#  Սպիտակ թակշուշի բուժիչ հատկությունները և դրա հակացուցումները

![Բուսաբանական նկարագրություն](https://lifeinfo.am/storage/images/spitak-takshush%D5%9D-bujich-hatkutyunner-ev-kirarutyun-164.jpg "Բուսաբանական նկարագրություն")

Ներկայումս ֆիտոթերապիան գնալով ավելի մեծ ժողովրդականություն է ձեռք բերում։ Բազմաթիվ օգտակար բույսերի օգտագործումը բուժման մեջ ցույց է տալիս մեծ արդյունավետություն։ Այդպիսի հետաքրքիր թուփ է հանդիսանում սպիտակ թակշուշը, որի բուժիչ հատկությունները և հակացուցումները մարդիկ ուսումնասիրում են դեռ հնուց։

Բովանդակություն՝

- [Բուսաբանական նկարագրություն](#%D5%A2%D5%B8%D6%82%D5%BD%D5%A1%D5%A2%D5%A1%D5%B6%D5%A1%D5%AF%D5%A1%D5%B6-%D5%B6%D5%AF%D5%A1%D6%80%D5%A1%D5%A3%D6%80%D5%B8%D6%82%D5%A9%D5%B5%D5%B8%D6%82%D5%B6)
- [Բույսի բաղադրություն](#%D5%A2%D5%B8%D6%82%D5%B5%D5%BD%D5%AB-%D5%A2%D5%A1%D5%B2%D5%A1%D5%A4%D6%80%D5%B8%D6%82%D5%A9%D5%B5%D5%B8%D6%82%D5%B6)
- [Բուժիչ հատկություններ](#%D5%A2%D5%B8%D6%82%D5%AA%D5%AB%D5%B9-%D5%B0%D5%A1%D5%BF%D5%AF%D5%B8%D6%82%D5%A9%D5%B5%D5%B8%D6%82%D5%B6%D5%B6%D5%A5%D6%80)
- [Կիրառումը բժշկության մեջ](#%D5%AF%D5%AB%D6%80%D5%A1%D5%BC%D5%B8%D6%82%D5%B4%D5%A8-%D5%A2%D5%AA%D5%B7%D5%AF%D5%B8%D6%82%D5%A9%D5%B5%D5%A1%D5%B6-%D5%B4%D5%A5%D5%BB)
- [Ուռուցքաբանության մեջ](#%D5%B8%D6%82%D5%BC%D5%B8%D6%82%D6%81%D6%84%D5%A1%D5%A2%D5%A1%D5%B6%D5%B8%D6%82%D5%A9%D5%B5%D5%A1%D5%B6-%D5%B4%D5%A5%D5%BB)
- [Գինեկոլոգիայում](#%D5%A3%D5%AB%D5%B6%D5%A5%D5%AF%D5%B8%D5%AC%D5%B8%D5%A3%D5%AB%D5%A1%D5%B5%D5%B8%D6%82%D5%B4)
- [Գերճնշում](#%D5%B0%D5%AB%D5%BA%D5%A5%D6%80%D5%BF%D5%B8%D5%B6%D5%AB%D5%A1)
- [Նիհարելու համար](#%D6%84%D5%A1%D5%B7-%D5%B6%D5%BE%D5%A1%D5%A6%D5%A5%D6%81%D5%B6%D5%A5%D5%AC%D5%B8%D6%82-%D5%B0%D5%A1%D5%B4%D5%A1%D6%80)
- [Կոսմետոլոգիայում](#%D5%AF%D5%B8%D5%BD%D5%B4%D5%A5%D5%BF%D5%B8%D5%AC%D5%B8%D5%A3%D5%AB%D5%A1%D5%B5%D5%B8%D6%82%D5%B4)
- [Այլ բուժիչ բաղադրատոմսեր](#%D5%A1%D5%B5%D5%AC-%D5%A2%D5%B8%D6%82%D5%AA%D5%A1%D5%AF%D5%A1%D5%B6-%D5%A2%D5%A1%D5%B2%D5%A1%D5%A4%D6%80%D5%A1%D5%BF%D5%B8%D5%B4%D5%BD%D5%A5%D6%80)
- [Հակացուցումներ](#%D5%B0%D5%A1%D5%AF%D5%A1%D6%81%D5%B8%D6%82%D6%81%D5%B8%D6%82%D5%B4%D5%B6%D5%A5%D6%80)
- [Բույսի հավաքումը և պահպանումը](#%D5%A2%D5%B8%D6%82%D5%B5%D5%BD%D5%AB-%D5%B0%D5%A1%D5%BE%D5%A1%D6%84%D5%B8%D6%82%D5%B4%D5%A8-%D5%BA%D5%A1%D5%B0%D5%BA%D5%A1%D5%B6%D5%B8%D6%82%D5%B4%D5%A8)

