Ալոեի բուժական հատկությունները և հակացուցումները

Հալվեն (ալոե) կակտուս է, որը կա գրեթե յուրաքանչյուր տանը: Այս բույսը բավականին յուրահատուկ է, նրա կազմում կան շատ օգտակար տարրեր: Օգտագործելով հալվե և նրա բուժիչ հատկությունները՝ պետք չէ մոռանալ նաև հակացուցումների մասին:

• Հալվե. բուժական հատկությունները
• Ինչպես ճիշտ պատրաստել հյութը
• Հարբուխի ժամանակ
• Հազի դեմ
• Աղիքային հիվանդություններ
• Հալվեն՝ կանացի գեղեցկության և առողջության համար
• Բորբոքումներ և էրոզիա
• Անպտղության բուժման համար
• Մաշկի համար
• Մազերի համար
• Հակացուցումներ

Հալվե. բուժական հատկությունները

Ալոեի օգտակար հատկությունների մասին կարելի է հանդիպել դեռևս Ավիցեննայի, Հիպոկրատի, Ցելսիուսի գրվածքներում:

Բույսը ունի հզոր հակաբորբոքային և հակաբակտերիալ հատկանիշներ: Դրա միջոցով կարելի է պայքարել տուբերկուլյոզի և կոկկային բակտերիաների, վիրուսների դեմ: Օգնում է վերացնել դիֆտերիայի և դիզենտերիայի ձողիկները:

Հին հռոմեացիները և հույները հալվեի օգնությամբ ամրապնդել են իմունիտետը երկար արշավների ժամանակ. բույսը զինվորներին տալիս էր էներգիա, քաջություն:

Ապացուցված է ալոեի արդյունավետությունը հետևյալ հիվանդությունների դեպքում.

• ճառագայթահարում;
• շնչառության օրգանների և փոքր կոնքի բորբոքման օջախներ;
աչքի հիվանդություններ՝ կոնյուկտիվիտ, զարգացող կարճատեսություն, ոսպնյակի խամրում;
• վերքեր, այրվածքներ, մաշկաային խնդիրներ. արագացնում է մաշկի վերականգնումը;
• պաշտպանական գործառույթների նվազեցում. ուժեղ բնական իմունոխթանիչ;
աղիքների ոչ կանոնավոր արտազատում, բորբոքումներ, գաստրիտ, պանկրեատիտ:

Փոքր քանակով հալվե ընդունելը նպաստում է մարսողության բարելավմանը, լեղու արտադրությանը:

Այս բույսի հյութը արդյունավետ պայքարում է գրիպի վիրուսների դեմ, վերացնում է հերպեսը: Ալոեն օգնում է հաղթահարել հանկարծակի գլխացավերը, ուժեղ միգրենը:

Ալոեն օգտագործվում է հյութի տեսքով, տերևներով, թուրմով և խտահյութով: Դեղատանը կարելի է գտնել հալվեի սպիրտային թուրմ: Իսկ շատ կոսմետոլոգիական ընկերություններ թողարկում են ալոեի մզվածք պարունակող խնամքի միջոցների շարքեր:

Կարևոր է. ալոե պարունակող տնային դեղամիջոցները կարելի է խահել 4 ժամից ոչ ավելի: Օդի հետ ավելի երկար շփվելը հանգեցնում է բույսի օգտակար հատկությունների կորստին:

Ալոեն՝ որպես պայքարի միջոց տարբեր հիվանդությունների դեմ:

Ինչպես ճիշտ պատրաստել հյութը

Բուժիչ հատկություններ ունեն հասուն բույսերը, որոնց տարիքը չորս տարուց ավելի է:

1. Կտրել ստորին, հաստ տերևները, լվալ, փաթաթել թղթով:
2. Դնել հումքը սառնարան 12 ժամով:
3. Մանրացնել մսաղացով, քամել հյութը:

Տերեւները, որոնք արդեն <<կոփված>> են ցրտից, կարելի է օգտագործել 14 օր:

Ծանր հիվանդությունից հետո օրգանիզմը վերականգնելու համար կարելի է պատրաստել հետևյալ բուժիչ թուրմը.

• ալոեի թարմ հյութ – 150 մլ;
• բնական հեղուկ մեղր – 270 մլ;
• թունդ կարմիր գինի – 330 մլ:

Բոլոր բաղադրիչները խառնել, թողնել 5 օր: Ընդունել օրական առնվազն 3 անգամ 15 մլ:

Կարդացեք. ինչպես ճիշտ խնամել հալվե տնային պայմաններում

Հարբուխի ժամանակ

Ալոեի հյութ օգտագործելիս օգտակար նյութերը ներծծվում են արյան անոթների միջոցով: Դա նպաստում է վիճակի արագ բարելավմանը. անցնում է լորձաթաղանթի այտուցվածությունը, շնչելը ավելի հեշտ է դառնում:

Կարևոր է. արյան մեջ ընկնելով՝ ալոեն նպաստում է թունավոր նյութերի չեզոքացմանը, օրգանիզմը ավելի հեշտ է պայքարում վարակի դեմ:

Հարբուխի բուժման համար հյութը անհրաժեշտ է նոսրացնել ջրով.

