# Լեղապարկի լապարոսկոպիա. ցուցումներ և հակացուցումներ

![Պատրաստում վիրահատությանը](https://lifeinfo.am/storage/images/lexaparki-laparoskopia-inch-e-ev-erb-e-anhrajesht-155.jpg "Պատրաստում վիրահատությանը")

Մարսողական համակարգը բարդ, փոխկապակցված մեխանիզմ է։ Այն վճռորոշ դեր է խաղում օրգանիզմի լիարժեք կենսագործունեության ապահովման գործում։ Այս համակարգի բոլոր բաղադրիչները կարևոր են և ախտաբանական վիճակների առաջացման դեպքում կարիք ունեն բուժման։ Խնդիրն օգնության ժամանակին ցուցաբերումն է։ Այսպես, լյարդի և դրա հետ կապված օրգանների հիվանդությունները, նյարդային վերջավորությունների բացակայության պատճառով, սկզբնական փուլերում ընթանում են անախտանիշ։ Հետևաբար, հաճախ, լեղապարկի լապարոսկոպիան հիվանդությունը հաղթահարելու միակ հնարավորությունն է լինում։ Այս մեթոդն ունի մի շարք առավելություններ՝ կորովի (բաց) վիրահատության համեմատ։

Բովանդակություն՝

- [Լեղապարկի լապարոսկոպիա - ինչ է սա](#%D5%AC%D5%A5%D5%B2%D5%A1%D5%BA%D5%A1%D6%80%D5%AF%D5%AB-%D5%AC%D5%A1%D5%BA%D5%A1%D6%80%D5%B8%D5%BD%D5%AF%D5%B8%D5%BA%D5%AB%D5%A1-%D5%AB%D5%B6%D5%B9%D5%BD%D5%A1)
- [Վիրահատության անցկացման ցուցումները](#%D5%BE%D5%AB%D6%80%D5%A1%D5%B0%D5%A1%D5%BF%D5%B8%D6%82%D5%A9%D5%B5%D5%A1%D5%B6-%D5%A1%D5%B6%D6%81%D5%AF%D5%A1%D6%81%D5%B4%D5%A1%D5%B6-%D6%81%D5%B8%D6%82%D6%81%D5%B8%D6%82%D5%B4%D5%B6%D5%A5%D6%80%D5%A8)
- [Պատրաստում վիրահատությանը](#%D5%BA%D5%A1%D5%BF%D6%80%D5%A1%D5%BD%D5%BF%D5%B8%D6%82%D5%B4-%D5%BE%D5%AB%D6%80%D5%A1%D5%B0%D5%A1%D5%BF%D5%B8%D6%82%D5%A9%D5%B5%D5%A1%D5%B6%D5%A8)
- [Լապարոսկոպիկ խոլեցիստէկտոմիայի անցկացումը](#%D5%AC%D5%A1%D5%BA%D5%A1%D6%80%D5%B8%D5%BD%D5%AF%D5%B8%D5%BA%D5%AB%D5%AF-%D5%AD%D5%B8%D5%AC%D5%A5%D6%81%D5%AB%D5%BD%D5%BF%D5%A7%D5%AF%D5%BF%D5%B8%D5%B4%D5%AB%D5%A1%D5%B5%D5%AB-%D5%A1%D5%B6%D6%81%D5%AF%D5%A1%D6%81%D5%B8%D6%82%D5%B4%D5%A8)
- [Առավելություններ և թերություններ](#%D5%A1%D5%BC%D5%A1%D5%BE%D5%A5%D5%AC%D5%B8%D6%82%D5%A9%D5%B5%D5%B8%D6%82%D5%B6%D5%B6%D5%A5%D6%80-%D5%A9%D5%A5%D6%80%D5%B8%D6%82%D5%A9%D5%B5%D5%B8%D6%82%D5%B6%D5%B6%D5%A5%D6%80)
- [Հակացուցումներ](#%D5%B0%D5%A1%D5%AF%D5%A1%D6%81%D5%B8%D6%82%D6%81%D5%B8%D6%82%D5%B4%D5%B6%D5%A5%D6%80)
- [Հնարավոր բարդություններ](#%D5%B0%D5%B6%D5%A1%D6%80%D5%A1%D5%BE%D5%B8%D6%80-%D5%A2%D5%A1%D6%80%D5%A4%D5%B8%D6%82%D5%A9%D5%B5%D5%B8%D6%82%D5%B6%D5%B6%D5%A5%D6%80)
- [Սննդակարգը՝ օրերով](#%D5%BD%D5%B6%D5%B6%D5%A4%D5%A1%D5%AF%D5%A1%D6%80%D5%A3%D5%A8%D5%9D-%D6%85%D6%80%D5%A5%D6%80%D5%B8%D5%BE)
- [Վերականգնողական շրջան](#%D5%BE%D5%A5%D6%80%D5%A1%D5%AF%D5%A1%D5%B6%D5%A3%D5%B6%D5%B8%D5%B2%D5%A1%D5%AF%D5%A1%D5%B6-%D5%B7%D6%80%D5%BB%D5%A1%D5%B6)