## Բուսաբանական նկարագրություն

Սպիտակ թակշուշը բազմամյա, մշտադալար թուփ է, մինչև 50 սմ չափսերով։ Իր արմատներով ամրանալով ծառերի (ուռենի, բարդի, խնձորենի, հաճարենի) փափուկ կեղևին, այն մակաբուծում է նրանց վրա։ Արմատները, թափանցելով կեղևի տակ, աճում են փայտանյութում։ Ոլորուն ճյուղերը հանգույցներում խտացված են։ Դրանք պատված են խիտ, երկարավուն-օվալաձև, դեղնականաչավուն տերևներով։ Այս թուփը ծաղկում է բավականին աննկատ, դեղին, մոտ 3 մմ չափսերով ծաղիկներով։ Ծաղիկները հավաքված են 5-6 հատից բաղկացած ծաղկաբույլերում։ Ծաղկումը տեղի է ունենում վաղ գարնանը։ Պտուղը կեղծ հատապտուղ է, մեկ սերմով, ձգված գնդաձև, 1 սմ չափսերով։ Չհասունացածը ունի կանաչ գույն, իսկ հասունանալիս՝ դառնում է սպիտակ։

![Բույսի բաղադրություն](https://lifeinfo.am/storage/images/spitak-takshush%D5%9D-bujich-hatkutyunner-ev-kirarutyun-102.jpg "Բույսի բաղադրություն")

Թուփն աճում է Ռուսաստանի հարավային և կենտրոնական շրջաններում, ԱՊՀ երկրներում, Հեռավոր Արևելքում, Կովկասում։ Բազմացումը տեղի է ունենում թռչունների միջոցով։ Ուտելով հատապտուղները, նրանք սերմերը տարածում են տարբեր հեռավորությունների վրա։

> Իմացե՛ք! - այն արժեքավոր աղբյուր է օգտակար տարրերի, որոնց միջոցով հնարավոր է ազատվել բազմաթիվ հիվանդություններից։

## Բույսի բաղադրություն

Նրա մասերի կազմի մեջ մտնող բաղադրիչներն օժտված են օգտակար հատկություններով։ Արժեքավոր բաղադրությունը պայմանավորված է այնպիսի նյութերի առկայությամբ, ինչպիսիք են՝

- լինոլաթթու, ուրսոլաթթու, օլեինաթթու, պալմիտինաթթու, օլեանոլաթթու;
- նորվիսկալբին, վիսկոտոքսին;
- ալկալոիդներ, խեժեր, կարոտին, C վիտամին;
- ացետիլխոլին, ճարպային յուղ;
- կաուչուկ, սապոնիններ;
- ֆլավոնոիդներ, հիստամիններ;
- դաբաղանյութեր, խոլին, տերպենոիդներ։

> Կարևոր է! Թակշուշի հատապտուղները թունավոր են! Դրանք չի կարելի սննդի մեջ օգտագործել!

## Բուժիչ հատկություններ

Մեծ թվով լեգենդներով է շրջապատված այս հրաշագործ խոտը։ Դեռևս հին ժամանակներից այն գնահատվել է, համարվելով երկնային պարգև։ Մարդիկ հավատում էին, որ այն օժտված է կախարդական ուժով։ Ճյուղերից պատրաստվում էին ամուլետներ, դրանք կրում էին և տեղադրում բնակարանում։ Համարվում էր, որ դրանք պաշտպանում են անդրաշխարհի ուժերից և բուժում են հիվանդությունները։

Իրոք, թակշուշի վրա հիմնված պատրաստուկները առողջարարական ազդեցություն են ունենում հիվանդի օրգանիզմի վրա։ Մեր ժամանակներում այն հաջողությամբ օգտագործվում է տարբեր հիվանդությունների բուժման ժամանակ։ Ինչպիսի՞ հիվանդությունների դեպքում կարելի է օգտագործել այս բույսը։

