# Քթի կաթիլներ ալերգիայի դեպքում

![Հակաալերգիկ միջոցների տեսակները](https://lifeinfo.am/storage/img/aroxjutyun-dexer-bozhognutyun-dexabuyser-41179819.jpg "Հակաալերգիկ միջոցների տեսակները")

Ալերգիայի ամենատարածված ձևը, որը հրահրվում է տարբեր գրգռիչներով, ալերգիկ ռինիտն է։ Նրա ախտանիշները վերացնելու համար կիրառվում են քթի կաթիլներ ալերգիայի դեպքում։ Անհրաժեշտ բուժման բացակայության դեպքում կարող են առաջանալ բարդություններ՝ ատրոֆիկ ռինիտի, միջին ականջի ռեցիդիվող բորբոքման (օտիտի), քթի խոռոչի և քթի հարակից ծոցերի պոլիպների տեսքով։

Բովանդակություն՝

- [Ալերգիան և այն հրահրող աղբյուրները](#%D5%A1%D5%AC%D5%A5%D6%80%D5%A3%D5%AB%D5%A1%D5%B6-%D5%A1%D5%B5%D5%B6-%D5%B0%D6%80%D5%A1%D5%B0%D6%80%D5%B8%D5%B2-%D5%A1%D5%B2%D5%A2%D5%B5%D5%B8%D6%82%D6%80%D5%B6%D5%A5%D6%80%D5%A8)
- [Հակաալերգիկ միջոցների տեսակները](#%D5%B0%D5%A1%D5%AF%D5%A1%D5%A1%D5%AC%D5%A5%D6%80%D5%A3%D5%AB%D5%AF-%D5%B4%D5%AB%D5%BB%D5%B8%D6%81%D5%B6%D5%A5%D6%80%D5%AB-%D5%BF%D5%A5%D5%BD%D5%A1%D5%AF%D5%B6%D5%A5%D6%80%D5%A8)
- [Հորմոնալ կաթիլներ](#%D5%B0%D5%B8%D6%80%D5%B4%D5%B8%D5%B6%D5%A1%D5%AC-%D5%AF%D5%A1%D5%A9%D5%AB%D5%AC%D5%B6%D5%A5%D6%80)
- [Իմունամոդուլյացնող կաթիլներ](#%D5%AB%D5%B4%D5%B8%D6%82%D5%B6%D5%A1%D5%B4%D5%B8%D5%A4%D5%B8%D6%82%D5%AC%D5%B5%D5%A1%D6%81%D5%B6%D5%B8%D5%B2-%D5%AF%D5%A1%D5%A9%D5%AB%D5%AC%D5%B6%D5%A5%D6%80)
- [Անոթասեղմիչ կաթիլներ](#%D5%A1%D5%B6%D5%B8%D5%A9%D5%A1%D5%BD%D5%A5%D5%B2%D5%B4%D5%AB%D5%B9-%D5%AF%D5%A1%D5%A9%D5%AB%D5%AC%D5%B6%D5%A5%D6%80)
- [Հակաայտուցային պատրաստուկներ](#%D5%B0%D5%A1%D5%AF%D5%A1%D5%A1%D5%B5%D5%BF%D5%B8%D6%82%D6%81%D5%A1%D5%B5%D5%AB%D5%B6-%D5%BA%D5%A1%D5%BF%D6%80%D5%A1%D5%BD%D5%BF%D5%B8%D6%82%D5%AF%D5%B6%D5%A5%D6%80)
- [Հոմեոպաթիկ պատրաստուկներ](#%D5%B0%D5%B8%D5%B4%D5%A5%D5%B8%D5%BA%D5%A1%D5%A9%D5%AB%D5%AF-%D5%BA%D5%A1%D5%BF%D6%80%D5%A1%D5%BD%D5%BF%D5%B8%D6%82%D5%AF%D5%B6%D5%A5%D6%80)
- [Հակահիստամինային պատրաստուկներ](#%D5%B0%D5%A1%D5%AF%D5%A1%D5%B0%D5%AB%D5%BD%D5%BF%D5%A1%D5%B4%D5%AB%D5%B6%D5%A1%D5%B5%D5%AB%D5%B6-%D5%BA%D5%A1%D5%BF%D6%80%D5%A1%D5%BD%D5%BF%D5%B8%D6%82%D5%AF%D5%B6%D5%A5%D6%80)
- [Համակցված պատրաստուկներ](#%D5%B0%D5%A1%D5%B4%D5%A1%D5%AF%D6%81%D5%BE%D5%A1%D5%AE-%D5%BA%D5%A1%D5%BF%D6%80%D5%A1%D5%BD%D5%BF%D5%B8%D6%82%D5%AF%D5%B6%D5%A5%D6%80)
- [Քթի կաթիլներ փոքրիկների համար](#%D6%84%D5%A9%D5%AB-%D5%AF%D5%A1%D5%A9%D5%AB%D5%AC%D5%B6%D5%A5%D6%80-%D6%83%D5%B8%D6%84%D6%80%D5%AB%D5%AF%D5%B6%D5%A5%D6%80%D5%AB-%D5%B0%D5%A1%D5%B4%D5%A1%D6%80)
- [Ալերգիայի դեմ կաթիլներ հղիության ժամանակ](#%D5%A1%D5%AC%D5%A5%D6%80%D5%A3%D5%AB%D5%A1%D5%B5%D5%AB-%D5%A4%D5%A5%D5%B4-%D5%AF%D5%A1%D5%A9%D5%AB%D5%AC%D5%B6%D5%A5%D6%80-%D5%B0%D5%B2%D5%AB%D5%B8%D6%82%D5%A9%D5%B5%D5%A1%D5%B6-%D5%AA%D5%A1%D5%B4%D5%A1%D5%B6%D5%A1%D5%AF)

Նյութեր թեմայով՝- [Մանկական կաթիլներ ալերգիայից](%D5%B4%D5%A1%D5%B6%D5%AF%D5%A1%D5%AF%D5%A1%D5%B6-%D5%AF%D5%A1%D5%A9%D5%AB%D5%AC%D5%B6%D5%A5%D6%80-%D5%A1%D5%AC%D5%A5%D6%80%D5%A3%D5%AB%D5%A1%D5%B5%D5%AB-%D5%A4%D5%A5%D5%B4-5504 "Մանկական կաթիլներ ալերգիայից")
- [Ի՞նչ է ալերգիան և ինչու է այն առաջանում](%D5%AB%D5%B6%D5%B9%D5%A1%D5%AC%D5%A5%D6%80%D5%A3%D5%AB%D5%A1%D5%B6-%D5%AB%D5%B6%D5%B9%D5%B8%D6%82%D5%A1%D5%B5%D5%B6-%D5%A1%D5%BC%D5%A1%D5%BB%D5%A1%D5%B6%D5%B8%D6%82%D5%B4-4434 "Ի՞նչ է ալերգիան և ինչու է այն առաջանում")

 ![](https://lifeinfo.am/storage/images/inchic-e-arajanum-celyulity-139.png) Ալերգիան և այն հրահրող աղբյուրները Ալերգիա հասկացության տակ ենթադրվում է որոշ նյութերի նկատմամբ աննորմալ սուր ռեակցիայի առաջացում։ Այն կարող է հրահրվել օրգանիզմի ռեակցիայով բույսերի, մասնավորապես ամբրոզիայի նկատմամբ։ Կենդանիների բուրդը, դեղամիջոցները, սննդամթերքը, փոշին, ծխախոտի ծուխը, կոսմետիկան, լվացող միջոցները նույնպես կարող են հրահրել դրա առաջացումը։ Ալերգիայի դրսևորման ձևը տարբեր է լինում։ Թեթև ընթացքի դեպքում կարելի է նույնիսկ չնկատել դրա ախտանիշները։ Ծանր ձևն ընթանում է բավականին արտահայտված ախտանիշներով, երբ առկա են հարբուխ, հազ, փռշտոց, արցունքահոսություն։ Նաև կարող են առաջանալ՝ շնչակարճության հայտնություն; 3. սրտխփոցի հաճախացում;
4. մաշկային դրսևորումներ, օրինակ՝ եղինջացան;
5. ալերգիկ կոնյունկտիվիտ;
6. զարկերակային ճնշման անկում և, որպես հետևանք, գլխապտույտ, թուլություն, մինչև անգամ ուշագնացություն։
![Հորմոնալ կաթիլներ](https://lifeinfo.am/storage/images/alergik-harbuxi-depqum-qti-katilneri-tesaknery-146.jpg "Հորմոնալ կաթիլներ")

Նման ախտանիշների հայտնվելու դեպքում անհրաժեշտ է մասնագետի խորհրդատվություն՝ անաֆիլակտիկ շոկի առաջացումը կանխելու համար։

## Հակաալերգիկ միջոցների տեսակները

Քթի կաթիլների տեսքով կիրառվող դեղամիջոցները տարբերվում են իրենց ազդեցությամբ։ Դրանք կիրառել անհրաժեշտ է միայն որոշելով ալերգիկ ռեակցիան հրահրած աղբյուրը և հիվանդության ընթացքի բնորոշ առանձնահատկությունները։ Նախքան բուժումն սկսելը, անհրաժեշտ է ուշադիր ուսումնասիրել ցուցումները և կատարել դրանցում նշված բոլոր առաջարկությունները։

Կաթիլների գները զգալիորեն տարբերվում են միմյանցից։ Բժշկի հետ խորհրդակցելով՝ կարելի է ընտրել ավելի էժան, սակայն բավականին արդյունավետ պատրաստուկներ։

> Չմոռանանք! Քթի կաթիլները կարող է նշանակել միայն բժիշկը։ Ինքնաբուժմամբ զբաղվելը խստիվ արգելվում է։

Ալերգիայի դեպքում քթի խցանվածությանը օգնում են հետևյալ տեսակի միջոցները՝

- հորմոնների հիման վրա;
- իմունամոդուլյացնող;
- անոթասեղմիչ;
- հակաայտուցային;
- հոմեոպաթիկ;
- հակահիստամինային;
- համակցված։

![Իմունամոդուլյացնող կաթիլներ](https://lifeinfo.am/storage/images/alergik-harbuxi-depqum-qti-katilneri-tesaknery-113.jpg "Իմունամոդուլյացնող կաթիլներ")

### Հորմոնալ կաթիլներ

Ալերգիայի դեմ ամենաարդյունավետ պատրաստուկները հորմոնալ կաթիլներն են։ Դրանք ունեն հակաայտուցային և հակաբորբոքային ազդեցություն։ Դրանց ընդունումը նշանակվում է այն դեպքում, երբ մյուսները պատշաճ արդյունք չեն տալիս։ Առաջին ախտանիշների դեպքում դրանց կիրառումը նպատակահարմար չէ։ Սկսել արժե թեթև կաթիլներից։

Այժմ լայնորեն տարածված են հորմոնալ սփրեյները։ Ինչպիսի անվանումներ կան՝

- Բեկոնազե - նախատեսված է մեծահասակների և 6 տարեկանից բարձր երեխաների համար;
- Ավամիս - 2 տարեկանից բարձր երեխաների համար;
- Ֆլիքսոնազե - կիրառվում է 3 տարեկանից։

> Ուշադրություն! Նախքան բուժումն սկսելը, պարտադիր է խորհրդակցել բժշկի հետ։

![Անոթասեղմիչ կաթիլներ](https://lifeinfo.am/storage/images/alergik-harbuxi-depqum-qti-katilneri-tesaknery-107.jpg "Անոթասեղմիչ կաթիլներ")

### Իմունամոդուլյացնող կաթիլներ

Պատրաստուկի ընդունման ժամանակ խթանվում են T-լիմֆոցիտները, որոնք պատասխանատու են բջջային իմունիտետի աշխատանքի համար։ Կաթիլների ազդեցությունն ուղղված է լորձաթաղանթի վնասված հյուսվածքների վերականգնմանը և գերզգայունության իջեցմանը։ Արժե դիտարկել հետևյալ կաթիլները՝

- Դերինատ - դրա ազդեցությունն ուղղված է հումորալ և բջջային իմունիտետի ակտիվացմանը;
- Վիլոզեն - խորհուրդ է տրվում մեծահասակ հիվանդներին, կօգնի մեղմել ծաղկափոշու նկատմամբ ալերգիան։

### Անոթասեղմիչ կաթիլներ

Այս պատրաստուկները կիրառվում են սուր ձևով ընթացող հարբուխի և քթի ուժեղ խցանվածության դեպքում արագ օգնություն ցուցաբերելու համար։ Քթի լորձաթաղանթի վրա գտնվող ադրենալինային ընկալիչների վրա դրանց ազդեցության ժամանակ տեղի է ունենում անոթների նեղացում։ Սրա հետևանքն է լորձաթաղանթի այտուցի և քթի խցանվածության նվազումը, ինչը դյուրացնում է շնչառությունը։

Պատրաստուկների ցանկը՝

- Քսիլոմետազոլին;
- Ֆարմազոլին;
- Օտրիվին;
- Տիզին;
- Նազիվին;
- Ռինոստոպ։

![Հակաայտուցային պատրաստուկներ](https://lifeinfo.am/storage/images/alergik-harbuxi-depqum-qti-katilneri-tesaknery-147.jpg "Հակաայտուցային պատրաստուկներ")

Կիրառվում են կաթիլներ, որոնց լուծույթի տոկոսային հարաբերակցությունը կազմում է 0,05% և 0,1%։ 1 տարեկանից բարձր երեխաներին խորհուրդ է տրվում ընդունել ամենացածր տոկոսայնությամբ կաթիլներ՝ կիրառման ցուցումներին համապատասխան։ Նորածնին խորհուրդ է տրվում օգտագործել Օտրիվին պատրաստուկը։

Ֆարմազոլինն օգտագործել թույլատրվում է 6 ամսականից բարձր երեխաների համար։ Պատրաստուկի այն լուծույթը, որի տոկոսային հարաբերակցությունը 1% է, թույլատրվում է կիրառել 6 տարեկանից բարձր երեխաների համար։

Անոթասեղմիչ կաթիլները կարող են կախվածություն առաջացնել։ Կիրառման ժամանակը պետք է սահմանափակված լինի։ Հնարավորության դեպքում, ավելի լավ է օգտագործել սփրեյ։

### Հակաայտուցային պատրաստուկներ

Քթի խոռոչում այտուցից կօգնեն հատուկ պատրաստուկները կաթիլների և սփրեյների տեսքով։ Բժիշկը դրանց ընդունումը զուգակցում է հակահիստամինային դեղամիջոցների հետ։

Ըստ էության, հակաայտուցային միջոցները անոթասեղմիչ կաթիլներ են։ Հակաայտուցային պատրաստուկների ազդեցությունը հետևյալն է. ալերգիկ ռեակցիայի առաջացման ժամանակ քթի լորձաթաղանթն այտուցվում է ալերգիայի աղբյուրի հետ շփման և անմիջական տիպի ռեակցիայի առաջացման հետևանքով։ Պատրաստուկի օգտագործման ժամանակ արյունատար անոթները սեղմվում են, այտուցը վերանում է։ Քթի խցանվածության, լորձի արտադրության, լճացումային երևույթների և կարմրության ախտանիշները նվազում են։

Օտրիվինը պատրաստված է քսիլոմետազոլինի հիման վրա, ունի լավ հակաայտուցային հատկություններ։ Դրա ազդեցությունը սկսվում է կաթիլներ կաթեցնելուց հետո 1 րոպեի ընթացքում։ Ազդեցության տևողությունը՝ 4 ժամ։ Օգտագործել կարելի է ոչ ավելի, քան 5 օր։

![Հոմեոպաթիկ պատրաստուկներ](https://lifeinfo.am/storage/images/alergik-harbuxi-depqum-qti-katilneri-tesaknery-136.jpg "Հոմեոպաթիկ պատրաստուկներ")

### Հոմեոպաթիկ պատրաստուկներ

Խոտաբույսերի հիման վրա պատրաստված կաթիլները անվնաս են և կախվածություն չեն առաջացնում։ Դրանց արդյունավետությունը դրսևորվում է ալերգիկ ռինիտի սուր ձևի դեպքում։ Բուժման համար կիրառվում են նոր սերնդի պատրաստուկներ՝

- Էուֆորբիում կոմպոզիտում;
- Էդաս։

Այս միջոցները կօգնեն ալերգիայի դեպքում քթի խցանվածությունից։ Դրանց հիմնական առավելությունն այն է, որ դրանք չեն պարունակում հորմոններ և ուժեղ ազդեցության միջոցներ։