Նյութեր նույն թեմայով՝
 ![](https://lifeinfo.am/storage/images/inchic-e-arajanum-celyulity-139.png) Լեղապարկի լապարոսկոպիա - ինչ է սա Լապարոսկոպիկ խոլեցիստէկտոմիայի (լեղապարկի հեռացում) մեթոդն իր անվանումը ստացել է հիվանդ օրգանին մուտք ապահովող գործիքից՝ լապարոսկոպից։ Սա երկու ալիքով օպտիկական համակարգ է։ Դրանցից մեկով որովայնի խոռոչ է մտնում լույսը, երկրորդով պատկերը փոխանցվում է մոնիտորին, որի միջոցով վիրաբույժը հետևում է միջամտության ընթացքին։ Սովորական կորովի վիրահատության ժամանակ սա տեղի է ունենում որովայնի առաջային պատի կտրվածքի միջոցով։ Բժիշկը տեսնում է օրգանները և վիրաբուժական գործիքների միջոցով կատարում է անհրաժեշտ մանիպուլյացիաները։ Լապարոսկոպիայի դեպքում այս սարքերը խոռոչ են մտցվում չորս փոքր ծակոցների միջոցով՝ հատուկ մանիպուլյատորների՝ տրոակարների շնորհիվ։ Դրանք խոռոչավոր խողովակներ են, որոնց միջով մտցվում են սարքավորումներ, որոնցով բժիշկը հեռացնում է կպումները, դնում ամրակալներ, կաուտերացնում (խանձում) անոթները, մի խոսքով, կատարում է բոլոր անհրաժեշտ գործողությունները։ Այս մեթոդը վիրաբույժից պահանջում է բարձր վարպետություն, սակայն հիվանդի համար ավելի խնայողական է։ Լապարոսկոպիան նշանակվում է լեղապարկի հիմնական, բարդացած ախտաբանությունների դեպքում։ Վիրահատության անցկացման ցուցումները Լապարոսկոպիկ խոլեցիստէկտոմիան լինում է երկու տեսակի. լեղապարկի ամբողջական հեռացում. 3. օրգանից քարերի հեռացում։
![Հակացուցումներ](https://lifeinfo.am/storage/img/aroxjutyun-dexer-bozhognutyun-dexabuyser-67110972.jpg "Հակացուցումներ")

Պետք է նշել, որ երկրորդ տեսակի վիրահատությունները այսօր գրեթե չեն անցկացվում։ Քանի որ, եթե կոնկրեմենտները շատ են, մաքրումից հետո ինքնին պարկը թողնելն իմաստ չունի. մեծ է լեղաքարային հիվանդության և խոլեցիստիտի կրկնության ռիսկը։

Եթե քարերը քիչ են, դրանց հետ կարելի է հաղթահարել էնդոսկոպիկ մեթոդով, ուլտրաձայնային պրոցեդուրաների կամ դեղորայքային թերապիայի (Ursosan, Ursofalk և նման այլ պատրաստուկների) միջոցով։ Դրանց ազդեցության տակ կոնկրեմենտները մանրանում են և բնական ճանապարհով դուրս են բերվում օրգանիզմից, ինչն ընդհանրապես հնարավորություն է տալիս խուսափել վիրահատությունից։

Այսպիսով, լապարոսկոպիան նշանակվում է այն դեպքում, երբ պահանջվում է օրգանն ամբողջությամբ հեռացնել, այլ ոչ թե դրանից քարեր հանել։ Միջամտության ցուցումներ են հանդիսանում հետևյալ հիվանդությունները.

- լեղաքարային հիվանդություն.
- խոլեցիստիտ՝ սուր կամ խրոնիկական ձևերով.
- խոլեստերոզ.
- պոլիպներ.
- ծորանների խցանում քարերով։

Եթե լեղապարկում բորբոքային պրոցեսն ուղեկցվում է քարերի մեծ քանակությամբ ձևավորմամբ, իսկ դեղորայքային բուժումը արդյունք չի տալիս, հիվանդին նշանակվում է խոլեցիստէկտոմիայի անցկացման համար անհրաժեշտ հետազոտություն։

## Պատրաստում վիրահատությանը

Վիրահատական միջամտությունից մոտ 10 օր առաջ հիվանդին նշանակվում են հետևյալ հետազոտություններն ու ախտորոշիչ պրոցեդուրաները.

- որովայնի խոռոչի օրգանների ուլտրաձայնային հետազոտություն (ՈՒՁՀ).
- արյան ընդհանուր և կենսաքիմիական վերլուծություն.
- կոագուլոգրամա.
- մեզի հետազոտություններ.
- ԷԿԳ.
- կրծքավանդակի ռենտգեն.
- ֆլյուորոգրաֆիա.
- արյան անալիզ ՄԻԱՎ-ի, սիֆիլիսի, հեպատիտ B-ի և C-ի առկայության վերաբերյալ։

![Հնարավոր բարդություններ](https://lifeinfo.am/storage/images/lexaparki-laparoskopia-inch-e-ev-erb-e-anhrajesht-121.jpg "Հնարավոր բարդություններ")

> Կարևոր է! Եթե ցուցանիշները մոտ են նորմային, հիվանդին թույլատրում են վիրահատության, եթե ոչ՝ նախ պարզում են շեղումների պատճառը, ապա անցկացնում են բուժում։

Վիրահատությանը նախորդող օրը արգելվում է ուտել 18:00-ից ուշ, խմել՝ 22:00-ից հետո։ Նույն երեկոյան անցկացվում է աղիների մաքրում (կատարվում է հոգնա կամ ընդունվում է լուծողական)։ Սովորաբար ԼԽԷ-ի անցկացման համար այլ մանիպուլյացիաներ չեն պահանջվում։ Ցանկացած խրոնիկական հիվանդությունների առկայության դեպքում, լրացուցիչ նախապատրաստական պրոցեդուրաներ նշանակում է բժիշկը։

## Լապարոսկոպիկ խոլեցիստէկտոմիայի անցկացումը

Պարկի լապարոսկոպիկ հեռացումն իրականացվում է բացառապես ընդհանուր անզգայացման տակ, ստացիոնար պայմաններում։ Տեղային անզգայացումը հնարավորություն չի տալիս հասնել միջամտության համար անհրաժեշտ ցավազրկման և մկանների թուլացման։ Սովորաբար կիրառվում է գազային (էնդոտրախեալ) կամ ներերակային անզգայացում, սակայն վիրահատությունը կարող է անցկացվել նաև միայն տեղային անզգայացման տակ։

Հիվանդը պարտադիր միացվում է արհեստական շնչառության ապարատին (ԱՇԱ)։ Սա անհրաժեշտ է, քանի որ վիրահատության ընթացքում որովայնի խոռոչ է մղվում գազ, որը սեղմում է դիֆրագման և թոքերը։ Հիվանդի ինքնուրույն շնչառությունը դժվարանում է։