![Բուժիչ հատկություններ](https://lifeinfo.am/storage/img/aroxjutyun-dexer-bozhognutyun-dexabuyser-96539840.jpg "Բուժիչ հատկություններ")

1. Գերճնշում, էպիլեպսիա։
2. Գինեկոլոգիայում, ուռուցքաբանական հիվանդություններ։
3. Շագանակագեղձի ադենոմա։
4. [Վարիկոզ ընդարձակում](%D5%BE%D5%A1%D6%80%D5%AB%D5%AF%D5%B8%D5%A6), ռևմատիզմ։
5. Հիստերիկ վիճակներ, քնի խանգարումներ։
6. Հեմոռոիդ, [շաքարային դիաբետ](%D5%B7%D5%A1%D6%84%D5%A1%D6%80%D5%A1%D5%AD%D5%BF-%D5%A4%D5%AB%D5%A1%D5%A2%D5%A5%D5%BF)։
7. Ավշային հանգույցների բորբոքում։

Օլեինաթթուն և ուրսոլաթթուն ուժեղացնում են օրգանիզմի բջիջների վերականգնումը, բարելավում են սպիտակուցների փոխանակման գործընթացը։ Երիտասարդացնող հատկությունը բացատրվում է կոլագենի սինթեզով, որը տեղի է ունենում ուրսոլաթթվի մասնակցությամբ։ Ճյուղերի կեղևի բաղադրության մեջ մտնում է գլիկոզիդ, որն անհրաժեշտ է օրգանիզմի բջիջներում օքսիդավերականգնողական գործընթացների համար։ Հատապտուղներում մեծ քանակությամբ կան յուղեր և ճարպաթթուներ։

Որոշակի բաղադրիչների փոխազդեցության դեպքում թակշուշը դառնում է թունավոր։ Հետևաբար, չափազանց կարևոր է բուժմանը գրագետ մոտենալ և պահպանել դեղաչափը։

## Կիրառումը բժշկության մեջ

Թակշուշը բուժական նպատակներով օգտագործվում է հիպերտոնիկ ախտանիշների, աթերոսկլերոզի դեպքում, սրտանոթային համակարգի աշխատանքը բարելավելու համար։ Հիպոթենզիվ ազդեցությունը հստակ դրսևորվում է 1-ին և 2-րդ աստիճանի հիպերտոնիայով հիվանդների բուժման ժամանակ։ 4-րդ աստիճանի հիպերտոնիան թակշուշով չի կարգավորվում։ Թակշուշի բուժական ձևերը հանգստացնող ազդեցություն են թողնում նյարդային համակարգի վրա, կարգավորում են քունը, բարձրացնում մարդու աշխատունակությունը։ Էպիլեպսիայի դեպքում բարենպաստ ազդեցություն ունի նրա ընձյուղներից պատրաստված թուրմի օգտագործումը։

![Կիրառումը բժշկության մեջ](https://lifeinfo.am/storage/images/spitak-takshush%D5%9D-bujich-hatkutyunner-ev-kirarutyun-137.jpg "Կիրառումը բժշկության մեջ")

Բույսը շատ արդյունավետ է վերքերի բուժման, ռադիկուլիտի, մաշկաբանական բորբոքումների դեպքում։ Խոտաբույժները խորհուրդ են տալիս մարսողական տրակտի խանգարումների դեպքում օգտագործել թակշուշի հիմքով թուրմեր։ Դրանք նվազեցնում են ցավային համախտանիշը, նպաստում են աղիների պերիստալտիկայի բարելավմանը։ Միզուղիների համակարգի հիվանդությունների դեպքում բարելավվում է միզարտադրությունը։

> Կարևոր է! Թակշուշով բուժումն արդյունավետ է քաղցկեղի, [հեմոռոիդի](%D5%B0%D5%A5%D5%B4%D5%B8%D5%BC%D5%B8%D5%B5), հիպերտոնիայի դեպքում!

### Ուռուցքաբանության մեջ

Վերջին հետազոտությունները ցույց են տալիս, որ թակշուշն արդյունավետ է ուռուցքաբանական հիվանդությունների դեպքում։ Շատ բժիշկներ համաձայն են, որ ուռուցքաբանական հիվանդությունների բուժումը կարող է ներառել թակշուշի կիրառումը որպես լրացուցիչ միջոց։ Խոտի էքստրակտը քաղցկեղային հիվանդությունների վաղ փուլերում նվազեցնում է մետաստազների առաջացման ռիսկը։

#### Քաղցկեղի դեմ

1. Ընձյուղների փոշին հավասար համամասնությամբ խառնել մեղրի հետ։ Ներքին օգտագործել 3 գ-ից՝ օրը երեք անգամ։
2. Մանր կտրատված ճյուղիկները և տերևները լցնել մինչև կեսը 700 գ տարայի մեջ, ավելացնել 0,5 լ օղի։ Թողնել թրմվի 3 շաբաթ մթության մեջ՝ պարբերաբար խառնելով։ Զտումից հետո թուրմը խմել օրը 3 անգամ՝ 30 կաթիլից։
3. 2 ճ/գ տերևների և ընձյուղների համար՝ 350 մլ եռման ջուր։ Թողնել թրմվի կես օր։ Խմել 2 ճ/գ-ից օրը 3 անգամ՝ ուտելուց կես ժամ առաջ։ Ընդունել 4 ամիս՝ ամեն 3 շաբաթը մեկ շաբաթյա ընդմիջումով։

![Հակացուցումներ](https://lifeinfo.am/storage/images/spitak-takshush%D5%9D-bujich-hatkutyunner-ev-kirarutyun-199.jpg "Հակացուցումներ")

#### Կրծքագեղձի ուռուցքի դեպքում

Տաքացրած գազարի հյութը թրջոցի տեսքով դնել հիվանդ կրծքային շրջանին։ Մաշկի փափկելուց հետո դնել թակշուշի թուրմից պատրաստված կոմպրես (1 ճ/գ-ից 250 մլ ջուր)։ Կիրառել 14 օր։ Ցանկության դեպքում կրկնել մեկ շաբաթյա ընդմիջումից հետո։

### Գինեկոլոգիայում

Այն նաև խորհուրդ է տրվում կանանց դաշտանադադարի շրջանում։ Անպտղության դեպքում կիրառվում է թակշուշի հյութը։ Գինեկոլոգիական բորբոքումների և հեմոռոիդի դեպքում նշանակվում են նստակյաց լոգանքներ թակշուշի թուրմով։ Երիտասարդ տերևիկներից ստացված էքստրակտը լավ է հաղթահարում տարբեր ծագման արյունահոսությունները։

![Բույսի հավաքումը և պահպանումը](https://lifeinfo.am/storage/images/spitak-takshush%D5%9D-bujich-hatkutyunner-ev-kirarutyun-166.jpg "Բույսի հավաքումը և պահպանումը")

#### Արգանդի վզիկի արտադրություն և էրոզիա

60 գ երիտասարդ ցողունների համար՝ մեկ լիտր եռման ջուր։ Տաքացնել 15 րոպե, հովացնել, զտել։ Ավելացնել 500 մլ ջուր։ Ստացված թուրմով կատարել լվացումներ օրը երկու անգամ։

#### Հեմոռոիդի դեպքում

60 գ ընձյուղների համար՝ 1 լ տաք ջուր, թխկել 5 րոպե տաքացնելով։ Հովացնել, ստացված թուրմը զտել տաք լոգանքի մեջ։ Լոգանք ընդունել 20 րոպե։

![Ուռուցքաբանության մեջ](https://lifeinfo.am/storage/images/spitak-takshush%D5%9D-bujich-hatkutyunner-ev-kirarutyun-114.jpg "Ուռուցքաբանության մեջ")

#### Պոտենցիան բարձրացնելու համար

20 գ տերևների համար՝ մեկ բաժակ սպիրտ, դնել մութ տեղում մի քանի օր։ Այնուհետև զտել և ներքին ընդունել օրը երեք անգամ՝ 20 կաթիլից։

### Հիպերտոնիա

Պաշտոնական բժշկության մեջ հիպերտոնիայի և ստենոկարդիայի բուժման ժամանակ կիրառվում են «Омелен»-ը և «Вискален»-ը։ Դրանք պարունակում են տերևների էքստրակտ, որն ունի անոթալայնացնող ազդեցություն։ [Գլխացավերի](%D5%A3%D5%AC%D5%AD%D5%A1%D6%81%D5%A1%D5%BE), ճնշման բարձրացման, փորլուծության, տուբերկուլոզի, ուռուցքների դեպքում խմում են թակշուշի ճյուղիկներից ջրային թուրմ։

