Աչքի հիվանդություններ

Աչքի Հիվանդություններ

Մարդու աչքը շատ բարդ օրգան է, որը բաղկացած է մեծ քանակությամբ տարրերից (հյուսվածքներ, նյարդեր), որոնցից յուրաքանչյուրը կարող է ախտահարվել տարբեր հիվանդություններով: Համապատասխանաբար՝ նաև ախտանիշները կարող են լինել բազմաթիվ։ Դիտարկենք դրանցից առավել տարածվածները.

Բովանդակությունը:

20 համախտանիշ, որոնք պետք է անհանգստացնեն ձեզ

Աչքերում ավազի զգացողություն

Ամենից հաճախ առաջանում է նրանց մոտ, ովքեր կրում են կոնտակտային լինզաներ: Երբեմն կարող է լինել ոչ աչքի հիվանդությունների ախտանիշ (արթրիտ, վահանագեղձի հիվանդություններ):

Աչքերի բարձր ճնշում

Աչքի ճնշումը շատ հաճախ ի հայտ է գալիս այնպիսի ախտանիշներով, ինչպիսիք են՝ գլխացավեր, աչքերի բարձր հոգնածություն, անհանգստություն: Աչքի բարձր ճնշման դեպքում խախտվում է նյութափոխանակությունը, աճում է ցանցաթաղանթի քայքայման վտանգը:

Տեսադաշտի կրճատում

Բնութագրվում է տեսանելի տարածության "կրճատմամբ" (սահմանների նեղացում, տարածության որոշակի մասերի կորուստ տեսադաշտից):

"Մառախուղ" աչքերի առջև

Այս ախտանիշը ի հայտ է բերում ոսպնյակի խնդիրները, ապակենման մարմնի փոփոխությունները: Աչքի մշուշ առաջացնում են նաև քիմիական թունավորումները և սթրեսային իրավիճակները: Կարող է տևել 5-10 վայրկյանից մինչև 60 րոպե:

Աչքի Հիվանդություններ

Աչքերում ցավի զգացողությունը ամենատարածված ախտանիշերից մեկն է, որը կարող է պայմանավորված լինել ամենատարբեր խախտումներով՝ սկսած աչքի հոգնածությունից և վերջացրած լուրջ հյուսվածքների ու անոթների հիվանդություններով։

Աչքերի առջև բծեր ամենից հաճախ առաջանում են տարեց մարդկանց կամ կարճատեսների մոտ:

Աչքերի առջև կայծեր կարող են առաջանալ ապակենման մարմնի հյուսվածքների շերտավորման, ցանցաթաղանթի քայքայման, այտուցների, եղջերաթաղանթի աղտոտման և այլ խնդիրների հետևանքով:

Աչքերում օտար օբյեկտի զգացողություն

Շատ դեպքերում առաջանում է կոպից այն կողմ տարածքում թարթիչ կամ կեղտ ընկնելու դեպքում:

Ուշադրություն: Այս համախտանիշի հայնտաբերումը շատ լուրջ առիթ է ակնաբույժի դիմելու համար:

Աչքերի կարմրությունը կարող է պայմանավորված լինել գերհոգնածությամբ, ալերգիկ ռեակցիաներով, նյարդային գերլարվածությամբ:

Աչքերից տարբեր արտադրություններ հաճախ առաջանում են վարակի հետևանքով առաջացած բորբոքային գործընթացների պատճառով:

Կոպերի ուռածությունը կարող է լինել ինչպես մարդու ֆիզիոլոգիական առանձնահատկություններից, այնպես էլ՝ վարակիչ հիվանդությունների, մրսածության, ալերգիկ ռեակցիաների հետևանք:

Քորը հաճախ թարթիչներում տիզերի և արտաքին գործոնների հանդեպ տարբեր ալերգիկ ռեակցիաների հետևանք է:

Թարթիչների կորուստ

Այս ախտանիշը միշտ չէ, որ վերաբերում է աչքի հիվանդություններին, երբեմն այն ունի նույն պատճառները, ինչ մազերի կորուստը: Սակայն եթե միայն թարթիչներն են ընկնում, ապա պատճառը կարող են լինել արտաքին խթանները կամ ալերգոգենները:

Աչքերում կտրող ցավ շատ հաճախ առաջանում է գերհոգնածության և ուժասպառության, ավելի հազվադեպ՝ տարբեր բորբոքային գործընթացների պատճառով:

Բարձր լուսազգայունությունը որոշ դեպքերում առաջանում է տեսուղության շտկումից հետո (կարճատեսության կամ հեռատեսության դեպքում) կամ ակնախնձորի բորբոքման դեպքում:

Արցունքահոսությունը սովորաբար առաջաանում է տեսողական համակարգի աշխատանքի խախտումների պատճառով (հեղուկի և այլ տարրերի հեռացման մեխանիզմ, որը կարգավորումը է դրանց մատակարարումը):

Հավկուրություն կոչվում է մթնշաղի ժամանակ տեսողության նվազումը: Կարող է փոխանցվել ժառանգաբար կամ զարգանալ կյանքի ընթացքում:

Աչքերում երկատում սովորաբար առաջանում է հոգնածության կամ աչքերի գերլարվածության հետևանքով: Նաև կարող է վկայել գլխուղեղի հիվանդության, միկրոինսուլտի մասին:

Աչքի առջև թաղանթը աչքի հիվանդությունների ախտանիշ չէ, առավել հաճախ այն վկայում է ողնաշարում արյան ճնշման խախտման կամ ներքին արյունահոսության մասին:

Աչքերի ամենատարածված հիվանդությունները

Ակնաբույժները հաշվում են մինչև աչքերի մի քանի հարյուր զանազան հիվանդություններ: Դրանք մանրամասն ուսումնասիրելու համար ողջ կյանքն էլ բավական չէ: Այս բաժնում մենք կքննարկենք աչքերի 14 ամենատարածված հիվանդությունները, դրանց բնութագիրը, ախտանիշները և բուժումը:

Կարճատեսություն (միոպիա)

Ըստ վիճակագրության՝ մոլորակի բնակչության մեկ երրորդը տառապում է կարճատեսությամբ: Հիվանդության հիմնական ախտանիշը. մարդուն դժվար է տարբերել հեռու գտնվող առարկաները: Բացի այդ, ժամանակի ընթացքում հայտնվում են աչքերի բարձր հոգնածություն, տհաճ զգացումներ (կտրող ցավ, ճնշում), բարձր արցոնքահոսություն:

Աչքի Հիվանդություններ

Տեսողության նվազումը տեղի է ունենում այն պատճառով, որ աչքի մեջ ընկնող լույսի ճառագայթները կենտրոնանում են ոչ թե ցանցաթաղանթի վրա, այլ՝ նրա առջև: Իր հերթին, նման իրավիճակ հաճախ առաջանում է աչքերի օպտիկական տարրերի (եղջերաթաղանթ, աչքի ոսպնյակ) աշխատանքի խախտման հետևանքով:

Կարճատեսությունը կարող է լինել ինչպես բնածին, այնպես էլ՝ ձեռքբերովի: Այսօր դրա բուժման առավել արդյունավետ և անվտանգ միջոցը լազերային շտկումն է: Դրա էությունը հետևյալն է. լազերի միջոցով գոլորշիանում է եղջերաթաղանթի որոշակի շերտ, որը կախված է կարճատեսության աստիճանից: Նման գործընթացը թույլ է տալիս նորովի "կարգավորել" օպտիկական համակարգը աչքերի ներսում:

Հեռատեսություն

Կարճատեսությանը լիովին հակադիր հիվանդություն է: Հիմնական ախտանիշը. մոտ գտնվող առարկաների դժվար ընկալում, բայց միևնույն ժամանակ՝ հեռու գտնվող օբյեկտների հեշտ տարբերակում: Ի տարբերություն կարճատեսության, աչքի մեջ ընկնող լույսի ճառագայթները կենտրոնանում են ցանցաթաղանթից ետ:

Հեռատեսություն կարող է զարգանալ գենետիկական պատճառներով, օրգանիզմում տարիքային փոփոխությունների և շրջակա միջավայրի գործոնների ազդեցության հետևանքով:

Աչքի Հիվանդություններ

Կարող է ուղեկցվել այնպիսի ախտանիշներով, ինչպիսիք են՝ տեսողության շաղում, շլություն, աչքերի արագ հոգնածություն, անհանգստություն:

Բուժման մեթոդները:

  • կրել ակնոց կամ լինզա;
  • դեղորայքի ընդունում;
  • հատուկ վարժությունների կատարում;
  • կենսաոճի փոփոխություն;
  • լազերային շտկում:

Ամբլիվիա

Տեսողության նվազում, որը չի ենթարկվում օպտիկական (ոսպնյակներ, ակնոցների) միջոցներով շտկման՝ տեսողական համակարգի պաթոլոգիաների բացակայության դեպքում:

Ախտանիշներ:

  • մեկ կամ երկու աչքի տեսողության նվազում;
  • ծավալուն օբյեկտների ընկալման բարդություն;
  • դժվարություններ սովորելու ժամանակ:

Հաջող բուժման համար բժիշկը պետք է որոշի ամբլիվիայի ձևը, որից հետո՝ նշանակի արդյունավետ բուժում: Կան բուժման մի շարք մեթոդներ.

  • լազերային շտկում;
  • աչքերի "սոսնձում" ;
  • պենալիզացում;
  • վարժություններ աչքերի համար:

Համակարգչային աչքի համախտանիշ

Այս հասկացությունը ներառում է տարբեր ախտանիշների ամբողջություն, որոնք առաջանում են համակարգչի առջև երկար կամ սխալ կերպով աշխատելու, տաբեր տեսակի սարքերի օգտագործման հետևանքով: Դրանց թվում են:

  • տեսողության սրության նվազում;
  • արցունքահոսություն;
  • աչքերին կտրող ցավ
  • "մառախուղ" աչքերի առջև;
  • աչքերի հոգնածության;
  • բծեր աչքերի առջև և այլն:

Համակարգչային աչքի համախտանիշի բուժումը հիմնականում ուղղված է հիվանդությունն առաջացնող բացասական գործոնների վերացմանը: Առավել հաճախ դա համակարգչի հետ սխալ աշխատանքն է: Ուստի հիվանդներին առաջին հերթին խորհուրդ է տրվում ճիշտ վերազինել իրենց աշխատավայրը, պահպանել աչքի հիգիենայի կանոնները, սահմանել համակարգչային աշխատանքի համար ռեժիմ:

Աչքի Հիվանդություններ

Կարող են նշանակվել նաև լուսային ֆիլտրերով հատուկ ակնոցներ, արցունքափոխարինող դեղամիջոցներ:

Չոր աչքի համախտանիշ

Եւս մեկ համախտանիշ, որը զարգանում է համակարգչի առջև երկար աշխատանքի հետևանքով: Երբեմն պատճառ կարող են լինել ծխախոտի ծուխը, աղետները, հատուկ կարգավորված օդը: Հիվանդության հիմնական դրսևորումն է ոչ բավարար չափով թարթման հետևանքով չորացած արցունքաթաղանթը:

Ախտանիշներ.

  • բարձր լուսազգայունություն;
  • արցունքահոսություն;
  • քոր;
  • աչքերի կարմրություն:

Բուժումը ներառում է դեղեր, որոնք խթանում են աչքերի արցունքահոսությունը: Ինչպես և համակարգչային աչքի համախտանիշի դեպքում, այս դեպքում նույնպես բժիշկը տալիս է հրահանգներ համակարգչի հետ աշխատանքի վերաբերյալ:

Գլաուկոմա

Աչքերի հիվանդություն, որը հանգեցնում է տեսողության նվազեցման կամ լրիվ կուրության։ Տեսողության խախտումներ տեղի են ունենում տեսողական նյարդի վնասման և ներաչքային ճնշման հետևանքով: Հաճախ գլաուկոմա հանդիպում է տարեց մարդկանց մոտ, սակայն երբեմն կարող է զարգանալ երիտասարդների մոտ կամ նույնիսկ կարող է լինել բնածին:

Բացի տեսողության նվազումից, գլաուկոմային բնորոշ են հետևյալ ախտանիշները.

  • աչքերի կտրող ցավ;
  • հավկուրություն;
  • աչքերի ճնշում և այլ տհաճ զգացողություններ;
  • "մառախուղ" աչքերի առջև;
  • ցավոտ զգացողություններ աչքերի շրջանում:

Վաղ փուլերում հիվանդությունը հեշտությամբ ենթակա է բուժման: Ամենից հաճախ նշանակվում են կաթիլներ, որոնք ուղղված են ներաչքային ճնշման նվազեցմանը: Ավելի ռադիկալ մեթոդ է վիրահատությունը կամ արհեստական ոսպնյակի իմպլանտացիան:

Կատարախտ

Աչքի հիվանդություն՝ պայմանավորված ոսպնյակի մասնակի կամ ամբողջական մթագնումով, որի պատճառով նվազում են տեսողության պարզությունը և սրությունը: Կատարախտը համարվում է տարեցների հիվանդություն. ըստ վիճակագրության՝ դրանով տառապում են յոթանասունն անց տղամարդկանց 26% - ը և կանանց 46% - ը։ Սակայն երբեմն այս հիվանդությունը լինում է նաև բնածին:

Երբեմն ոսպնյակի մթագնումը երևում է անզեն աչքով ։ Ստորև կարող եք տեսնել, թե ինչ տեսք ունի կատարախտը:

Աչքի Հիվանդություններ

Ախտանիշներ:

  • օբյեկտների երկատում;
  • պատկերի հստակության կորուստ;
  • շրջապատող տարածքը կարող է ձեռք բերել դեղնավուն երանգ;
  • օբյեկտների միջև կոնտաստի կորուստ (օրինակ ' տառերի և թղթի միջև);
  • տեսողության կտրուկ նվազում (ավելի ուշ փուլերում);
  • բարձր լուսազգայունություն:

Այսօրվա դրությամբ գոյություն ունի կատարախտի բուժման միայն մեկ միջոց՝ վիրահատական միջամտություն, որի ժամանակ տեղի է ունենում ոսպնյակի փոխարինում իմպլանտով:

Աստիգմատիզմ

Ամետրոպիայի ձևերից մեկը, որի դեպքում խախտվում է աչքի բնական (գնդաձև) ձևը: Հիվանդությունը կարող է լինել ինչպես բնածին (ոսպնյակի և եղջերաթաղանթի կառուցվածքի առանձնահատկություններ), այնպես էլ՝ ձեռքբերովի (վնասվածքներ, վիրահատական միջամտություն):

Եղջերաթաղանթի ծռվածության հետևանքով առաջանում են հետևյալ ախտանիշները.

  • շաղվածություն, պատկերների աղավաղում;
  • աչքի մշտական լարվածություն, ինչի հետևանքով՝ նրանց արագ հոգնածություն;
  • գլխացավեր;
  • տեսողության նվազում և կարճատեսության զարգացում:

Աստիգմատիզմի բուժումը կարող է ընթանալ հատուկ ոսպնյակներով ակնոցների միջոցով, որոնց շնորհիվ ուղեղը կարողանում է հարմարվել աղավաղված պատկերին, ինչպես նաև՝ վիրահատական միջամտության ճանապարհով (լազերային շտկում, թորիումից պատրաստված երկօկուլյար ոսպնյակների իմպլանտացիա):

Շլություն

Հիվանդություն է, որը բնութագրվում է աչքերի տեսողական առանցքների ոչ սիմետրիկությամբ կամ ոչ զուգահեռությամբ: Դա արտաքինից այնպիսի տեսք ունի, ասես մարդը միաժամանակ նայում է տարբեր կողմեր: Ըստ վիճակագրության՝ շլությամբ տառապում են մոլորակի բոլոր երեխաների 2% - ը:

Կարող է զարգանալ հետևյալ պատճառներով.