• մեծահասակների համար՝ 10 մլ հյութը 15 մլ ջրով;
• երեխաների համար՝ հյութի 1 մաս ջրի 2 մասով:

Կարելի է պատրաստել կաթիլները՝ ավելացնելով մեղր. խառնում ենք 25-ական գր հյութ, ջուր և մեղր: Օգտագործել օրը 3 անգամ: Յուրաքանչյուր քթանցքին կաթեցնել 5 անգամ:

Հազի դեմ

Դեղամիջոցը օգնում հաղթահարել ցանկացած տեսակի հազ, նպաստում է խորխի դուրսբերմանը:

1. Հալեցնել 55 գ տնական կարագ:
2. Ավելացնել հեղուկ մեղր (60 մլ) և ալոեի սպիրտային թուրմ (110 մլ):
3. Բնական թարմ հյութ կպահանջվի 2 անգամ պակաս:

Անհրաժեշտ է ընդունել դեղը 7 օրվա ընթացքում: Օրական չափաբաժինը կազմում է 30 գ, այն պետք է բաժանել՝ օրվա մեջ 2 անգամ ընդունելու համար:

Բորբոքված կոկորդը ողողելու համար պետք է 50 մլ ջրին ավելացնել հավասար քանակությամբ ալոեի հյութ: Իսկ պրոցեդուրայից հետո կարելի է խմել մեկ բաժակ տաք կաթ՝ ավելացնելով 7 մլ հյութ.

Աղիքային հիվանդություններ

Ցանկացած լուրջ ստամոքսի խանգարում, կապված դիֆտերիայի, դիզենտերիայի, ստամոքսային տիֆի հետ, կարելի է բուժել հալվեի հյութով: Հիվանդության առաջին իսկ ախտանիշների դեպքում անհրաժեշտ է ընդունել 6 մլ հյութ օրեկան մինչև 7 անգամ:

Վիճակի բարելավմանը զուգընթաց՝ հյութի չափաբաժինը պետք է նվազեցնել, քանի որ ալոեի երկարատև օգտագործումը կարող է հանգեցնել աղիքային մկանների թուլացման և փորկապության:

Կարևոր է. ալոեի տերևը ատամի վրա դնելը կօգնի ազատվել տհաճ զգացողությունից:

Հալվեն՝ կանացի գեղեցկության և առողջության համար

Կանանց համար հալվեն պարզապես անփոխարինելի օգնական է: Այն կօգնի և՛ ազատվել հիվանդություններից, և՛ պահպանել դեմքի և մազերի գեղեցկությունը:

Կարևոր է. հալվեի հյութը և տերևները օգնում են բուժել տարատեսակ գինեկոլոգիական խնդիրները:

Դրա համար անհրաժեշտ է տամպոնը ներծծել ալոեի հյութով և տեղադրել այն հեշտոցում: Գործընթացը պետք է իրականացնել ամեն երեկո՝ քնելուց առաջ:

Բորբոքումներ և էրոզիա

Արգանդի պարանոցի բորբոքումները վերացնելու համար անհրաժեշտ է ընդունել նստակյաց վաննաներ ալոեի հյութով: 1.7 լ ջրին անհրաժեշտ է 120 մլ հյութ: Պրոցեդուրայի տևողությունը՝ քառորդ ժամ։

Էրոզիայի ժամանակ կարելի է օրը երկու անգամ ներարկում կատարել՝ օգտագործելով հալվեի հյութի լուծույթ (պատրաստվում է հավասար քանակությամբ տաք ջրով և հյութով):

Անպտղության բուժման համար

1. Աղալ 50 գ հալվեի տերև:
2. Ավելացնել 300 գ սագի ճարպ (հալած յուղ):
3. Խառնել 320 մլ մեղր կամ չիչխանի յուղ:

Ընդունել 15-ական մլ օրական երկու անգամ. Բուժումը պետք է շարունակել ոչ պակաս, քան 60 օր:

Մաշկի համար

Կոսմետոլոգիական պատրաստուկները, որոնք պարունակում են ալոե վերա, հարմար են մաշկի բոլոր տեսակների համար: Նրանք սնուցում են բջիջները, պաշտպանում են դրանք բացասական արտաքին գործոններից, դարձնում են պիգմենտային բծերը ավելի քիչ տեսանելի։