Միայն այս մանիպուլյացիաներից հետո է սկսվում ինքնին վիրահատությունը։ Բժիշկները ծակոցներ են անում տրոակարների համար և խողովակները ներմղում ստերիլիզացված ածխաթթու գազով լցված որովայնի խոռոչ։ Գազի ներմղումը (պնևմոպերիտոնեում) ապահովում է վիրահատական դաշտի լավ տեսանելիություն, բարձրացնում է որովայնի առաջային պատը և վիրաբույժին հնարավորություն է տալիս գործիքներով մանիպուլյացիաներ կատարել՝ չվնասելով կողքին գտնվող օրգանները։

![Սննդակարգը՝ օրերով](https://lifeinfo.am/storage/images/lexaparki-laparoskopia-inch-e-ev-erb-e-anhrajesht-110.jpg "Սննդակարգը՝ օրերով")

Ծակոցներից մեկի միջոցով մտցվում է լապարոսկոպը, սկսվում է պատկերի փոխանցումը մոնիտորին։ Մնացած երեք տրոակարների միջոցով անցկացվում են վիրաբուժական գործիքները։ Որովայնի խոռոչ են մտցվում.

- աքցանիկներ.
- ամրակալներ.
- մկրատներ.
- բռնիչներ.
- կոագուլյատորներ և այլն։

Վիրաբույժը մոնիտորի վրա զննում է օրգանը, պարկային ծորանի և պարկային զարկերակի վրա դնում է կլիպսեր, կտրում դրանք, ապա լեղապարկը առանձնացնում է իր մահճից։ Դրանից հետո պարկը բովանդակության հետ միասին կարելի է հանել ծակոցներից մեկի միջոցով։

Լինում են դեպքեր, երբ խոլեցիստէկտոմիայի հետ մեկտեղ կատարվում է նաև խոլեդոխոլիտոտոմիա՝ կոնկրեմենտների հեռացում լեղածորաններից։ Երբ դրանք հնարավոր չէ հեռացնել էնդոսկոպիկ պրոցեդուրայի միջոցով, բացվում է ընդհանուր լեղածորանի պատը (պարկի հեռացումից հետո)։ Քարերը բռնվում և հանվում են։ Ծորանի մեջ տեղադրվում է դրենաժ, ապա կարվում է։ Խողովակը հանում են վիրահատությունից հետո առավելագույնը մինչև երեք շաբաթվա ընթացքում, հսկիչ ռենտգենի արդյունքների հիման վրա։

Բժիշկը խանձում է բոլոր արյունահոսող անոթները։ Կրկին զննում է խոռոչը արյունահոսությունների տեսանկյունից, հեռացնում է գործիքները և կարում կամ փակցնում ծակոցները։ ԼԽԷ-ն տևում է քառասուն րոպեից մինչև մեկուկես ժամ։ Ամեն ինչ կախված է կոնկրետ դեպքի բարդությունից։

> Ուշադրություն! Միջամտության ընթացքում անհաղթահարելի խոչընդոտների առաջացման դեպքում (օրինակ՝ լեղապարկի ամուր կպումների հարակից օրգանների հետ), լապարոսկոպիան կարող է վերածվել կորովի վիրահատության։

Վիրահատության ավարտից հետո հիվանդին հանում են թմրային քունից և տեղափոխում են հիվանդասենյակ՝ հետագա վերականգնման համար։

## Առավելություններ և թերություններ

Լեղապարկի լապարոսկոպիայի հիմնական դրական առանձնահատկությունը կարճ վերականգնողական շրջանն է։ Արդեն տասն օր հետո հիվանդը կարող է վերադառնալ լիարժեք կյանքին։ Այս տեսակի միջամտությունից հետո կախվածություն ցավազրկողներից չի առաջանում։ Ցավն անցնում է սովորաբար հետվիրահատական երկրորդ օրը և հանվում է թմրամիջոցներ չպարունակող պատրաստուկներով (Ketorolac, Ketanov և այլն)։

![Վերականգնողական շրջան](https://lifeinfo.am/storage/images/lexaparki-laparoskopia-inch-e-ev-erb-e-anhrajesht-170.jpg "Վերականգնողական շրջան")

> Ուշադրություն! Եթե ցավոտ զգացողությունները երկու օրվա ընթացքում չեն անցնում, այլ շարունակում են ուժեղանալ, անհապաղ դիմեք բժշկի։ Սա կարող է լինել բարդությունների ախտանիշ։

Հետո, երբ կարերը հանված են (վիրահատության հաջող ընթացքի դեպքում), ցավն ամբողջությամբ անցնում է։

Լապարոսկոպիայի այլ առավելությունների շարքում արժե նշել.

