Ինչպես ճիշտ պատրաստվել հղիությանը
Շատ դեպքերում երիտասարդ աղջիկները լուրջ չեն վերաբերվում նոր մարդուկի հայտնվելու պլանավորմանը: Հետևաբար, նրանք ստիպված են անցնել ամբողջական բուժզննում՝ արդեն լինելով հղի վաղ ժամկետում: Հերթերում հոգնեցնող սպասումից խուսափելու և վստահ լինելու համար, որ ձեր օրգանիզմը պատրաստ է երեխա կրել, խորհուրդ է տրվում նախապես պատրաստվել հղիությանը:
Ճիշտ նախապատրաստում առաջին հղիությանը
Երիտասարդ նորապսակ զույգերը կարող են առաջին օրերից ենթադրել իրենց ժառանգների հայտնվելու ժամկետները: Առավելագույնս պատրաստ լինելու համար բժիշկները խորհուրդ են տալիս ամուսիններին անցնել ապագա երեխաների պլանավորման որոշակի քայլեր:
Քայլ №1. Սկսում ենք վարել առողջ ապրելակերպ
Բոլորին հայտնի է, որ ծխելը, ալկոհոլի կամ թմրանյութերի օգտագործումը կործանարար ազդեցություն կունենա երեխայի առողջության վրա, եթե նա բեղմնավորված լինի այդ ժամանակահատվածում ։ Ուստի բժիշկների գլխավոր խորհուրդն է. պլանավորվող հղիությունից երեք ամիս առաջ ապագա ծնողները պետք է թողնեն վատ սովորությունները: Այս քայլը ցույց է տալիս, թե որքան լուրջ եք վերաբերվում ապագա երջանկությանըս ձեր ընտանիքում:
Քայլ №2. Այցելություն ընտանիքի պլանավորման կաբինետի
Ամուսինները պետք է հայտարարեն երեխա ունենալու իրենց փոխադարձ ցանկության մասին բժիշկ-գինեկոլոգի այցելելիս: Դուք մտածում եք՝ ինչո՞ւ տղամարդը գնա, դա կանանց գործն է: Ոչ մի նման բան: Բժիշկը նշանակում է հետազոտություն նաև ապագա հայրիկի համար, մասնավորապես.
- Կատարել սպերմոգրամմա՝ տղամարդու բեղմնավորիչ ունակությունների գնահատման համար:
- Ստուգել երեխայի բեղմնավորման և աճի վրա ազդող տարբեր սեռական վարակների առկայությունը կամ բացակայությունը, օրինակ՝ հերպես, խլամիդիա, սիֆիլիս, հոնորեա և այլն:
Քայլ №3. Ապագա մայրիկի հետազոտություն
Պետք չէ խուսափել այդ հետազոտությունից կամ վախենալ դրանից: Երբեմն առողջական խնդիրների վաղ հայտնաբերումը օգնում է վերացնել հիվանդությունը և ունենալ առողջ երեխա: Ուստի ապագա մորը բժիշկները նշանակում են շատ ավելի մեծ թվով անալիզներ և զննումներ, քան հորը.
- ընդհանուր արյան և մեզի անալիզ;
- ֆլյուրոգրաֆիա;
- ուլտրաձայնային հետազոտություն;
- քսուքի անալիզ;
- այցելություն գինեկոլոգի, ատամնաբույժի, թերապևտի և այլ մասնագետների:
Կարևոր է. երեխա ունենալու ցանկությունը շատ կարևոր և պատասխանատու որոշում է:
Ֆիզիկական առողջություն
Եթե դուք երբևէ տառապել եք հիվանդությամբ կամ բողոքում եք ձեր առողջությունից, ունեք քրոնիկ հիվանդություններ, ապա չթաքցնե՛ք դա ձեր բժշկից: Անպայման խորհրդակցեք, թե ինչպես կարող է ապագա հղիությունը ազդել ախտորոշման վրա, և ինչ նախազգուշական միջոցներ ձեռնարկել:
Այդպիսի լուրջ հիվանդությունների թվին կարելի է դասել.
