Ուրցի օգտակար հատկությունները և հակացուցումները
Օգտակար բույսերի բազմազանության մեջ ուրցը չի կորցնում իր կարևորությունը: Հատկապես լավ է օգնում այն թոքերի և բրոնխների հիվանդությունների դեպքում, անփոխարինելի է հարբուխի և օրգանիզմում այլ բորբոքային գործընթացների ժամանակ: Ուրցի օգտակար հատկությունները և հակացուցումները վաղուց են հայտնի, այդ պատճառով այն հաճախ օգտագործում են որպես օժանդակ միջոց տարբեր պաթոլոգիաների բուժման համալիր թերապիայի ժամանակ:
Օգտակար հատկությունները և կիրառման ցուցումները
Ուրցը իր օգտակար հատկություններով չի զիջում ոչ մի բուժիչ խոտաբույսի: Այն պարունակում է մեծ քանակությամբ եթերային յուղ, դաբաղիչ և դառը նյութեր: Ուրցը հարուստ է ճարպերով և օրգանական թթուներով, հագեցած է B և C վիտամիններով: Շատերը շփոթում են այն և չգիտեն, թե ինչ տարբերություն կա ուրցի և տիմյանի միջև :
Կիրառման ցուցումներ.
- հիպերտոնիկ հիվանդություն, միգրեն;
- մարսողական համակարգի խախտումներ (ուրցը բարելավում է ախորժակը, դրական է ազդում լորձաթաղանթի, ստամոքսի և աղիների բջիջների վրա, վերացնում է փքվածությունը և թեթևացնում գազերի դուրսգալը); նյարդային համակարգի պաթոլոգիաներ, գլխացավեր , քնի խանգարումներ;մաշկային հիվանդություններ (էկզեմա, դերմատիտ, փսորիազ, ֆուրունկուլյոզ);պոդագրա , ռևմատիզմ, արտրիտբորբոքային պրոցեսներ տղամարդկանց միզասեռական համակարգում, որոնք տանում են պոտենցիայի խախտման , էրեկցիայի նվազման և այլ խնդիրների:
Կարևոր է. ուրցով թրջոցները օգնում են վերացնել մաշկի բորբոքումները, նպաստում են վնասված բջիջների ռեգեներացիային, ինչպես նաև՝ նվազեցնում են կարմրությունն ու ցանը: Ներքին օգտագործման դեպքում այս բույսի թեյը օգնում է կարգավորել նյարդային համակարգի գործունեությունը ու դրական է ազդում ամբողջ օրգանիզմի վրա:
Խոտաբույսի հատկությունները տղամարդկանց և կանանց համար
Ուրցի բուժական հատկությունները լայնորեն կիրառվում են ոչ միայն ժողովրդական, այլև՝ պաշտոնական բժշկության մեջ: Օրինակ՝ ուրցը ավելացնում են երեխաների համար հազի դեմ օշարակի մեջ: Այն օգտագործում են սեդատիվ ազդեցություն ունեցող դեղերում, քանի որ բույսը ունի հանգստացնող ազդեցություն նյարդային համակարգի վրա:
Կանանց համար բույսը հանդիսանում է անփոխարինելի միջոց վագինայում և այլ ծննդաբերական օրգաններում բորբոքային գործընթացների դեպքում: Ցնցուղները և նստակյաց վաննաները ունեն հակաբորբոքային և հակաբակտերիալ ազդեցություն։ Ուրցը ոչ միայն վերացնում է վարակների զարգացումը, այլև՝ նպաստում է վնասված բջիջների վերականգնմանը:
Ուրցի թուրմ կանանց միզասեռական համակարգի բորբոքային գործընթացների դեպքում
1 ճաշի գդալ մանրացված բույսի վրա լցնել մեկ բաժակ եռման ջուր և թրմել 20-30 րոպե, որից հետո ընդունել 175 մլ ուտելուց մեկ ժամ հետո օրը երկու անգամ:
Այսպիսի թուրմը լավ է օգնում հիպերտոնիայի, շաքարային դիաբետի դեպքում: Դրա միջոցով կարելի է կարգավորել նյարդային համակարգի աշխատանքը, վերացնել քնի խանգարումը և ամրապնդել իմունիտետը:
Հղիության ժամանակ
Եթե խոսենք հղիության ժամանակ ուրցի օգտակարության մասին, ապա այստեղ առանց բժշկի խորհրդատվության չի լինի: Երեխային կրելու նորմալ ընթացքի դեպքում ոչ մեծ քանակությամբ բույսը կարող է հանգստացնել ապագա մայրիկի նյարդերը, վերացնել անքնությունը: Ուրցով թեյը բարենպաստ է ազդում մարսողական համակարգի վրա, վերացնում է դիարեան և թեթևացնում է դուրս գնալը:
Ուշադրություն. ուրցի հիմքով թեյերի և թուրմերի օգտագործումը պետք է վերահսկվի մասնագետի կողմից, քանի որ անկանոն օգտագործումը կարող է առաջացնել կողմնակի երևույթներ և վնասել հղիությանը:
Բույսը լավ օգնական է բարձր ճնշման դեպքում: Հատկապես արդյունավետ է ուրցի թեյը: Այն ընդլայնում է անոթները և դրականորեն է ազդում սրտի աշխատանքի վրա:
Ուրցով թեյ ճնշման դեմ
Մինչ բաղադրատոմսը կարդալը, իմացեք՝ ուրցը բարձրացնում, թե իջեցնում է ճնշումը:
- 15 գ չոր բույսի վրա լցնել մի բաժակ եռման ջուր, թրմել կես ժամ, ընդունել օրը մի քանի անգամ:
- Յուրաքանչյուր օգտագործումից հետո խորհուրդ է տրվում որոշ ժամանակ պառկել, դա կուժեղացնի թեյի ազդեցությունը:
Տղամարդկանց համար բույսը համարվում է անփոխարինելի միջոց պրոստատիտի կանխարգելման, պոտենցիայի նվազման, էրեկցիայի նվազման և սեռական համակարգի ընդհանուր խնդիրների բուժման համար: Այս դեպքում ուրցով թեյի օգտակար հատկությունները ավելի շատ են, քան այդ բույսի թուրմի կամ եփուկների հատկությունները: Դա օրգանիզմի վրա հակաբորբոքային, տաքացնող և հակաբակտերիալ ազդեցությունն է:
Թեյ պրոստատիտի դեմ
Բույսի 2-3 ճյուղի վրա լցնել 0,3 լ եռման ջուր և թողնել կես ժամ, որից հետո խմել փոքր դոզաներով՝ նախապես ըստ ճաշակի ավելացնելով մեղր:
Նման ըմպելիքը համալիր թերապիայի լավ օժանդակ միջոց է ոչ միայն պրոստատիտի, այլև՝ կանանց մոտ ցիստիտի, ինչպես նաև՝ միզուղիների խցանման դեպքում:
Ալկոհոլիզմի դեմ
Ուրցը գերազանց միջոց է ալկոհոլիզմի դեմ: Այդ տեսանկյունից այն օգտակար է ինչպես տղամարդկանց, այնպես էլ՝ կանանց համար: Ժողովրդական բժշկության մեջ կան բազմաթիվ բաղադրատոմսեր, որոնք օգնում են հաղթահարել կործանարար կախվածությունը: Դրանցից ամենատարածվածները հիմնված են ուրցի վրա: Դա բացատրվում է նրանով, որ այս բույսի կազմում կա տիմոլի մեծ քանակություն, որը չարաշահման դեպքում առաջացնում է փսխում և բուժման հիմնական մեթոդն է:
- 20 գ բույսը եփել 0,27 լ ջրով շատ ցածր կրակի վրա 15 րոպե, որից հետո թուրմը քամել և ընդունել 75-80 մլ օրվա ընթացքում:
- Ընդունելով հեղուկը՝ որոշ ժամանակ անց հիվանդին անհրաժեշտ է խմել 0,5 բաժակ օղի՝ նախապես նաև շնչելով դրա հոտը:
- Արդեն մոտ 25 րոպե անց կզգացվի սրտխառնոց, որը կանցի փսխման:
Նման բուժումը տևում է առնվազն 7-12 օր, որի ընթացքում հիվանդի մոտ սկսում է առաջանալ զզվանք ալկոհոլի նկատմամբ:
Մանրամասն պարզել, թե ինչպես կիրառել ուրցը ալկոհոլիզմի դեմ՝ առանց հիվանդի իմացության , կարելի է մեր հոդվածում:
Ուրցի թուրմով ալկոհոլային կախվածությունից բուժման ընթացքում կարելի է օգտագործել այս բույսի թեյը: Այն կօգնի ամրապնդել իմունիտետը, բարձրացնել օրգանիզմի դիմադրողականությունը սպիրտային ըմպելիքների հանդեպ:
Օգուտը երեխաների համար
Ուրցի թեյը շատ օգտակար է երեխաների համար, հատկապես լավ է օգնում մրսածության և բարձր ջերմաստիճանի դեպքում: Մինչ ընդունելությունը խորհուրդ է տրվում ավելացնել մեղր, որի օգտակար հատկությունները մեծացնում են այս ըմպելիքի ախտահանող, հականեխիչ, խորխաբեր և հանգստացնող ազդեցությունը երեխայի օրգանիզմի վրա: Գլխավորը՝ իմանալ, թե ինչպես ճիշտ եփել այս խոտաբույսը, և դրա արդյունքը կլինի առավելագույնը:
Ուրցով թեյ հազի դեմ
Եթե չգիտեք, թե ինչպես պետք է եփել ուրցը հազի դեմ, ապա ներկայացնում ենք ամենահեշտ բաղադրատոմսը.
- 20 գ մանր կտրտած և չորացրած խոտաբույսի վրա լցնել 230 մլ եռացրած ջուր, թրմել թերմոսում մոտ մեկ ժամ;
- Քամած թեյը պետք է խմել 1 թեյի գդալ (մեծահասակների համար 1 ճաշի գդալ) ուտելուց հետո:
Ուշադրություն. այս թեյով կարելի է շփել կրծքավանդակը և ծածկել թղթով, որը նախապես պետք է պատել այծի ճարպով: Այդ միջոցը կօգնի ազատվել բրոնխիտից ոչ միայն փոքրիկներին, այլև՝ մեծերին:
Վաննաները այս բույսով օգնում են կարգավորել երեխայի քունը: Ուրցի թուրմով լոգանքը լավ կանխարգելիչ միջոց է ռախիտի և ռևմատիզմի դեմ:
Ուրցի յուղ
Ոչ միայն ուրցի թեյը և թուրմերը, այլև՝ ուրցի եթերային յուղը օգտակար հատկություններ ունեն: Վերջինս պարունակում է մեծ քանակությամբ դաբաղիչ նյութեր, օրգանական թթուներ, հանքային աղեր: Այն լայնորեն կիրառվում է ասթմայի և շնչուղիների այլ հիվանդությունների բուժման մեջ: Տիմոլ բաղադրիչի շնորհիվ ուրցի յուղը ունի նաև հականեխիչ և հակապարազիտային ազդեցություն: Դրանով մշակում են մաշկի ախտահարված հատվածները էկզեմայի և փսորիազի դեպքում, լավ է օգնում հոդացավերի ժամանակ:
Հարկ է նշել, որ ուրցի յուղը խորհուրդ է տրվում շփել մազարմատներին՝ կանխելու համար մազաթափությունը: նման միջոցների կանոնավոր օգտագործումը օգնում է վերադարձնել մազերի առողջ փայլը, ուժը և գեղեցկությունը:
Հնարավոր վնասը
Դեղաբույսը լավ օժանդակ միջոց է բազմաթիվ հիվանդությունների դեմ պայքարում։ Ընդ որում՝ պետք է հասկանալ, որ ինչպես ցանկացած այլ օգտակար խոտաբույս, ուրցը ևս ունի իր հակացուցումները: Դրանք չի կարելի անտեսել, քանի որ դա կարող է հանգեցնել անցանկալի հետևանքների և բարդությունների:
Ուրցի կիրառման հակացուցումները.
- գաստրիտ և տասներկումատնյա աղիքի հիվանդություններ, հատկապես՝ սուր փուլում, ստամոքսի խոց, քրոնիկ փորկապություն;
- հղիություն (եթե մասնագետի կողմից ուրցի ընդունելության թույլտվություն չկա), կերակրման շրջան;
- մինչև 3 տարեկան երեխաներին, բացի բույսի թեթև թուրմով վաննայում լողանալուց;
- լյարդի և երիկամների հիվանդություններ;
- վահանագեղձի հիվանդություններ, հոդային (աթերոսկլերոզ) խնդիրներ, հիպոտոնիա (ցածր ճնշում), առիթմիա:
Կարևոր է. չարժե մշտապես օգտագործել ուրցի թեյ կամ թուրմ: Դա կարող է բացասական ազդեցություն ունենալ նյարդային համակարգի վրա, առաջացնել դրա աշխատանքի արգելակում: Ուրցով դեղամիջոցների օգտագործումը խորհուրդ չի տրվում նաև այն մարդկանց, ովքեր անհատակամ զգայունություն ունեն ուրցի բաղադրիչներից որևէ մեկի հանդեպ:
Հարկ է նշել, որ ուրցի օգտակարությունը ասթմայի և տուբերկուլոզի դեպքում՝ որպես խորխաբեր միջոց, կարող է և վնասակար լինել, եթե դեղաքանակը գերազանցվի: Ուստի թոքերի հիվանդությունների բուժման ժամանակ պետք է ճշգրիտ պահպանել համամասնությունները և չանտեսել քանակները:
Ուրցը իսկապես եզակի բույս է, որն օգնում է ազատվել բազմաթիվ հիվանդություններից: Այն օգտագործում են ոչ միայն ժողովրդական բժշկության մեջ, այլև՝ որպես հազի և մրսածության շատ դեղերի անփոխարինելի բաղադրիչ երեխաների և մեծահասակների համար: Բժիշկները խորհուրդ են տալիս այս բույսը բուժման համալիրում՝ որպես կանխարգելիչ և օժանդակ միջոց կանանց և տղամարդկային հիվանդությունների դեմ պայքարում: Միակ բանը, որ անհրաժեշտ է հիշել. ոչ մի ինքնագործունեություն և դեղամիջոցների չարաշահում, այլապես դրական ազդեցության փոխարեն կարելի է հասնել հակադարձ արդյունքի՝ բարդությունների և տհաճ հետևանքների տեսքով։