1 թ/գ չոր ընձյուղների համար՝ 200 մլ տաք ջուր։ Թողնել թրմվի գիշերը։ Ընդունել հետևյալ սխեմայով՝ օրը 3 անգամ ուտելուց առաջ 1/3 բաժակից, 5 օր։

![Գինեկոլոգիայում](https://lifeinfo.am/storage/images/spitak-takshush%D5%9D-bujich-hatkutyunner-ev-kirarutyun-136.jpg "Գինեկոլոգիայում")

> Կարևոր է! Ռևմատիզմի, ավշային հանգույցների մեծացման, [պոդագրայի](%D5%B0%D5%B8%D5%A4%D5%A1%D5%BF%D5%A1%D5%BA) դեպքում թուփի հատապտուղներից և տերևներից անում են թրջոցներ։ Հոմեոպաթիայում կիրառություն է գտել պտուղներից ստացված էսենցիան։

### Քաշ նվազեցնելու համար

Հաճախ սպիտակ թակշուշն օգտագործվում է մարմնի քաշը նվազեցնելու համար (թակշուշի կիրառման մասին քաշի նվազեցման համար մանրամասն կարդացեք )։ Նրա ընդունման ժամանակ նկատվում է ախորժակի նվազում, օրգանիզմից դուրս են բերվում տոքսինները, բարելավվում է ընդհանուր ինքնազգացողությունը, բարձրանում է մարդու կենսունակությունը, արագանում են նյութափոխանակության պրոցեսները։ Թակշուշը ներառվում է բազմաթիվ քաշ նվազեցնող բուսական հավաքածուների կազմում։

Քաշ նվազեցնելու պլանը.

1. Թերմոսի մեջ 1 լիտր եռման ջրով լցնել 5 ճ/գ լորենու ծաղիկ։ Օգտագործել օրվա ընթացքում։
2. Թերմոսում թրմել 5 ճ/գ թակշուշ 1 լ տաք ջրում։ Խմել մեկ օրվա ընթացքում։
3. 2 լ տաք ջրում թրմել 5 ճ/գ-ից թակշուշ և լորենու ծաղիկ։ Խմել մեկ օրվա ընթացքում։
4. Պատրաստել թեյ ինչպես 3-րդ օրը, միայն ավելացնելով մեղր։
5. Թրմել թուրմը ինչպես 3-րդ օրը, ավելացնել կիտրոնի հյութ և մեղր։

![Հիպերտոնիա](https://lifeinfo.am/storage/images/spitak-takshush%D5%9D-bujich-hatkutyunner-ev-kirarutyun-172.jpg "Հիպերտոնիա")

> Կարևոր է! Սրտի և երիկամների հիվանդությունների դեպքում այս մեթոդը կիրառել չի խորհուրդ տրվում։

### Կոսմետոլոգիայում

Թակշուշը կիրառություն է գտել նաև կոսմետոլոգիայում։ Թակշուշից ստացված լոսյոնը հրաշալիորեն խոնավացնում և փափկացնում է մաշկը, հեռացնում կարմրությունն ու բորբոքումը, նվազեցնում մեծացած ծակոտիները, պայքարում է պզուկների դեմ։ Կոսմետոլոգները թակշուշը ներառում են կնճիռների դեմ միջոցների կազմում։

1 թ/գ թակշուշը լցնել ½ բաժակ տաք ջրով։ Ստացված լոսյոնը պահել 10°C-ում։ Սրբել դեմքը։

#### Մազերի համար

2 ճ/գ չոր թակշուշի ճյուղիկները, լցված 2 բաժակ ջրով, եռացնել։ Տաքացնել 15 րոպե թույլ կրակի վրա։ Թողնել թրմվի։ Կիրառել մազերի համար՝ որպես լվացումից հետո ողողիչ։

![Քաշ նվազեցնելու համար](https://lifeinfo.am/storage/images/spitak-takshush%D5%9D-bujich-hatkutyunner-ev-kirarutyun-174.jpg "Քաշ նվազեցնելու համար")