- սրտանոթային հիվանդությունները;
- շաքարախտը;
- երիկամների հիվանդությունները;
- վարիկոզը;
- հիպերտոնիան և այլն:
Հնարավորինս փորձեք զբաղվել սպորտով և վարժություններով, որոնք ամրացնում են որովայնի և փոքր կոնքի մկանները. դա օգտակար կլինի երեխային կրելու և ծննդաբերության ժամանակ: Շատ բժիշկներ խորհուրդ են տալիս ապագա մայրիկներին ոտքով ամենօրյա զբոսանքներ առնվազն կես ժամ մաքուր օդին: Ավելորդ չի լինի նաև ուշադրություն դարձնելը ձեր քաշին. ավելորդ քաշը պետք է նվազեցնել, այն կխանգարի արդյունավետ բեղմնավորմանը; նույն կերպ նաև չափից ավելի նիհարությունը. օրգանիզմը կարող է թուլանալ և հյուծվել:
Ճիշտ սնունդ և վիտամիններ
Հատուկ ուշադրություն դարձրեք ձեր դիետայի վրա, ապագա մայրիկը պետք է ստանա մի շարք անհրաժեշտ վիտամիններ և հանքային նյութեր, որոնք նպաստում են երեխային լավ կրելուն: Խորհրդակցեք բժիշկ-դիետոլոգի հետ ձեզ անհրաժեշտ սննդամթերքի վերաբերյալ։ Երբեմն բժիշկը նշանակում է վիտամինների կուրս, եթե դրանց պակասն ակնհայտ է ։
Կալցիում, վիտամին B9, երկաթ. այս բաղադրիչներով հարուստ մթերքի և հաբերի օգտագործումը մինչ նախատեսված հղիությունը օգնում է նվազեցնել հիվանդությունների հավանականությունը: Մրգեր, բանջարեղեն, կաթնամթերք, կանաչիներ միշտ պետք է ներկա լինեն ձեր սննդակարգում:
Կարևոր է. մի՛ օգտագործեք շատ յուսոտ կերակուրներ, արագ սնունդ, չիպսեր, չորահաց և ԳՄՕ պարունակող այլ մթերք. դա կարող է ազդել հղիանալու ունակության վրա:
Օվուլյացիայի օրվա հաշվարկ
Հղիության պատրաստվելու առավել կարևոր պահերից է օվուլյացիայի օրվա հաշվարկը: Արագ ու անսխալ պարզելու համար, թե երբ է ձեր ձվաբջիջը դուրս եկել ձվարաններից և պատրաստ է բեղմնավորման, անհրաժեշտ է կազմել ջերմաստիճանային գրաֆիկ:
Ամեն առավոտ՝ սկսած դաշտանի ամսեկան ցիկլի առաջին օրվանից, չափեք ձեր օրգանիզմի հիմնական (ներքին) ջերմաստիճանը և գրանցեք հատուկ օրագրում: Մեկ ամսվա ընթացքում կստացվի գրաֆիկ, որը ճշգրիտ ցույց է տալիս օվուլյացիայի օրը. ջերմաստիճանը բարձրանում է 37 աստիճան և պահպանվում է մեկ-երկու օր ։
Հղիության պլանավորման և նախապատրաստման ժամանակ նման գրաֆիկը շատ լավ օգնում է իմանալ բեղմնավորման ճշգրիտ ամսաթիվը և նախապատրաստվել համապատասխանաբար. ռոմանտիկ ընթրիք մոմերի լույսի ներքո և այլն:
Ինչպես պատրաստվել հղիության 30 տարեկանից հետո
Ժամանակակից աշխարհը թելադրում է իր կանոնները. եթե 19-20-րդ դարերում աղջիկը չէր հասցրել ամուսնանալ մինչև չափահաս դառնալը, ապա համարվում էր տանը մնացած և դատապարտված էր անժառանգ կյանքի: Տարիների ընթացքում շատ բան է փոխվել, և այժմ հաջողակ բիզնես-լեդին կարող է սկսել պլանավորել երեխայի ծնունդը անգամ 30 կամ 35 տարեկանից հետո։
Ինչո՞վ է դա պայմանավորված. ցանկությամբ՝ հասնելու որոշակի նյութական դրության, կենցաղային հարմարությունների կամ երեխայի խնամքի արձակուրդի ֆինանսական ապահովման: Հետևաբար հարցը, թե ինչպես պետք է պատրաստվել հղիության 30 տարեկանից հետո, շարունակում է մնալ արդիական և բաց:
Սովորությունների փոփոխություն
Տարիքի հետ մարդու մոտ ձևավորվում են որոշակի սովորություններ: 30-ն անց կինը ունի արդեն ձևավորված բնավորություն, իր հայացքները և աշխարհընկալումը։ Ուստի սովորությունները փոխելու համար պետք է շատ ջանք գործադրել.
- Պլանավորեք հղիությունը: 30-35 տարեկանից հետո հղիությանը պատրաստվելու առաջին քայլը պլանավորումն է: Եթե դուք իմանաք հղիության մասին տարեվերջի հաշվետու ամսում, հազիվ թե դա ձեզ երջանկացնի: Ուստի պլանավորեք ձեր տարեկան ժամանակացույցը և առավելագույնս հարմարեցրեք ողջ աշխատանքը:
- Փոխեք աշխատանքի ժամանակացույցը: Եթե նախկինում դուք կարող էիք ձեզ թույլ տալ մնալ աշխատանքի վայրում ավելորդ 2-3 ժամ, հրաժարվել ճաշից հանուն վաստակի, ապա ժամանակն է փոխել այս իրավիճակը: Պատրաստվելով ապագա հղիությանը՝ փորձեք ավելի շատ հանգստանալ, ժամանակ անցկացնել այգում կամ բնության գրկում, վայելեք երեկոյան զբոսանքները մաքուր օդին:
- Եթե դուք ունեք վնասակար սովորություններ՝ ծխում եք, սիրում եք խմել գարեջուր կամ մի գավաթ շամպայն ընկերների կամ հարազատների հետ սեղանի շուրջ, ապա հրաժարվեք դրանցից: Նաև շատ կարևոր է հետևել քաշին և ավելորդի դեպքում ՝ ազատվել դրանից:
Այցելություն բժիշկներին
30-35 տարեկանից հետո հղիության նախապատրաստման միջոցառումների համալիրում անհրաժեշտ և կարեւոր է նաև անցնել ամբողջական զննում այն բժիշկների մոտ, որոնց մասին մենք խոսել ենք վերը: Տարիքի հետ որոշ հիվանդություններ կարող են զարգանալ ու ազդեցություն ունենալ երեխայի բեղմնավորման կրելու վրա: Լսեք բժիշկների խորհուրդները և խստորեն հետևեք դրանց:
Հղիության նախապատրաստումը կարող է պատճառել ձեզ նույնպիսի մեծ հաճույք, ինչպիսին որ նրա ընթացքը:
