հավի արգանակ, կարտոֆիլի պյուրե, եփած բրինձ, ոչ յուղոտ մաքուր յոգուրտ։ Նույն սնունդը շարունակվում է նաև երրորդ օրը։
6. Վիրաբուժական միջամտությունից հետո հաջորդ յոթ օրերի ընթացքում սովորաբար սնունդը մնում է նույնը, հիմքը կազմում են ոչ յուղոտ արգանակները և կարտոֆիլի, դդմիկի, դդումի, ճակնդեղի պյուրեն։ Դրանցից կարելի է նաև պյուրե-ապուր պատրաստել։ Թույլատրվում են որոշ ոչ կոպիտ շիլաներ, առավել օպտիմալ է բրինձը, որը կարելի է սկսել կաթի վրա պատրաստել։
Շաբաթ անց դիետան դեռևս պետք է մնա խնայող։ Զգուշությամբ կարելի է սկսել տարբեր կաթնամթերք ներմուծել, սկսել արժե ոչ յուղոտ մաքուր յոգուրտից, կեֆիրից, փափուկ ոչ յուղոտ պանրից և այլ թեթև թթվասննդամթերքներից։ Թույլատրվում են ստամոքս-աղիքային տրակտը չգրգռող, գազագոյացումը չառաջացնող բանջարեղեն և մրգեր։ Դրանց թվին են պատկանում կարտոֆիլը, ճակնդեղը, դդումը, դդմիկը։

![Ինչպիսի դիետա պահպանել ապենդիցիտի հեռացումից հետո](https://lifeinfo.am/storage/images/apendiciti-heracumic-heto-dieta-inch-utel-186.jpg "Ինչպիսի դիետա պահպանել ապենդիցիտի հեռացումից հետո")

Երկրորդ շաբաթում նույնպես անհրաժեշտ է պահպանել սահմանափակ դիետիկ սննդակարգ։ Վերականգնման ամբողջ ընթացքում անհրաժեշտ է բավարար քանակությամբ հեղուկ խմել։ Նախապատվությունը արժե տալ սովորական ջրին, թույլ սևին կամ կանաչ թեյին առանց հավելումների, հանգստացնող բուսական թուրմերին, օրինակ` երիցուկին։ Թույլատրվում է նաև դդումի հյութ։

Արժե ընտրել ամենապարզ բաղադրատոմսերը։ Որքան պարզ է սնունդը վիրահատությունից հետո առաջին մի քանի շաբաթների ընթացքում, այնքան մեծ են առանց ծանր հետևանքների արագ վերականգնվելու շանսերը։ Սնվել անհրաժեշտ է հաճախակի` օրական մինչև 5-6 անգամ, փոքր չափաբաժիններով։ Ցանկալի չէ մեկ անգամից մեծ քանակությամբ սննդով ծանրաբեռնել մարսողական տրակտը։

> Կարևոր է. վերականգնման ողջ ժամանակահատվածում սնունդը պետք է եփել կամ շոգեխաշել։ Ոչ մի դեպքում չպետք է սկսել տապակելով պատրաստվող ուտեստներ ներմուծել։

### Ինչ չի կարելի ուտել

Կան մթերքներ, որոնցից վիրահատությունից հետո առաջին մի քանի շաբաթների ընթացքում պարտադիր պետք է խուսափել։ Առաջին հերթին դրանց են պատկանում ստամոքս-աղիքային տրակտը գրգռող տարբեր մթերքներ` յուղոտ միս, տարբեր մսամթերք, մեծ քանակությամբ համեմունքներով և այլ հավելումներով ուտեստներ, աղի սնունդ։

Նաև չի կարելի ուտել գազագոյացումը մեծացնող մթերքներով ուտեստներ։ Այդպիսի մթերքների թվին են պատկանում ոսպը, լոբին, ոլոռը, այլ հատիկաընդեղեն։ Խորհուրդ չի տրվում ուտել ընկույզներ և տարբեր բույսերի սերմեր։ Չարժե դիմել յուղոտ թթվասննդամթերքի, գազավորված ըմպելիքների, քաղցրավենիքի։

Վերականգնման ժամանակահատվածում ոչ պատշաճ սնունդը կարող է բազմաթիվ խնդիրներ առաջացնել։ Առաջին հերթին` տարբեր մարսողական խանգարումներ, ամենավատ դեպքում կարող է առաջանալ թարախակալում և կարանների շեղում (բացում)։ Չարժե ռիսկի դիմել, ավելի լավ է օրգանիզմին հնարավորություն տալ վիրահատությունից հետո լիովին վերականգնվել։

![Ինչպիսի դիետա պահպանել ապենդիցիտի հեռացումից հետո](https://lifeinfo.am/storage/images/apendiciti-heracumic-heto-dieta-inch-utel-168.jpg "Ինչպիսի դիետա պահպանել ապենդիցիտի հեռացումից հետո")

## Որքան ժամանակ պահպանել դիետան հեռացումից հետո

Ընդհանուր առմամբ, դիետիկ սննդի տևողությունը կախված է վերականգնողական գործընթացների տեմպերից, օրգանիզմի անհատական առանձնահատկություններից։ Որոշ մարդիկ վիրահատությունից ընդամենը մի քանի շաբաթ անց արդեն գրեթե ամբողջությամբ ունակ են վերադառնալ բնականոն սննդակարգին։

Ընդհանուր առմամբ, ցանկալի է առաջին ամսվա ընթացքում պահպանել բավականին խիստ դիետա, մնացած մթերքները անհրաժեշտ է աստիճանաբար ներառել սննդակարգում, շտապել չարժե։ Մի քանի շաբաթվա ընթացքում օրգանիզմը սովորաբար հասցնում է վերականգնվել։ Որպեսզի դիետիկ սննդակարգից կտրուկ անցում կատարելով` գրգռում չհրահրվի, մթերքները սննդակարգ պետք է ներմուծել առանց շտապողականության։

Ընդհանուր առմամբ, եթե ապենդիքսի հեռացումից հետո պահպանվեն բժշկի բոլոր առաջարկությունները, բարդություններ չպետք է առաջանան։ Արժե հիշել, որ դիետիկ սնունդը լիովին ապաքինման բավականին կարևոր ասպեկտ է։ Եթե դիետային չհետևել, վիրահատությունից հետո բարդությունների հավանականությունը մեծանում է։