### Հակահիստամինային պատրաստուկներ

Դեղագործական արդյունաբերությունը թողարկում է հակահիստամինային պատրաստուկների մի քանի տեսակ։ Քթի կաթիլները դրանցից մեկն են։ Դրանք տարբերվում են անոթասեղմիչ և հակաալերգիկ ազդեցության ակտիվ բաղադրիչների բաղադրությամբ։ Դրանց համալիր ազդեցությունն օրգանիզմի վրա վերացնում է հիվանդության բոլոր ախտանիշները։ Քթի կաթիլներից բացի, հաճախ զուգահեռաբար նշանակվում են նաև դեղերի այլ ձևեր։ Օրինակ՝ ներքին օգտագործման հաբեր և կաթիլներ։ Այսպիսով, օրգանիզմը կարող է պայքարել հիվանդության դեմ նաև ներսից։ Այս տեսակի ամենաարդյունավետ պատրաստուկներն են՝ Էրիուս, Վիբրոցիլ, Լևոկաբաստին, Կլարիտին (սեզոնային ալերգիայի դեմ լավագույն պատրաստուկներից մեկը)։ 1 տարեկանից ցածր երեխաների համար խորհուրդ է տրվում օգտագործել Ֆենիստիլ։

![Հակահիստամինային պատրաստուկներ](https://lifeinfo.am/storage/images/alergik-harbuxi-depqum-qti-katilneri-tesaknery-168.jpg "Հակահիստամինային պատրաստուկներ")

Հակահիստամինային կաթիլների ազդեցության տակ արագորեն վերանում են ալերգիկ ռինիտի դրսևորումները։ Դրանք ազդում են 5 ժամվա ընթացքում։ Վազոմոտոր ռինիտի ախտանիշները այս միջոցներով չեն բուժվում։

### Համակցված պատրաստուկներ

Ալերգիայի դեմ պայքարում լավ են դրսևորվել համակցված ազդեցության պատրաստուկները։ Դրանք ունեն հակաայտուցային և հակաալերգիկ հատկություններ։

![Համակցված պատրաստուկներ](https://lifeinfo.am/storage/images/alergik-harbuxi-depqum-qti-katilneri-tesaknery-185.jpg "Համակցված պատրաստուկներ")

Կրոմոհեքսալը և դրա ածանցյալները ալերգիայի դեմ լավագույն միջոցներից են, որոնք օգնում են տարբեր տարիքի հիվանդներին վերադառնալ նորմալ կյանքի։

## Քթի կաթիլներ փոքրիկների համար

Երեխաների մոտ տարածված ախտաբանությունը ալերգիկ ռինիտն է։ Երեխան ունի ավելի բարակ լորձաթաղանթ՝ անոթների մակերեսային տեղակայմամբ։ Հետևաբար, դրա ախտանիշները հանգստացնելու համար կիրառվող կաթիլների խտությունը պետք է ավելի ցածր լինի, քան մեծահասակների համար։ Ամենատարածված մանկական կաթիլներն են՝ Վիբրոցիլն ու Սանորինը։

##  Ալերգիայի դեմ կաթիլներ հղիության ժամանակ

Ալերգիայի դեմ քթի կաթիլների օգտագործումը պետք է իրականացվի միայն բժշկի մշտական հսկողության ներքո։ Ամենաանվտանգ պատրաստուկները 3-րդ սերնդի են (Տելֆաստ, Զիրտեկ)։ Դրանք կարելի է կիրառել հղիների և 3 տարեկանից բարձր երեխաների համար։ Դեղերի ընդունումը տնային պայմաններում պետք է լինի չափազանց զգույշ։

> Ուշադրություն! Ոչ միայն ալերգիկ ռինիտի, այլ նաև այլ հիվանդությունների ինքնաբուժումը կարող է բարդություններ առաջացնել հղի կնոջ մոտ։

Հղիների մոտ ռինիտը կարող է առաջանալ հորմոնալ խանգարման հետևանքով։ Այս դեպքում ալերգիայի դեմ դեղամիջոցները չեն օգնի։

Ալերգիայի ախտանիշների առաջին դրսևորումների դեպքում չպետք է ինքնուրույն ընտրել դեղամիջոցներ։ Հիվանդությունից ազատվել հնարավոր է միայն այն մասնագետի օգնությամբ, ով կմշակի համալիր բուժում։