  • տարբեր վնասվածքների, այդ թվում՝ ծննդաբերական;
  • վարակների;
  • երեխաների տեսողական հիգիենայի կանոները չպահպանելու;
  • հոգեբանական և ֆիզիկական մեծ ծանրաբեռնվածության:

Բուժումը կատարվում է հատուկ ակնոց կրելու միջոցով, որը մեղմացնում է շլության ախտանիշները։ Նաև կարող են նշանակվել հատուկ վարժություններ, որոնք ծանրաբեռնում են անառողջ աչքերի մկանները: Որոշ դեպքերում կատարվում է վիրահատական միջամտություն:

Ակնագարիկ (գորդեոլում)

Թարախային բորբոքային գործընթաց է կոպի ծայրին գտնվող ճարպային գեղձում կամ մազապարկում: Բորբոքումը առաջանում է վարակի, ավելի հաճախ՝ ոսկեգույն ստաֆիլակոկի հետևանքով: Ստորև կարող եք տեսնել, թե ինչ տեսք ունի ակնագարիկը:

Աչքի Հիվանդություններ

Ախտանիշներ.

  • կոպերի այտուցվածություն կամ ուռածություն;
  • քոր;
  • թարթիչների կորուստ;
  • ուժեղ զգայունություն քամու և փոշու նկատմամբ;
  • բարձր լուսազգայունություն;
  • կոպերի վրա տարբեր գոյացություններ (կեղևազատումներ, թեփ):

Ակնագարիկը բավական հեշտությամբ է բուժվում: Բուժման առավել արդյունավետ միջոց է համարվում սովորական եռացրած ջրով տաք թրջոցը: Երբեմն կարող են նշանակվել հակաբիոտիկների, սակայն բժիշկները միասնական կարծիքի չեն այս հիվանդության բուժման արդյունավետության հարցում: Եթե բուժումը արդյունք չի տալիս, կատարվում է վիրահատական միջամտություն (ասեղի կամ ջրահեռացման միջոցով):

Կոնյուկտիվիտ

Իրենից ներկայացնում է բարակ թափանցիկ հյուսվածքների (կոնյուկտիվ) բորբոքում, որը ծածկում է կոպի ներքին մակերեսը և սպիտակուցային թաղանթի տեսանելի մասը: Բորբոքումը կարող է առաջանալ ալերգիայի կամ վարակի հետեւանքով:

Ախտանիշներ.

  • սպիտակուցային թաղանթի կարմրություն;
  • կոպերի վրա կեղևազատումներ (բակտերիալ վարակների դեպքում);
  • աչքերից արտադրություններ;
  • կոպերի այտուցվածություն և կարծրացում (վիրուսային կոնյուկտիվիտի դեպքում);
  • քոր (ալերգիկ կոնյուկտիվիտ).

Բուժումը կախված է կոնյուկտիվիտի ձևից: Կարող է լինել՝ սառը թրջոցներ, կաթիլներ, հակաբորբոքային ստերոիդ միջոցների նշանակում, հակաբիոտիկներ պարունակող քսուքներ:

Բլեֆարիտ

Կոպերի առավել տարածված բորբոքային հիվանդություններից մեկն է։ Հիվանդությունը չի ազդում տեսողության սրության վրա և վարակիչ չէ։ Ըստ վիճակագրության՝ բլեֆարիտ ունենում են մեծ մասամբ տարեց մարդիկ:

Հիվանդության ընթացքում կոպը կարմրում է, աչքի մեջ առաջանում է "փուշ ընկնելու" զգացողություն, կարող է բարձրանալ լուսազգայունթյունը: Կոպերը սկսում են քոր գալ, վառվել, աչքերի անկյուններում հայտնվում է արտադրություն: Ստորև ներկայացված նկարում շատ լավ երևում է, թե ինչ տեսք ունի բլեֆարիտը:

Աչքի Հիվանդություններ

Բուժում.

  1. Տաք թրջոցներ, որոնք տաքացնում են կոպի գեղձերը: Թրջոց պատրաստելու համար անհրաժեշտ է թրջել բամբակը տաք ջրով և դնել կոպի վրա 7-8 րոպե:
  2. Կոպերի կանոնավոր հիգիենա.
  3. Հակամանրէային քսուք (օրինակ՝ բացիտրացիոն):

Ցանցաթաղանթի շերտավորում

Այս գործընթացը առավել հաճախ առաջանում է որպես աչքի վնասվածքների, դիաբետիկ ռետինոպաթիայի, բարձր միոպիայի, ներաչքային ուռուցքների հետևանք:

Ախտանիշներ.

  • տեսադաշտում կայծեր, աստղիկներ, լույսեր և այլն;
  • տեսադաշտի կրճատում;
  • աչքերի առջև կետեր, բծեր, հետքեր և այլն;
  • առարկաների ուրվագծերի խեղաթյուրում;
  • տեսողության սրության նվազում:

Այսօրվա դրությամբ կան ցանցաթաղանթ շերտավորման բուժման մի քանի ուղիներ: Որպես կանոն՝ յուրաքանչյուր հիվանդին ցուցաբերվում է անհատական մոտեցում, և մեթոդը ընտրվում է ըստ անձի կոնկրետ առանձնահատկությունների:

Էլեկտրոֆալմիան աչքերի ախտահարումն է տարբեր աղբյուրներից (արև, կայծակ, լամպ, լուսանկարչական կայծ և այլն) ուլտրամանուշակագույն ճառագայթման հետևանքով: Ուլտրամանուշակագույն ճառագայթների երկարատև ազդեցության հետևանքով եղջերաթաղանթը բորբոքվում է:

Հիվանդի գանգատները.

  • աչքի մեջ "փուշ ընկնելու" զգացում;
  • կարմրություն;
  • արցունքահոսություն;
  • ցավի զգացողություն;
  • տեսողության վատթարացում։

Բուժումը սկսվում է ցավի զգացողությունները նվազեցնելով՝ խոնավեցնող քսուքների կամ գելերի միջոցով: Վարակ սկսելու վտանգը նվազեցնելու նպատակով նշանակվում են հակաբակտերիալ կաթիլներ կամ քսուքներ:

Աչքի քիմիական այրվածքներ

Առավել հաճախ առաջանում են ալկալիների կամ թթուների ազդեցության գետևանքով: Աչքերի այրվածքները կարող են տարբերվել ըստ ուժի, աչքերի վնասվածության աստիճանի և այլն:

Ընդհանուր ախտանիշներ.

  • տեսողության վատթարացում;
  • աչքերի անկյուններում օտար մասնիկների առկայություն;
  • ներաչքային ճնշման բարձրացում;
  • բորբոքում;
  • աչքերի և կոպերի շուրջ մաշկի վնասվածքներ:

Բուժումը սկսվում է աչքերի լվացմամբ (օրինակ՝ աղային լուծույթով)՝ վնասակար նյութերը հեռացնելու նպատակով։ Որոշ դեպքերում աչքը ցավազրկվում է կաթիլների միջոցով: Բորբոքումը կանխելու համար նշանակվում են տեղային ստերոիդներ: Նշանակվում են նաև արհեստական արցունքներ առաջացնող դեղեր՝ աչքերի շուտափույթ ապաքինման համար: