# Հարբուխի բուժումը ալոեի հյութով

![Ինչպես ճիշտ պատրաստել հյութը](https://lifeinfo.am/storage/images/aloei-hyuty-harbuxic%D5%9D-baxadratomser-ev-kirarum-163.jpg "Ինչպես ճիշտ պատրաստել հյութը")

Ժողովրդական բժշկության մեջ լայնորեն կիրառվում են բուսական պատրաստուկներ, դրանցից պատրաստում են թուրմեր ու քսուքներ, եփուկներ ու կաթիլներ: Ամենահայտնի միջոցներից մեկն է ալոեի հյութը հարբուխի ժամանակ: Այս տնային ծաղկի մեզանկում պարունակվում է իր բաղադրությամբ եզակի խոնավություն, որն օգտագործվում է բժշկության և կոսմետոլոգիայի մեջ: Շատ տարիներ առաջ մարդիկ արդեն գիտեին, թե ինչպես կիրառել այս միջոցը: Ինչի՞ շնորհիվ է այս բույսը այդքան հաջողությամբ բուժում հիվանդությունների շատ տեսակներ, իսկ մաշկը դարձնում երիտասարդ ու փափուկ: Դիտարկենք ավելի մանրամասն:

Բովանդակություն.

- [Բույսի օգտակար հատկությունները](#%D5%A2%D5%B8%D6%82%D5%B5%D5%BD%D5%AB-%D6%85%D5%A3%D5%BF%D5%A1%D5%AF%D5%A1%D6%80-%D5%B0%D5%A1%D5%BF%D5%AF%D5%B8%D6%82%D5%A9%D5%B5%D5%B8%D6%82%D5%B6%D5%B6%D5%A5%D6%80%D5%A8)
- [Ինչպես ճիշտ պատրաստել հյութը](#%D5%AB%D5%B6%D5%B9%D5%BA%D5%A5%D5%BD-%D5%B3%D5%AB%D5%B7%D5%BF-%D5%BA%D5%A1%D5%BF%D6%80%D5%A1%D5%BD%D5%BF%D5%A5%D5%AC-%D5%B0%D5%B5%D5%B8%D6%82%D5%A9%D5%A8)
- [Ինչպես օգտագործել հարբուխի ժամանակ](#%D5%AB%D5%B6%D5%B9%D5%BA%D5%A5%D5%BD-%D6%85%D5%A3%D5%BF%D5%A1%D5%A3%D5%B8%D6%80%D5%AE%D5%A5%D5%AC-%D5%B0%D5%A1%D6%80%D5%A2%D5%B8%D6%82%D5%AD%D5%AB-%D5%AA%D5%A1%D5%B4%D5%A1%D5%B6%D5%A1%D5%AF)
- [Ժողովրդական բաղադրատոմսեր](#%D5%AA%D5%B8%D5%B2%D5%B8%D5%BE%D6%80%D5%A4%D5%A1%D5%AF%D5%A1%D5%B6-%D5%A2%D5%A1%D5%B2%D5%A1%D5%A4%D6%80%D5%A1%D5%BF%D5%B8%D5%B4%D5%BD%D5%A5%D6%80)
- [Հղիների և կերակրող մայրերի հարբուխի բուժումը](#%D5%B0%D5%B2%D5%AB%D5%B6%D5%A5%D6%80%D5%AB-%D5%AF%D5%A5%D6%80%D5%A1%D5%AF%D6%80%D5%B8%D5%B2-%D5%B4%D5%A1%D5%B5%D6%80%D5%A5%D6%80%D5%AB-%D5%B0%D5%A1%D6%80%D5%A2%D5%B8%D6%82%D5%AD%D5%AB-%D5%A2%D5%B8%D6%82%D5%AA%D5%B8%D6%82%D5%B4%D5%A8)
- [Հակացուցումներ](#%D5%B0%D5%A1%D5%AF%D5%A1%D6%81%D5%B8%D6%82%D6%81%D5%B8%D6%82%D5%B4%D5%B6%D5%A5%D6%80)

Նյութեր նույն թեմայով.
 ![](https://lifeinfo.am/storage/images/inchic-e-arajanum-celyulity-139.png) Բույսի օգտակար հատկությունները Ալոեի հյութի արդյունավետ ազդեցությունը տարբեր հիվանդությունների բուժման ժամանակ պայմանավորված է դրանում պարունակվող նյութերով. վիտամիններ (A, C, E, B խմբի վիտամինների մեծ մասը); 3. եթերային յուղեր;
4. ֆիտոնցիդներ;
5. բետա-կարոտին;
6. ֆլավոնոիդներ;
7. խեժեր;
8. դաբաղանյութեր;
9. ամինաթթուներ և օրգանական թթուներ;
10. ստերոիդային միացություններ;
11. միկրոտարրեր:
Ալոեի օգտակար հատկությունները դրսևորվում են շատ արագ, քանի որ նյութերն անմիջապես թափանցում են արյունատար անոթներ: Բույսի հիմքով պատրաստուկները հիմնականում կիրառվում են որպես հակաբորբոքային և հակամանրէային միջոց: Բացի այդ, դրանք բարելավում են արյան բաղադրությունը, ունեն մեղմ լուծողական ազդեցություն: Բույսի հյութով բուժում են ոչ միայն ռինիտը, այլ նաև ստամոքս-աղիքային տրակտի հիվանդությունները, մաշկի բորբոքումները, բուժում են վերքերն ու այրվածքները և այլն:

![Ժողովրդական բաղադրատոմսեր](https://lifeinfo.am/storage/images/aloei-hyuty-harbuxic%D5%9D-baxadratomser-ev-kirarum-166.jpg "Ժողովրդական բաղադրատոմսեր")

> Կարևոր է! Ինչպես բոլոր ուժեղ ազդեցություն ունեցող բուսական պատրաստուկները, ալոեն պետք է կիրառել շատ զգուշությամբ՝ խուսափելով չափաբաժնի գերազանցումից և ուշադրություն դարձնելով հնարավոր կողմնակի ազդեցությունների հայտնվելուն:

## Ինչպես ճիշտ պատրաստել հյութը

Շատերը տնային պայմաններում աճեցնում են ալոե՝ ագավային և ալոե վերա, առանց տեսնելու տարբերությունը այս բույսերի միջև բուսաբանական տեսանկյունից: Երկու տեսակի հյութն էլ կարելի է օգտագործել քթի կաթիլներ պատրաստելու համար:

> Կարևոր է! Բուժման համար պիտանի են ալոեի 2-3-ամյա տերևները: Ավելի երիտասարդ տերևները չունեն բուժիչ հատկություններ, նույնիսկ եթե դրանք աճում են արդեն 3 տարեկան բույսի վրա: Ամենաշատ օգտակար է այն հումքը, որը ստացվում է տերևի ստորին, հաստ մասից:

Որպեսզի հարբուխի դեմ պատրաստուկը իր մեջ պահպանի օգտակար նյութերի առավելագույն քանակը և հիվանդին վնաս չպատճառի, գլխավորը ալոեի հյութը ճիշտ պատրաստելն է: Դրա համար անհրաժեշտ է ծառանման ցողունի հիմքից կտրել 2-3 տերև (կախված կարիքներից), լվանալ դրանք զով ջրով, չորացնել, փաթաթել բարակ, անթափանց թղթի մեջ և դնել սառնարան:

> Կարևոր է! Ալոեի տերևները թաղանթի մեջ մի՛ փաթաթեք: Դրանք պետք է «շնչեն» հասունացման ընթացքում:

Դրանք պետք է հանել հաջորդ օրը: Սուր դանակով կտրվում են փշերը և հանվում է կեղևի շերտը: Դրա տակ երևում է թափանցիկ, ժելանման մեզանկ: Այն պետք է սեղմել մամուլի տակ կամ մանրացնել բլենդերով և անցկացնել կրկնակի ծալված մարլյայով: Պատրաստի հյութը պետք է պահել ապակե տարայում, սառնարանում, մեկ օրից ոչ ավել: Եթե շատ հյութ պետք չէ, բավական է կտրել մեկ տերև: Բայց մրսածության ժամանակ ալոեի հյութն օգտագործվում է ոչ միայն քիթը կաթեցնելու, այլ նաև կոկորդը ողողելու և ներքին ընդունման համար:

### Ինչպես օգտագործել հարբուխի ժամանակ

Հյութը նոսրացվում է անհրաժեշտ համամասնությամբ եռացրած (թորած) ջրով և պիպետով կաթեցվում քիթ: Օգտագործում են 3-4 կաթիլ մեծահասակների և 2-3 կաթիլ երեխաների համար: Ուժեղ հարբուխի ժամանակ կաթեցնել օրական 4 անգամ, լորձաթաղանթի վիճակի բարելավման և այտուցի նվազման չափով հնարավոր է նվազեցնել չափաբաժինը: Ալոեի հյութով լորձաթաղանթի հաճախակի և առատ ոռոգումը առաջացնում է գրգռվածություն և այրոց: Կարելի է պատրաստել ոչ միայն ջրային լուծույթներ, այլ նաև յուղային կախույթ:

Ջրային խառնուրդին անհրաժեշտության դեպքում ավելացնում են այլ բուսական բաղադրիչներ, մեղր: Երեխաների համար ալոեի հյութ օգտագործելիս կարելի է ընդունումից անմիջապես հետո տալ նրանց տաք թեյ խմել՝ քթըմպանում դառը համը լվանալու համար:

![Հղիների և կերակրող մայրերի հարբուխի բուժումը](https://lifeinfo.am/storage/img/aroxjutyun-dexer-bozhognutyun-dexabuyser-77661187.jpg "Հղիների և կերակրող մայրերի հարբուխի բուժումը")

> Կարևոր է! Ալոեով բուժումը սկսելուց առաջ անհրաժեշտ է այցելել քիթ-կոկորդ-ականջաբան, որպեսզի պարզվի քթի խցանման պատճառը, քանի որ որոշ դեպքերում ալոեի հյութը չի օգնի (օրինակ՝ քթի միջնապատի կորություն կամ ադենոիդներ), իսկ ալերգիայի դեպքում կարող է հանգեցնել լորձաթաղանթի վիճակի վատթարացման:

Ինչպես բուժել ռինիտը այս միջոցով.

1. Նախապես կատարել ալերգիկ փորձարկում՝ քսել փոքր քանակությամբ հյութ դաստակի կամ արմունկի ծալքի մաշկին: Եթե այն կարմրել է, այտուցվել, քորում է՝ պետք է ընտրել հարբուխի բուժման այլ եղանակ:
2. Առաջին չափաբաժինը անել ավելի ցածր խտությամբ և սպասել՝ արդյոք չեն հայտնվում տհաճ զգացողություններ: Փոքր երեխաներին բուժելիս կարևոր է հասկանալ՝ նրանք պարզապես քմահաճում են, նրանց անհանգստացնում է դառը համը կամ հիպերզգայունության դեպքում քթըմպանում հայտնված այրոցը:

Թողարկվում է նաև դեղատնային պատրաստուկ՝ ալոեի էքստրակտ ներարկումների համար: Ամպուլների պարունակությունը կարելի է նոսրացնել ջրով և օգտագործել նաև քթային կաթիլներ պատրաստելու համար:

### Ժողովրդական բաղադրատոմսեր

Յուրաքանչյուր ընտանիքում կան տնային բաղադրատոմսեր, սակայն վերը նշվածից և ամենապարզից (հյութը ջրով) բացի, կան ևս մի քանի հիմնական բաղադրատոմսեր, որոնք կարելի է օգտագործել մրսածության բուժման համար ինչպես մեծահասակների, այնպես էլ երեխաների մոտ:

#### Հյութ ջրով և մեղրով

Բակտերիալ և քրոնիկ բորբոքումների (սինուսիտների) բուժման ժամանակ խառնում են 1 ճ. գ. ալոեի հյութ, ավելացնում են նույն քանակությամբ մեղր, հալեցնում ջրային բաղնիքում և ավելացնում 1 ճ. գ. եռացրած ջուր: Կաթեցնել 2-3 կաթիլ, օրական 3 անգամ:

#### Ալոեի հյութ յուղով

3 թ. գ. ձիթապտղի յուղ և 1 թ. գ. ալոեի հյութ միացնում են, օգտագործելուց առաջ տաքացնում են ջրային բաղնիքում, կաթեցնում 2-3 կաթիլ, օրական 3 անգամ: Այսպիսի յուղային կախույթը օգնում է ոչ միայն բուժել հարբուխը, այլ նաև փափկացնել կեղևիկները, երբ լորձն արդեն սկսում է չորանալ քթի մեջ: Փափկացման համար բավական է 1-2 կաթիլ:

> Կարևոր է! Յուղային բաղադրություններ քթի համար կիրառել չի կարելի, եթե երեխան 2 տարեկան է կամ ավելի փոքր:

Միջոցը կարելի է օգտագործել ցանկացած տարիքում, եթե հարբուխի և քթի մշտական սրբելու պատճառով երեխայի քթի թևերը գրգռվել են: Բավական է օրը երկու անգամ՝ առավոտյան և երեկոյան, բամբակյա փայտիկով քսել:

#### Ալոեի հյութ մասուրով

1 ճ. գ. հյութ և 1 ճ. գ. մասուր խառնում են և կաթեցնում 2 կաթիլ՝ առավոտյան և երեկոյան: Այս բաղադրության առանձնահատկությունն այն է, որ այն ունի իմունախթանիչ ազդեցություն:

### Հղիների և կերակրող մայրերի հարբուխի բուժումը

Հղիության ժամանակ ալոեի հյութով հարբուխի բուժումը չի խորհուրդ տրվում՝ բույսի տերևներում անտրախինոնների պարունակության պատճառով. այս նյութերը առաջացնում են հարթ մկանների կծկում: Արգանդի մկանների վրա նման ազդեցությունը կարող է հանգեցնել վիժման առաջին եռամսյակում կամ վաղաժամ ծննդաբերության երրորդում: Սակայն ապագա մայրերը հաճախ տառապում են այսպես կոչված հղիների ռինիտով կամ վազոմոտոր ռինիտով՝ հորմոնալ ֆոնի փոփոխության պատճառով:

![Հյութ ջրով և մեղրով](https://lifeinfo.am/storage/images/aloei-hyuty-harbuxic%D5%9D-baxadratomser-ev-kirarum-102.jpg "Հյութ ջրով և մեղրով")

Խցանված քթով ապրելը անհարմար է: Քանի որ հղիների համար դեղորայքային բուժումը խիստ անցանկալի է, երկրորդ եռամսյակում կարելի է պատրաստել ալոեից քթի կաթիլներ՝ նոսրացնելով մեկ առ երկու կամ նույնիսկ 1:3 համամասնությամբ: Զգուշորեն կիրառել օրական ոչ ավել քան 3 անգամ, երկու կաթիլ յուրաքանչյուր քթանցքում:

Կերակրող մայրերը կարող են առանց խոչընդոտի օգտագործել ալոեի հյութից պատրաստված կաթիլները հարբուխի ժամանակ՝ չվախենալով, որ երեխան կհրաժարվի կրծքից կամ նրա փորը կցավի: Քանի որ կրծքով կերակրման ժամանակ կիրառվում է հյութի ջրային լուծույթ 1:5 համամասնությամբ, նման բուժումն երեխային վնաս չի պատճառի: Կաթեցնել պետք է 3 կաթիլ, օրական 3 անգամ:

## Հակացուցումներ

Ալոեի հյութով հարբուխի բուժումը հակացուցված է հետևյալ դեպքերում.

- երիկամային և լյարդային դիսֆունկցիա, հեպատիտ;
- խոլեցիստիտ;
- գաստրիտ և դուոդենիտ;
- հեմոռոիդ, հատկապես արյունահոսությամբ ուղեկցվող;
- բարձր զարկերակային ճնշում:

Կանանց խորհուրդ չի տրվում ալոեի կաթիլներ ընդունել դաշտանի ժամանակ, քանի որ դրանում պարունակվող նյութերը առաջացնում են արյան հոսք դեպի կոնքի օրգանները:
