# Կանանց մոտ քրոնիկական ապենդիցիտի ախտանիշները և բուժումը

![Քրոնիկական ապենդիցիտ. ախտանիշները կանանց մոտ](https://lifeinfo.am/storage/img/aroxjutyun-dexer-bozhognutyun-dexabuyser-44560267.jpg "Քրոնիկական ապենդիցիտ. ախտանիշները կանանց մոտ")

Քրոնիկական ապենդիցիտը, ի տարբերություն սուրի, բնութագրվում է բորբոքային պրոցեսով, որը ընթանում է երկար ժամանակ՝ դրսևորվելով պարբերական ցավային զգացողություններով։ Թեև պաթոլոգիան հանդիպում է բոլոր մարդկանց մոտ, կանանց մոտ քրոնիկական ապենդիցիտի ախտանիշները ավելի դժվար է ճանաչել, ինչը պայմանավորված է ֆիզիոլոգիական առանձնահատկություններով։

Բովանդակություն:

- [Քրոնիկական ապենդիցիտի առաջացման պատճառները](#%D6%84%D6%80%D5%B8%D5%B6%D5%AB%D5%AF%D5%A1%D5%AF%D5%A1%D5%B6-%D5%A1%D5%BA%D5%A5%D5%B6%D5%A4%D5%AB%D6%81%D5%AB%D5%BF%D5%AB-%D5%A1%D5%BC%D5%A1%D5%BB%D5%A1%D6%81%D5%B4%D5%A1%D5%B6-%D5%BA%D5%A1%D5%BF%D5%B3%D5%A1%D5%BC%D5%B6%D5%A5%D6%80%D5%A8)
- [Քրոնիկական ապենդիցիտ. ախտանիշները կանանց մոտ](#%D6%84%D6%80%D5%B8%D5%B6%D5%AB%D5%AF%D5%A1%D5%AF%D5%A1%D5%B6-%D5%A1%D5%BA%D5%A5%D5%B6%D5%A4%D5%AB%D6%81%D5%AB%D5%BF-%D5%A1%D5%AD%D5%BF%D5%A1%D5%B6%D5%AB%D5%B7%D5%B6%D5%A5%D6%80%D5%A8-%D5%AF%D5%A1%D5%B6%D5%A1%D5%B6%D6%81-%D5%B4%D5%B8%D5%BF)
- [Քրոնիկական ապենդիցիտի ախտորոշումը](#%D6%84%D6%80%D5%B8%D5%B6%D5%AB%D5%AF%D5%A1%D5%AF%D5%A1%D5%B6-%D5%A1%D5%BA%D5%A5%D5%B6%D5%A4%D5%AB%D6%81%D5%AB%D5%BF%D5%AB-%D5%A1%D5%AD%D5%BF%D5%B8%D6%80%D5%B8%D5%B7%D5%B8%D6%82%D5%B4%D5%A8)
- [Քրոնիկական ապենդիցիտը հղիության ժամանակ](#%D6%84%D6%80%D5%B8%D5%B6%D5%AB%D5%AF%D5%A1%D5%AF%D5%A1%D5%B6-%D5%A1%D5%BA%D5%A5%D5%B6%D5%A4%D5%AB%D6%81%D5%AB%D5%BF%D5%A8-%D5%B0%D5%B2%D5%AB%D5%B8%D6%82%D5%A9%D5%B5%D5%A1%D5%B6-%D5%AA%D5%A1%D5%B4%D5%A1%D5%B6%D5%A1%D5%AF)
- [Քրոնիկական ապենդիցիտի բուժումը](#%D6%84%D6%80%D5%B8%D5%B6%D5%AB%D5%AF%D5%A1%D5%AF%D5%A1%D5%B6-%D5%A1%D5%BA%D5%A5%D5%B6%D5%A4%D5%AB%D6%81%D5%AB%D5%BF%D5%AB-%D5%A2%D5%B8%D6%82%D5%AA%D5%B8%D6%82%D5%B4%D5%A8)

Նույն թեմայով հոդվածներ:- [Սուր ապենդիցիտի ախտանիշները և բուժումը](%D5%BD%D5%B8%D6%82%D6%80-%D5%A1%D5%BA%D5%A5%D5%B6%D5%A4%D5%AB%D6%81%D5%AB%D5%BF%D5%AB-%D5%A1%D5%AD%D5%BF%D5%A1%D5%B6%D5%AB%D5%B7%D5%B6%D5%A5%D6%80%D5%A8-%D5%A2%D5%B8%D6%82%D5%AA%D5%B8%D6%82%D5%B4%D5%A8-7527 "Սուր ապենդիցիտի ախտանիշները և բուժումը")
- [Ապենդիցիտի նշանները և ախտանիշները կանանց մոտ](%D5%A1%D5%BA%D5%A5%D5%B6%D5%A4%D5%AB%D6%81%D5%AB%D5%BF%D5%AB-%D5%B6%D5%B7%D5%A1%D5%B6%D5%B6%D5%A5%D6%80%D5%B6-%D5%B8%D6%82-%D5%A1%D5%AD%D5%BF%D5%A1%D5%B6%D5%AB%D5%B7%D5%B6%D5%A5%D6%80%D5%A8-%D5%AF%D5%A1%D5%B6%D5%A1%D5%B6%D6%81-%D5%B4%D5%B8%D5%BF-4606 "Ապենդիցիտի նշանները և ախտանիշները կանանց մոտ")
- [Ինչպիսի՞ դիետա պահպանել ապենդիցիտի հեռացումից հետո](%D5%AB%D5%B6%D5%B9%D5%BA%D5%AB%D5%BD%D5%AB-%D5%A4%D5%AB%D5%A5%D5%BF%D5%A1-%D5%BA%D5%A1%D5%B0%D5%BA%D5%A1%D5%B6%D5%A5%D5%AC-%D5%A1%D5%BA%D5%A5%D5%B6%D5%A4%D5%AB%D6%81%D5%AB%D5%BF%D5%AB-%D5%B0%D5%A5%D5%BC%D5%A1%D6%81%D5%B8%D6%82%D5%B4%D5%AB%D6%81-%D5%B0%D5%A5%D5%BF%D5%B8-8596 "Ինչպիսի՞ դիետա պահպանել ապենդիցիտի հեռացումից հետո")
- [Ի՞նչ կողմում է գտնվում ապենդիքսը մարդու մոտ. ինչպես պարզել](%D5%B8%D6%80-%D5%AF%D5%B8%D5%B2%D5%B4%D5%B8%D6%82%D5%B4%D5%A3%D5%BF%D5%B6%D5%BE%D5%B8%D6%82%D5%B4-%D5%A1%D5%BA%D5%A5%D5%B6%D5%A4%D5%AB%D6%81%D5%AB%D5%BF%D5%A8-%D5%B4%D5%A1%D6%80%D5%A4%D5%B8%D6%82-%D5%B4%D5%B8%D5%BF-%D5%AB%D5%B6%D5%B9%D5%BA%D5%A5%D5%BD-%D5%BA%D5%A1%D6%80%D5%A6%D5%A5%D5%AC-4377 "Ի՞նչ կողմում է գտնվում ապենդիքսը մարդու մոտ. ինչպես պարզել")
- [Քրոնիկական ապենդիցիտի ախտանիշները և բուժումը](%D6%84%D6%80%D5%B8%D5%B6%D5%AB%D5%AF%D5%A1%D5%AF%D5%A1%D5%B6-%D5%A1%D5%BA%D5%A5%D5%B6%D5%A4%D5%AB%D6%81%D5%AB%D5%BF%D5%AB-%D5%A1%D5%AD%D5%BF%D5%A1%D5%B6%D5%AB%D5%B7%D5%B6%D5%A5%D6%80%D5%A8-%D5%A2%D5%B8%D6%82%D5%AA%D5%B8%D6%82%D5%B4%D5%A8-4854 "Քրոնիկական ապենդիցիտի ախտանիշները և բուժումը")

 ![](https://lifeinfo.am/storage/images/inchic-e-arajanum-celyulity-139.png) Քրոնիկական ապենդիցիտի առաջացման պատճառները Մեծամասամբ դեպքերում քրոնիկական ապենդիցիտը սահմանվում է որպես տարած սուր ապենդիցիտի հետևանք, սակայն կարող է առաջանալ նաև առանց որդանման ելուստի նախորդող բորբոքման։ Կանանց մոտ հիվանդության զարգացմանը նպաստող այլ գործոններից են. Սուր վարակային պրոցեսի զարգացումը, որը առաջանում է ապենդիքսի հեռացման հետևանքով։ Նորմալ գործունեության պարագայում այն իմունային համակարգի տարր է, որը պաշտպանիչ դեր է կատարում հիվանդածին միկրոօրգանիզմների հարձակումների ժամանակ։ 3. Ինտոքսիկացիա, որն առաջացել է հաստ աղիքի կղանքային զանգվածներով խցանման ֆոնի վրա։
4. Ապենդիքսի սնուցումն ապահովող անոթների խցանումը։
5. Կանացի ներքին օրգանների բորբոքումը։
6. Օրգանիզմի անհատական ֆիզիոլոգիական առանձնահատկությունը, երբ որդանման ելուստի կառուցվածքը դժվարացնում է նրա պարունակության բնական դուրսբերումը։
Շատ հաճախ քրոնիկական ապենդիցիտը դրսևորվում է հիվանդության սուր ձևի արդյունքում, որը չի վերացվել վիրահատական ճանապարհով։ Այս դեպքում պաթոլոգիայի զարգացմանը նպաստում են մնացած կիստաները, բարորակ ուռուցքները, կպումները, հյուսվածքների ծալքերը, որոնք հանգեցնում են օրգանում արյան շրջանառության խանգարման։

## Քրոնիկական ապենդիցիտ. ախտանիշները կանանց մոտ

Կանանց մոտ քրոնիկական ապենդիցիտն ավելի դժվար է ախտորոշվում, քան տղամարդկանց մոտ, քանի որ ցավային զգացողությունները նման են նրանց, որոնք կանացի օրգանիզմը պարբերաբար զգում է դաշտանի ժամանակ։ Այդ ժամանակահատվածում զգացվող անհարմարությունը առաջանում է արգանդի կծկումների հետևանքով։ Քանի որ այն գտնվում է որովայնի ստորին հատվածում, ապենդիքսից ոչ հեռու, ցավոտ սպազմերը հաճախ վերագրվում են սովորական պատճառի։

Պետք է հասկանալ, որ քրոնիկական ապենդիցիտը դրսևորվում է ուղեկցող ախտանիշներով, որոնց հայտնաբերման դեպքում պետք է մտածել օրգանիզմում պաթոլոգիայի առկայության մասին։ Ժամանակին չսկսված բուժումը հաճախ հրահրում է բարդություններ, որոնք վերացնելը շատ ավելի դժվար է։

> Կարևոր է! Քրոնիկական ապենդիցիտի սրացման ժամանակ ցավի նոպաները ավելի հաճախ առաջանում են ուշ գիշերը, երբեմն՝ առավոտյան։ Ընդ որում դրանք այնքան ուժեղ են, որ կինը կարող է պառկել միայն ձախ կողքի վրա։

![Քրոնիկական ապենդիցիտի բուժումը](https://lifeinfo.am/storage/images/qronikakan-apendicit-axtanishner-kananc-mot-197.jpeg "Քրոնիկական ապենդիցիտի բուժումը")

Ապենդիցիտի քրոնիկական ձևն ուղեկցվում է հետևյալ նշաններով.

1. Աղիքների և ստամոքսի աշխատանքի խանգարումներ, որոնք դրսևորվում են փորկապությամբ կամ փորլուծությամբ, ինչպես նաև սրտխառնոցով։ Փսխումն առաջանում է հիվանդության սրացման ժամանակ։
2. Հաճախակի միզելու պահանջ, որը բնութագրվում է հենց պրոցեսի ժամանակ ցավոտությամբ։
3. Որոշ դեպքերում՝ ջերմաստիճանի բարձրացում գիշերային ժամերին։

Պետք է նաև զգոնություն առաջացնեն գինեկոլոգի զննման և սեռական հարաբերության ժամանակ որովայնի ստորին հատվածում առաջացող ցավերը։

Տարեց կանանց մոտ ախտանիշներն ավելի արտահայտված բնույթ ունեն, սակայն ընդհանուր առմամբ նման են հիվանդության բնորոշ դրսևորումներին։

Վերոնշյալ նշանները կարող են վկայել ստամոքս-աղիքային տրակտի բազմաթիվ հիվանդությունների զարգացման մասին (խոլեցիստիտ, միզաքարային հիվանդություն, կոլիտ)։ Հետևաբար ախտորոշում կատարելիս բժիշկը պետք է իրականացնի դիֆերենցիալ ախտորոշում այս հիվանդությունների հետ։

## Քրոնիկական ապենդիցիտի ախտորոշումը

Ախտանիշների հայտնաբերումից հետո, որոնք ենթադրաբար բացատրվում են քրոնիկական ապենդիցիտի սրացմամբ, կինը պետք է իմանա, թե որ բժշկին դիմի օգնության համար։ Շատ ուժեղ ցավի դեպքում անհրաժեշտ է կանչել շտապ օգնություն։ Հերթապահ բժիշկը կկատարի առաջնային զննում և անհրաժեշտության դեպքում կհոսպիտալացնի կամ կուղղորդի վիրաբույժի ընդունելություն։

Ստացիոնար պայմաններում ճշգրիտ ախտորոշումը կատարվում է լաբորատոր-գործիքային հետազոտությունների օգնությամբ, ինչպես նաև հիվանդության անամնեզի և կլինիկական պատկերի հիման վրա։

Քրոնիկական ապենդիցիտի ախտորոշման համար անհրաժեշտ է անցնել հետևյալ հետազոտությունները.

- արյան ընդհանուր անալիզ՝ լեյկոցիտների քանակի բարձրացումը և բորբոքային պրոցեսի այլ նշանները հայտնաբերելու համար,
- մեզի ընդհանուր անալիզ՝ միզահեռացնող համակարգի պաթոլոգիական պրոցեսները բացառելու համար,
- որովայնի խոռոչի օրգանների ուլտրաձայնային հետազոտություն՝ բորբոքումը հայտնաբերելու համար,
- համակարգչային տոմոգրաֆիա՝ ներքին օրգաններում ուռուցքներ կամ այլ պաթոլոգիաներ հայտնաբերելու համար,
- իրիգոսկոպիա՝ ապենդիքսի դեֆորմացիաներ հայտնաբերելու համար, եթե դրանք առկա են,
- կոլոնոսկոպիա՝ հաստ և կույր աղիների շրջանում հնարավոր գոյացումներ հայտնաբերելու համար։

![Կանանց մոտ քրոնիկական ապենդիցիտի ախտանիշները և բուժումը](https://lifeinfo.am/storage/images/qronikakan-apendicit-axtanishner-kananc-mot-125.jpg "Կանանց մոտ քրոնիկական ապենդիցիտի ախտանիշները և բուժումը")

> Կարևոր է! Եթե հիվանդը վերջերս հոսպիտալացվել է սուր ապենդիցիտով, քրոնիկական ձևի ախտորոշումը զգալիորեն հեշտանում է։

Ճշգրիտ ախտորոշում կատարելը հնարավոր է լապարոսկոպիայի միջոցով։ Այս պրոցեդուրան իրականացվում է որովայնի խոռոչ հատուկ օպտիկամանրաթելային լուսատարի ներմուծման միջոցով, որի ծայրին կցված տեսախցիկը գրանցում է ներքին օրգանների պաթոլոգիական շեղումները։ Քանի որ լապարոսկոպիան շատ արդյունավետ և նվազագույն տրավմատիկ հետազոտման մեթոդ է, նրա կիրառումը ցանկալի է հիվանդության ժամանակին ախտորոշման համար։

## Քրոնիկական ապենդիցիտը հղիության ժամանակ

Երեխա կրող կանայք բավականին հաճախ են հանդիպում քրոնիկական ապենդիցիտի սրացման։ Դա կապված է այն բանի հետ, որ հղիության զարգացման հետ մեծանում է պտղի չափը, որը տեղաշարժում է ներքին օրգանները և կարող է ճնշել ապենդիքսի վրա՝ հանգեցնելով դրա բորբոքմանը։

Նույն առանձնահատկությունը դժվարացնում է հիվանդության ախտորոշումը, քանի որ ցույց է տալիս հղի կանանց բնորոշ այլ բազմաթիվ պաթոլոգիաների առկայություն։

Ինչպե՞ս որոշել քրոնիկական ապենդիցիտը հղի կնոջ մոտ։ Երկու բնորոշ նշանների միջոցով.

1. Սուր ցավ աջ կողմում՝ զստային շրջանում, որն առաջանում է հիվանդին մի կողքից մյուսը թեքելիս։
2. Ապենդիցիտին բնորոշ ցավ՝ աջ կողքի վրա պառկելու ժամանակ։

> Կարևոր է! Ուղեկցող ախտանիշները (սրտխառնոց, փսխում, փորլուծություն) չեն կարող օգնել ախտորոշման ժամանակ, քանի որ կարող են դրսևորվել որպես տոքսիկոզի հետևանք։

![Կանանց մոտ քրոնիկական ապենդիցիտի ախտանիշները և բուժումը](https://lifeinfo.am/storage/images/qronikakan-apendicit-axtanishner-kananc-mot-184.jpg "Կանանց մոտ քրոնիկական ապենդիցիտի ախտանիշները և բուժումը")

Հղիների մոտ քրոնիկական ապենդիցիտի հայտնաբերումը և դրան հաջորդող պատշաճ բուժումը հատկապես կարևոր է։ Հայտնաբերումից հետո առաջին օրերին իրականացված վիրահատական միջամտության դեպքում կանխատեսումը մեծամասամբ դեպքերում բարենպաստ է։ Եթե բուժումը սկսվել է երեխայի կրման ուշ ժամկետներում, կանխատեսումն այնքան էլ լավատեսական չէ։ Ընդ որում, որքան ուշ է դրվում ախտորոշումը, այնքան ավելի հավանական է բարդությունների զարգացումը՝ ընկերքի անջատում, բորբոքային պրոցես, վաղաժամ ծննդաբերություն։

## Քրոնիկական ապենդիցիտի բուժումը

Քրոնիկական ապենդիցիտի սրացումը միշտ չէ, որ բուժվում է վիրահատական միջամտությամբ։ Որոշ դեպքերում հիվանդությունը հնարավոր է վերացնել պահպանողական մեթոդներով։ Դրանք ներառում են դեղորայքային բուժման կուրս, որի մեջ մտնում են հակաբորբոքային, հակաբակտերիալ, սպազմոլիտիկ պատրաստուկներ։ Դրանք նշանակվում են բուժող բժշկի կողմից և պետք է ընդունվեն միայն նրա հսկողության ներքո։ Ֆիզիոթերապևտիկ պրոցեդուրաները նույնպես կիրառվում են համալիր բուժման շրջանակներում։

Արմատական վիրահատական բուժմանը դիմում են ելուստի բորբոքման ժամանակ, երբ հյուսվածքներում առկա են կպումներ և սպիներ, ինչպես նաև հղիության ընթացքում (առաջին եռամսյակում)։ Բորբոքված ելուստի հեռացումը կատարվում է դասական եղանակով՝ խոռոչային վիրահատությամբ, կամ էնդոսկոպիկ ճանապարհով։

![Կանանց մոտ քրոնիկական ապենդիցիտի ախտանիշները և բուժումը](https://lifeinfo.am/storage/images/qronikakan-apendicit-axtanishner-kananc-mot-113.jpg "Կանանց մոտ քրոնիկական ապենդիցիտի ախտանիշները և բուժումը")

Վիրահատությանը նախապատրաստման ժամանակաշրջանում արգելվում է տաքացնել հիվանդ տեղը, ընդունել ցավազրկող և լուծողական պատրաստուկներ, օգտագործել ալկոհոլ։ Պրոցեդուրայից առաջ վերջին անգամ սնվում են նախորդ օրվա երեկոյան։

Չարժե վախենալ ժամանակին կատարված վիրահատությունից հետո բարդությունների զարգացումից, քանի որ դրանք հանդիպում են շատ հազվադեպ։ Անցանկալի հետևանքներից են հետվիրահատական վերքերի թարախակալումը, թրոմբոֆլեբիտը, պերիտոնիտը։ Ընդ որում, պրոցեդուրայի իրականացումից որոշ ժամանակ անց ամբողջական ապաքինում նկատվում է դեպքերի ավելի քան 95%-ում։

Քրոնիկական ապենդիցիտի կանխարգելման նպատակով կանանց անհրաժեշտ է այցելել գինեկոլոգի՝ պլանային զննման համար, տարեկան առնվազն մեկ անգամ։ Նաև չպետք է մոռանալ կանացի սեռական օրգանների քրոնիկական հիվանդությունների ժամանակին բուժման մասին և ցանկացած տհաճ ախտանիշի դեպքում դիմել բժշկական օգնության։