> Կարևոր է! Ուռենուց, սոճուց, բարդուց, կաղնուց հավաքված թակշուշը համարվում է ավելի բուժիչ, քան պտղատու ծառերից (խնձորենուց, տանձենուց) հավաքվածը։

### Այլ բուժական բաղադրատոմսեր

Թակշուշով կարելի է բուժում իրականացնել տնային պայմաններում։ Կիրառվում են այնպիսի դեղաձևեր, ինչպիսիք են թեյը, թուրմը, թուրմը (отвар), քսուքը։ Դեղամիջոցի պատրաստման համար անհրաժեշտ թփի մասերը կարելի է ինքնուրույն հավաքել կամ ձեռք բերել դեղատնային ցանցից։ Ինչպե՞ս ճիշտ ընդունել թակշուշը և չվնասել։

#### Արյունահոսությունների դեպքում

1. 15 գ տերևիկների համար՝ 200 մլ եռման ջուր։ Թողնել թրմվի և զտել։ Ընդունել 1 ճ/գ-ից օրը երեք անգամ։
2. 25 գ տերևների համար՝ 100 գ սպիրտ։ Թրմել 5 օր մթության մեջ։ Զտել։ Ընդունման չափաբաժինը՝ 30 կաթիլ օրը երեք անգամ։

![Կոսմետոլոգիայում](https://lifeinfo.am/storage/images/spitak-takshush%D5%9D-bujich-hatkutyunner-ev-kirarutyun-124.jpg "Կոսմետոլոգիայում")

#### Էպիլեպսիայի և քունը կարգավորելու համար

1 ճ/գ տերևների համար՝ 1 լ տաք ջուր։ Թխկել 5 րոպե։ Խմել ուտելուց կես ժամ առաջ, 2 ճ/գ-ից օրը երեք անգամ։ Փոքրացված չափաբաժնով (1 ճ/գ) թուրմը կարող է կիրառվել երեխաների համար։

#### Հելմինթոզի դեպքում

1. 40 գ չոր ցողունների և տերևիկների համար՝ 1 լ եռման ջուր։ Թխկել 5 րոպե։ Թողնել թրմվի, հովացնել։ Կիրառել ուտելուց 20 րոպե առաջ՝ 1/2 բաժակից։
2. Խառնել 5 գ թակշուշի տերևներ և 1 գ վալերիանի արմատներ։ Մանրացնել։ Օգտագործել քնելուց առաջ՝ թարմ քերած գազարի հետ միասին, երեք օր անընդմեջ։

#### Ռևմատիզմի և արթրիտի դեպքում

2 ճ/գ թակշուշի համար՝ 1 լ տաք ջուր։ Թողնել թրմվի կես ժամ։ 30 րոպե կիրառել կոմպրես թուրմով, վրայից ծածկելով թաղանթով և տաք գործվածքով։

![Այլ բուժական բաղադրատոմսեր](https://lifeinfo.am/storage/images/spitak-takshush%D5%9D-bujich-hatkutyunner-ev-kirarutyun-127.jpg "Այլ բուժական բաղադրատոմսեր")

#### Տոնուսը բարձրացնելու համար

1 թեյի գդալ ընձյուղի համար՝ մեկ բաժակ եռման ջուր։ Ներքին ընդունման համար օգտագործել 1 բաժակ օրը 3 անգամ։ Համը բարելավելու համար ցանկության դեպքում կարելի է ավելացնել մեղր։

#### Շաքարային դիաբետի դեպքում

200 մլ ջրի համար՝ 1 թեյի գդալ չոր սպիտակ թակշուշ։ Խմել 100 մլ օրը երեք անգամ։ Ընդունման ընթացքը կազմում է 14-21 օր։

![Քաղցկեղի դեմ](https://lifeinfo.am/storage/images/spitak-takshush%D5%9D-bujich-hatkutyunner-ev-kirarutyun-140.jpg "Քաղցկեղի դեմ")

#### Քսուք

Կես բաժակ տերևների և հատապտուղների համար՝ 50 մլ ձիթապտղի յուղ։ Պահել մեկ ամիս սենյակային պայմաններում՝ ամեն օր խառնելով։ Նստվածք տալուց հետո յուղը քամել, ավելացնել լանոլին նույն քանակությամբ։ Խառնել՝ տաքացնելով ջրային բաղնիքի վրա (35-40 °C)։ Խառնուրդը միատարր կազմություն ստանալուց հետո ավելացնել թարմ, մանրացված սպիտակ թակշուշի հատապտուղներ (1 ճաշի գդալ)։ Քսել մաշկին՝ վրան ծածկելով բրդյա շորով (մարլյա)։

## Հակացուցումներ

Ժողովրդական բժշկության մեջ այս հրաշալի բույսով առողջացման ողջ տարածվածության դեպքում չպետք է մոռանալ, որ թակշուշի մասերը պարունակում են թունավոր նյութեր։ Բուժման ժամանակ անհրաժեշտ է ճշգրիտ պահպանել առաջարկվող համամասնությունները։ Չի կարելի թույլ տալ երկարատև օգտագործում։ Խորհուրդ է տրվում կուրսային բուժում։

Հղիության և կրծքով կերակրման ժամանակ այս բույսի օգտագործումն արգելվում է։ Արյան ցածր ճնշում ունեցող, վահանաձև գեղձի ֆունկցիաների խանգարումներով, երիկամային պաթոլոգիայով, լյարդի և լեղապարկի հիվանդություններով տառապող մարդկանց թակշուշի կիրառումն արգելվում է։ Բացի այդ, հնարավոր է բաղադրիչների նկատմամբ անհատական անհանդուրժողականության առաջացում։ Երկարատև ընդունման արդյունքում հնարավոր է ինտոքսիկացիա։ Թերապիան չպետք է գերազանցի 2 ամիսը։

![Կրծքագեղձի ուռուցքի դեպքում](https://lifeinfo.am/storage/images/spitak-takshush%D5%9D-bujich-hatkutyunner-ev-kirarutyun-146.jpg "Կրծքագեղձի ուռուցքի դեպքում")

Զգույշ պետք է լինել նաև միջոցների արտաքին օգտագործման ժամանակ։ Ուժեղ կոնցենտրացիայի կոմպրեսի լուծույթը կարող է հանգեցնել փափուկ հյուսվածքների նեկրոզի։ Թունավորումն արտահայտվում է զարկերակի դանդաղեցմամբ, շնչառության խանգարումներով, հալյուցինացիաներով, սրտխառնոցով և գլխապտույտով։ Ինտոքսիկացիայի ախտանիշների հայտնվելու դեպքում անհրաժեշտ է անհապաղ կանչել շտապ օգնության բժիշկներին, հրահրել փսխում և ընդունել ադսորբենտներ (ակտիվացված ածուխ, էնտերոսգել)։

## Բույսի հավաքումը և պահպանումը

Սեպտեմբերից մինչև դեկտեմբեր ընկած ժամանակահատվածում կարելի է հավաքել թակշուշը։ Կտրված թփից հատապտուղները հեռացնելուց հետո ցողունները կտրատվում են մոտ 15-20 սմ չափսով։ Չորացնել անհրաժեշտ է մաքուր թղթի կամ կտորի վրա, բարակ շերտով, օդափոխվող տարածքում։ Չորացրած ցողունները և տերևները պետք է պահել կտորե պարկիկում՝ չոր տարածքում։ Հումքի պատրաստման բոլոր պայմանները պահպանելու դեպքում թակշուշը պահպանում է իր բուժիչ հատկությունը 1,5 տարվա ընթացքում։

> Կարևոր է! Ներքին օգտագործման համար թակշուշի հատապտուղները պիտանի չեն, դրանք թունավոր են։ Ժողովրդական բժշկության մեջ դրանք մտնում են քսուքների և կրեմների բաղադրության մեջ։

Սպիտակ թակշուշը մարդկության բազմաթիվ հիվանդությունների հաղթահարմանը օգնող տարբեր նյութերի արժեքավորագույն աղբյուր է։ Ինքնաբուժմամբ զբաղվելը վտանգավոր է բացասական հետևանքներով։ Բուժում անցնելու համար անպայման անհրաժեշտ է խորհրդակցել բժշկի հետ։ Նա, հաշվի առնելով ձեր օրգանիզմի բոլոր անհատական առանձնահատկությունները, կնշանակի ճիշտ դեղաչափը և թակշուշի կիրառման սխեման։