- ցածր արյան կորուստ.
- ցավոտ կպումների բացակայություն.
- որովայնի հյուսվածքների վնասման փոքր մակերես.
- բարդությունների ռիսկի նվազում։

Կանանց համար հատկապես կարևոր է, որ լապարոսկոպիայից հետո մնում են միայն փոքր կետային սպիներ։ Չի մնա տասնհինգ սանտիմետրանոց սպի, որը կպահպանվի ամբողջ կյանքի ընթացքում։ Ժամանակակից մեթոդը կթողնի միայն չորս փոքր սպի, որոնք ժամանակի ընթացքում դառնում են միանգամայն աննկատ։

Լապարոսկոպիայի առավելությունները, անկասկած, շատ են, բայց, ինչպես ցանկացած այլ դեպքում, երբ խոսքը վերաբերում է օրգանիզմ միջամտությանը, կան նաև որոշ թերություններ։ Հիմնական թերություններից են.

- ածխաթթու գազի օգտագործում, որը կարող է բացասաբար ազդել սիրտանոթային և շնչառական համակարգի աշխատանքի վրա.
- որովայնի մյուս օրգանների լիարժեք տեսողական զննման անհնարինություն բժշկի կողմից.
- շոշափելի կոնտակտի բացակայություն, դժվար է գնահատել գործիքին կիրառվող ուժը, առկա է հարակից օրգանների և անոթների վնասման վտանգ.
- թանկարժեք լապարոսկոպիկ սարքավորում.
- կլինիկայի անձնակազմը պետք է վերապատրաստված լինի այս տեսակի վիրահատությունների անցկացման համար։

Լապարոսկոպիայի թերություններից է նաև հակացուցումների մեծ քանակը։

## Հակացուցումներ

Լեղապարկի հեռացման լապարոսկոպիկ եղանակը չի կիրառվում հետևյալ առողջական խնդիրների դեպքում.

- օրգանի շուրջ ինտենսիվ բորբոքային պրոցես, պերիտոնիտ.
- հղիություն՝ 27-րդ շաբաթից սկսած.
- որովայնի խոռոչի օրգանները վատ են երևում ՈՒՁՀ-ի ժամանակ.
- օրգանների տեղադրության անհատական առանձնահատկություններ (լեղապարկը գտնվում է լյարդի ներսում).
- սրտի և անոթների ախտաբանություններ.
- ենթաստամոքսային գեղձի բորբոքում.
- լեղաուղիների խցանում.
- շնչառական օրգանների հիվանդություններ.
- շաքարային դիաբետ.
- քարերի մեծ քանակություն.
- ուռուցքաբանական հիվանդություն.
- ֆիստուլներ (խուղակներ).
- հեմոֆիլիա.
- գանգրենոզ խոլեցիստիտ.
- ուժեղ սպիացում.
- սրտի ռիթմավար (կարդիոստիմուլյատոր)։

Գիրության դեպքում լապարոսկոպիկ եղանակը նույնպես ցանկալի արդյունք չի տա, քանի որ ճարպային նստվածքները կխոչընդոտեն օրգանների տեսանելիությունը մոնիտորի միջոցով։

## Հնարավոր բարդություններ

Չպետք է մոռանալ հետևանքների մասին։ Լապարոսկոպիան կարևոր օրգանի հեռացում է։ Լեղապարկի բացակայությունը ժամանակ առ ժամանակ ինքն իրեն կհիշեցնի ողջ կյանքի ընթացքում։ Ամենաանախորժ զգացողություններով ուղեկցվում է լեղու անմիջական արտահոսքը տասներկումատնյա աղիք (պոստխոլեցիստէկտոմիկ համախտանիշ)։

![Լեղապարկի լապարոսկոպիա. ցուցումներ և հակացուցումներ](https://lifeinfo.am/storage/images/lexaparki-laparoskopia-inch-e-ev-erb-e-anhrajesht-169.jpg "Լեղապարկի լապարոսկոպիա. ցուցումներ և հակացուցումներ")

Դրա համար բնորոշ են հետևյալ ախտանիշները.

- սրտխառնոց.
- ցավոտ զգացողություններ որովայնում.
- հեղուկ կղանք.
- փսխում.
- դառը համով ցավ (եռուցք).
- կրծոց.
- գազակուտակում (մետեորիզմ)։

Երբեմն կարող են նկատվել մաշկի դեղնություն և ջերմության բարձրացում։ Նման վիճակը ենթակա է շտկման խիստ սննդակարգի միջոցով։ Ուժեղ ցավերի դեպքում կարելի է ընդունել No-Shpa, Duspatalin և այլ նման պատրաստուկներ, որոնք հաստատված են բուժող բժշկի կողմից։

Հնարավոր են նաև բարդություններ հենց վիրահատության ընթացքում.

- խոշոր անոթների քայքայում, որն առաջացնում է ուժեղ արյունահոսություն.
- հարակից օրգանների (ստամոքսի, լյարդի և այլն) վնասում։

Նման իրավիճակների առաջացման դեպքում վիրաբույժը, որպես կանոն, դադարեցնում է լապարոսկոպիան և այն վերածում կորովի վիրահատության։

Բացի այդ, բարդություններ կարող են դրսևորվել նաև միջամտությունից որոշ ժամանակ անց.

- պերիտոնիտ.
- կպումային հիվանդություն.
- աղիքային անանցանելիություն կպումների հետևանքով։

Լեղապարկի լապարոսկոպիայից հետո ճողվածքն առաջանում է շատ հազվադեպ (ոչ ավելի, քան 7% դեպքերում) և ավելի հաճախ՝ ավելորդ քաշ ունեցող հիվանդների մոտ։

> Կարևոր է! Բարդություններից կարելի է խուսափել, եթե կատարվեն բոլոր առաջարկությունները։ Հետվիրահատական շրջանի անցկացման մեջ առանց ցավի, առանցքային դեր է խաղում սննդակարգի պահպանումը։

## Սննդակարգը՝ օրերով

Լապարոսկոպիկ եղանակով լեղապարկի հեռացում կատարած հիվանդների սննդակարգը, հատկապես վիրահատությունից հետո առաջին օրերին, պետք է պահպանվի անառարկելիորեն։ Առանց գազի ջուր խմել կարելի է սկսել միջամտությունից հինգ ժամ հետո։ Սա անելու է ամեն 20 րոպեն մեկ, մի քանի կում (0,5 լիտր օրական)։ Երկրորդ օրը ջուր կարելի է խմել առանց սահմանափակման։ Սուրճը, թեյը, գազավորված և ալկոհոլային խմիչքները պետք է բացառել։

Սնվել պետք է հետևյալ կերպ.

- առաջին 12 ժամը՝ ամբողջական սով.
- հետո՝ կիսել, անյուղ պյուրեսուպեր, անյուղ կեֆիր.
- երրորդ օրը ավելացնել՝ ջրած շիլաներ ու բանջարեղեն, ցածր յուղայնությամբ յոգուրտ և կաթնաշոռ.
- հինգերորդ օրը՝ սպիտակուցային շոգեխաշված ձվածեղ, նիհար մսի արգանակով ապուրներ, սպիտակ հացաբլիթներ (սուխարիկներ).
- յոթերորդ օրը ավելացնում ենք՝ մանրացված նիհար տեսակի եփած ձուկ և միս, հեղուկ կաթնային շիլաներ, փշրված բանան։

> Ուշադրություն! Ուտել պետք է փոքր չափաբաժիններով, օրական վեց անգամ։

![Լեղապարկի լապարոսկոպիա. ցուցումներ և հակացուցումներ](https://lifeinfo.am/storage/images/lexaparki-laparoskopia-inch-e-ev-erb-e-anhrajesht-180.jpg "Լեղապարկի լապարոսկոպիա. ցուցումներ և հակացուցումներ")

Նման սննդակարգի պահպանումը տևում է մեկուկես ամիս։ Այդ ժամանակի ավարտից հետո կարելի է շաբաթը 1 անգամ ուտել ձվի դեղնուց և անցնել սննդակարգի, որը կոչվում է Սեղան №5։

Կարելի է ուտել.

- նիհար միս (հնդկահավի, ճագարի, հավի, հորթի և այլնի միս).
- հեղուկ շիլաներ.
- բանջարեղենային ապուրներ (արգանակը չպետք է լինի թանձր).
- նիհար տեսակի ձուկ (սաղմոն, օկունի և այլն).
- ցածր յուղայնությամբ կաթնաթթվային մթերքներ.
- քաղցր հատապտուղներ և մրգեր.
- բուսական յուղ.
- չոր սպիտակ հաց.
- մեղր.
- շոգեխաշված կամ եփած բանջարեղեն։

Այս դեպքում հատվածային սնման սկզբունքը պահպանվում է։ Բոլոր ուտեստները պետք է լինեն եփած կամ շոգեխաշված։

Սննդակարգից անհրաժեշտ է բացառել.

- խոզի ճարպ և խոզի միս.
- յուղոտ ձուկ.
- պահածոներ.
- համեմունքներ և կծու ուտեստներ.
- ապխտածներ.
- կարագ.
- սունկ.
- ալկոհոլ.
- մարինադներ.
- հատիկաընդեղեն.
- հում բանջարեղեն.
- ենթամթերքներ.
- կանաչ ոլոռ.
- համեմունքներ.
- աղածեղեն.
- հարուստ խմորեղեն.
- շոկոլադ.
- սուրճ.
- ալկոհոլային խմիչքներ։

> Կարևոր է! Սննդակարգին պետք է հետևել հնարավորինս երկար, բայց ոչ պակաս, քան երեք ամիս՝ վիրահատությունից հետո։ Սննդակարգում և կենսակերպում ցանկացած փոփոխություն համաձայնեցրեք բուժող բժշկի հետ։

## Վերականգնողական շրջան

Լեղապարկի լապարոսկոպիկ հեռացումից հետո վերականգնման շրջանը սովորաբար ընթանում է արագ ու հեշտ։ Լիարժեք վերականգնումը տևում է մինչև կես տարի, և պարզ կանոնների պահպանման դեպքում ընթանում է լավ ինքնազգացողության ֆոնին։

Հոսպիտալացումը տևում է երեք օրից մինչև մեկ շաբաթ, ապա հիվանդության թերթիկը երկարացվում է ևս մոտավորապես 14 օրով (բարդությունների բացակայության դեպքում)։ Մարդը կարող է աշխատանքի գնալ և վարել սովորական կենսակերպ, սակայն որոշ սահմանափակումներով.

- պահպանեք սննդակարգ.
- սպորտն արգելվում է առաջին 30 օրվա ընթացքում, այնուհետև մարզումները արժե փուլային կերպով վերսկսել՝ բեռնվածության աստիճանական մեծացմամբ.
- ծանր ֆիզիկական աշխատանքը հակացուցված է վիրահատությունից հետո մեկ ամսվա ընթացքում.
- 90 օր չի կարելի բարձրացնել 3 կգ-ից ավելի, մինչև կես տարի՝ ոչ ավելի, քան 5 կգ։

Մեկ ամիս հետո բժիշկը կարող է նշանակել ֆիզիոպրոցեդուրաներ կամ առողջարանային բուժում։ Ավելորդ չի լինի վիտամինային համալիրների ընդունումը։ Օրինակ՝ Vitrum կամ Multi-Tabs։

Լեղապարկի հեռացման վիրահատությունը բավականին լուրջ միջամտություն է օրգանիզմի աշխատանքին՝ մարսողության գործընթացին մասնակցող կարևոր օրգանի հեռացման նպատակով։ Միևնույն ժամանակ, հուսահատվել չարժե։ Մասնագետների ցուցումներին ճշգրիտ հետևելով, կարելի է երկար տարիներ վարել ակտիվ ու լիարժեք կենսակերպ։