Կարևոր է. շարունակական օգտագործման դեպքում վերանում են թարախային պզուկները, էկզեման և փսորիազը:

Չոր մաշկը խոնավեցնելու համար անհրաժեշտ է խառնել 10-ական մլ ալոեի հյութ, մեղր և գլիցերին: Ավելացնել 35 գ վարսակի ալյուր, բացել ջրով, մինչև դառնա թանձր խմոր: Թողնել դիմակը 10 րոպե, ինչից հետո հաստ շերտով քսել չոր, գրգռված մաշկին: Դիմակը կարելի է լվալ կես ժամ անց: Օգտագործել դիմակը կարելի է շաբաթը երեք անգամ։

Ծերացման գործընթացը դանդաղեցնելու և խորը կնճիռները հարթեցնելու համար անհրաժեշտ է խառնել 35 գ մեղրը 12 մլ ալոեի հյութի հետ: Դիմակը կարելի է լվանալ 45 րոպե անց:

Մաքրող, վերականգնող, հակաբակտերիալ և հակաբորբոքային հատկությունները թույլ են տալիս արդյունավետ օգտագործել ալոեն պզուկների, կորյակների դեմ: Ալոեով բուժումից հետո մաշկի վրա սպիներ, բծեր և հետքեր չեն մնում:

Բորբոքված մաշկը խնամելը հեշտ է. հեռացնել տերևի կեղևը, կտրվածքի մասը քսել դեմքին: Մաշկը պետք է լինի մաքուր: Որևէ կոսմետոլոգիական միջոցների լրացուցիչ օգտագործում չի պահանջվում:

Մազերի համար

Հալվեն ազատում է թեփից և մազաթափությունից: Բույսը ամրապնդում է մազապարկերը, օգնում է հաղթահարել ծայրերի ճյուղավորումը: Մազերը ձեռք են բերում ծավալ, ուժ և փայլ:

Յուղոտ մազերի համար ալոեի հյութը կարելի է լուծել հավասար քանակությամբ օղու մեջ և լվալուց մի քանի ժամ առաջ այդ լուծույթով մշակել գլխամաշկը:

Դիմակ ծավալի համար.

• մեղր – 15 մլ;
• հալվեի հյութ – 25 մլ;
• գերչակի յուղ – 12 մլ

Միջոցը քսել թաց չլվացած մազերին, 7 րոպե անց դիմակը կարելի է լվանալ շամպունով:

Հակացուցումներ

Ալոեի հիմքով դեղերի անգրագետ օգտագործման արդյունքում կարելի է լուրջ վնաս հասցնել առողջությանը: Ինչպես ցանկացած դեղորայք, այնպես էլ ալոեի հիմքով միջոցները ունեն հակացուցումներ։

Հալվե կիրառել չի կարելի.

• ստամոքսի և աղիների հիվանդությունների սրացման շրջանում;
• սրտի և անոթների հետ կապված խնդիրների դեպքում;
• ուղեղի բորբոքային գործընթացների ժամանակ:

Չի կարելի հալվե օգտագործել հղի և կերակրող կանանց. բույսը ազդում է արգանդի հարթ մկանների վրա: Դաշտանի ժամանակ ալոե պարունակող դեղամիջոցները կարող են առաջացնել ուժեղ արյունահոսություն: Երբեմն ալոեն առաջացնում է կանանց ցիկլի երկար խախտում. դաշտանային արտադրությունը անհետանում է:

Հալվեի հյութին զգույշ պետք է մոտենան հիվանդ ենթաստամոքսային գեղձ, լեղապարկ ունեցող մարդիկ: Հեմորոյի և արգանդային արյունահոսության առկայության դեպքում նույնպես ալոեի հիմքով դեղերի օգտագործումը արգելվում է:

Խորհուրդ չի տրվում օգտագործել ալոեով դեղեր անմիջապես քնելուց առաջ: Քանի որ այն ունի առույգացնող ազդեցություն, կարող է զգալիորեն վատացնել գիշերային հանգիստը:

Ալոեն դասվում է ալերգիկ ռեակցիաներ առաջացնող բույսերի շարքին:

Հալվեն օգտագործվում է ոչ միայն բժշկության և կոսմետոլոգիայի շրջանակներում: Կան բազմաթիվ խոհարարական բաղադրատոմսեր, որտեղ օգտագործվում են ալոեի տերևներ: Աղցանների մեջ կարելի է ավելացնել գազար, խնձոր, մեղր: Ուտեստները ստացվում են ոչ միայն համեղ, դիետիկ, այլև զգալիորեն ամրապնդում են օրգանիզմի պաշտպանիչ գործառույթները: