Ինչո՞վ է օգտակար ավոկադոն

Ավոկադոն կամ, ինչպես այն կոչվում է, ամերիկյան Պերսեան, կոկորդիլոսի տանձը կամ անտառի օճառը արագ աճող մշտադալար ծառ է` ծնունդով Մեքսիկայից: Ներկայումս արդյունաբերական մասշտաբներով այն աճեցնում են Բրազիլիայում, Ամերիկայում, Աֆրիկայում և Իսրայելում: Մեկ ծառից հնարավոր է հավաքել մինչև 250 կգ պտուղ: Ավոկադոյի օգտակար հատկությունները բացատրվում են դրանց կազմում վիտամինների, մակրո և միկրոտարրերի առկայությամբ։

Բովանդակություն.

• Պտուղների կազմը
• Ինչով է օգտակար ավոկադոն
• Ուռուցքաբանության մեջ
• Հղիության ընթացքում
• Ինչով է օգտակար ավոկադոյի յուղը
• Ավոկադոյի կորիզ. օգտակար հատկությունները
• Հակացուցումները
• Ինչպես ուտել ավոկադոն
• Ինչպես մաքրել էկզոտիկ միրգը
• Ինչպես ճիշտ ընտրել ավոկադո

Պտուղների կազմը

Ավոկադոյի պտուղը միասերմ հատապտուղ է, որը կարող է ունենալ օվալ, կլոր կամ տանձի ձև, նրա զանգվածը կարող է լինել 200-ից մինչև 1800 գրամ: Կեղևը խիտ, կանաչ կամ մուգ կանաչ գույնի է: Հասած ավոկադոն ունի փափուկ, յուղոտ, սովորաբար դեղնականաչ, երբեմն` կանաչ միջուկ: Կիսելով միրգը` կարելի է տեսնել խոշոր կորիզը, որի շառավիղը հասնում է 2 սմ-ի:

Հանքային նյութերից ավոկադոն պարունակում է ֆոսֆոր, նատրիում, երկաթ, մագնեզիում, կալցիում: Բայց ամենից շատ այն հարուստ է կալիումով, ընդ որում` նույնիսկ բանանի մեջ այն պարունակում է ավելի քիչ, քան այստեղ:

Վիտամինների շարքից հայտնաբերվել են ասկորբինային և նիկոտինային թթուներ` ռետինոլի նախնին, վիտամին D, B խմբի վիտամիններ: Սակայն ավոկադոն հատկապես հարուստ է տոկոֆերոլով, որը հանդիսանում է բնական հակաօքսիդանտ, կարգավորում է նյութափոխանակությունը, աջակցում է վերարտադրողական գործընթացին:

Կարևոր է. բացի վերոնշյալներից, միրգը պարունակում է նաև ֆիտոհորմոններ, որոնք դանդաղեցնում են օրգանիզմի ծերացման գործընթացը:

Ինչով է օգտակար ավոկադոն

Ավոկադոյի օգտակար հատկությունները բացատրվում են նրա բաղադրությամբ: Այն չի պարունակում վնասակար ածխաջրեր և լիպիդներ, ուստի թույլատրվում է օգտագործել շաքարային դիաբետի ժամանակ: Իսկ նիհարելու համար այս մթերքը շատ կարևոր է, քանի որ պարունակում է 160 կկալ 100 գ-ում:

Կարևոր է. ավոկադոն գրանցված է Ռեկորդների համաշխարհային գրքում` որպես ամենակալորիական միրգ: Այդ պատճառով չարժե այն օգտագործել միատարր դիետայի համար, ավելի լավ է ներառել այն նիհարելու նպատակով վիտամինային համալիրի մեջ: Այն պարունակում է ճարպեր այրող բնական Լ-կարնիտին նյութ, որը ոչ միայն նպաստում է բնական ճարպի տրոհմանը, այլև` արագացնում է նյութափոխանակությունը

Բացի այդ, մրգի օգտակարությունը օրգանիզմի համար անհերքելի է.

1. Շնորհիվ օլեյնաթթվի` ավոկադոն զգուշացնում է աթերոսկլերոտիկ վահանիկի ձևավորման մասին և նվազեցնում է արյան մեջ վատ խոլեստերինի կոնցենտրացիան:
Պտղի կազմի մեջ մտնող կալիումը կարգավորում է սիրտ-անոթային համակարգի աշխատանքը, այդ պատճառով դրանք կարելի է օգտագործել սրտամկանի ինֆարկտի ժամանակ: Եթե հիպերտոնիայով տառապող մարդիկ ամեն օր ավոկադո ուտեն, ապա նրանց ճնշումը որոշ ժամանակ անց կկարգավորվի:
2. Պոլիչհագեցած ճարպային թթուները, որոնք առկա են մրգի բաղադրությունում, բարելավում են հիշողությունը և զգուշացնում են աթերոսկլերոզի զարգացման մասին:
3. Սակավարյունության դեպքում, հատկապես` երեխաների համար, օգտակար է մտնել ռացիոնում ավոկադո, քանի որ այնտեղ առկա են ցիանոբակլամին, երկաթ և պղինձ, որոնք կարգավորում են հեմոգլոբինի մակարդակը արյան մեջ:

Շնորհիվ մաննոհեպտուլոզի` բնական մոնոսախարիդի, պտուղը կարգավորում է կենտրոնական նյարդային համակարգի գործունեությունը, վերացնում է ագրեսիվությունը, բարձրացնում է աշխատունակությունը, օգնում է հաղթահարել թուլությունը և քնկոտությունը:

Միրգը նպաստում է ատամների և ոսկրային հյուսվածքի առողջության պահպանմանը, քանի որ այն պարւնակում է երկաթ և ֆոսֆոր, ինչպես նաև` կարոտինոիդներ, որոնք մասնակցում են ոսկրա-մկանային համակարգի ձևավորմանը: Բացի այդ, ֆոսֆորը բարելավում է ուղեղի աշխատանքը:

Կարևոր է. ավոկադոյի պարբերական օգտագործումը կարգավորում է աղիների աշխատանքը, ազատում է փորկապությունից :

Վիտամին C-ի մեծ քանակության շնորհիվ միրգը անհրաժեշտ է ուտել հարբուխային հիվանդությունների շրջանում: Այն ոչ միայն օգնում է չհիվանդանալ, այլև` արագացնում է վերականգնման գործընթացը, եթե մրսածությունը չի շրջանցել Ձեզ:

Անհերքելի է պտղի օգուտը տղամարդկանց համար, քանի որ այն համարվում է բնական աֆրոդիզիակ և կիրառվում է սեռական ակտիվության բարձրացման, սպերմատոգենեզի խթանման համար:

Ուռուցքաբանության մեջ

Քաղցկեղի դեպքում ավոկադոն ճնշում է ուռուցքային բջիջների բաժանումը և կանխում է մետաստազների տարածումը: Գիտնականները մրգի փափկամսում հայտնաբերել են ֆիտոնուտրիեններ և ֆիտոքիմիկալներ, որոնք ունակ են ոչնչացնել և ճնշել չարորակ նորագոյացությունների առանձին տեսակների զարգացումը: Իսկ գլուտատիոն հակաօքսիդանտը չեզոքացնում է մոտ 20 տարբեր քաղցկեղածինների վնասակար ազդեցությունը:

Կարևոր է. բուսակերներին, ինչպես նաև` նրանց, ովքեր ցանկանում են ավելացնել իրենց մարմնի մկանային զանգվածը, անհրաժեշտ է պարբերաբար օգտագործել այս միրգը իրենց սննդակարգում, քանի որ այն պարունակում է բուսական սպիտակուց` մսի փոխարինող:

Հղիության ընթացքում

Հղիության ժամանակ միրգը, շնորհիվ վիտամինների ու հանքային նյութերի բարձր պարունակության, դրական է ազդում պտղի զարգացման և կնոջ ինքնազգացողության վրա: Ավոկադոն պարունակում է ֆոլաթթու (վիտամին В3), որը շատ անհրաժեշտ է երեխա կրելու ընթացքում: Չէ՞ որ հենց դրա պակասն է հանգեցնում պտղի քիչ քաշի, նյարդային խողովակի տարբեր պաթոլոգիաների և տարատեսակ բնածին արատների զարգացման, օրինակ` գայլի շուրթ: Մոնոչհագեցած ճարպերը անհրաժեշտ են երեխայի գլխուղեղի, տեսողության օրգանների, ճարպային հյուսվածքի զարգացման և պլացենտային պատնեշի աճի համար:

Եթե ավոկադոյից խյուս պատրաստել, խառնել այն ձիթապտղի յուղի հետ, քսել մաշկին և թողնել դիմակը քառորդ ժամ, հետո լվանալ գոլ ջրով, ապա կկանխվի երեխան կրելու ժամանակահատվածում ձգումների (растяжка) առաջացումը։

Ինչով է օգտակար ավոկադոյի յուղը

Ավոկադոյի յուղը օգտագործում են հիմնականում կոսմետոլոգիայում: Այն մտնում է տարբեր դիմակների, կրեմների, շամպունների կազմի մեջ: Նրանում պարունակվում են ասկորբինային, նիկոտինային, ֆոլային և անփոխարինելի ճարպային թթուներ, ռետինոլ, տոկոֆերոլ, տիամին, ռիբոֆլավին, տարբեր հանքանյութեր:

Այսպիսի բաղադրության շնորհիվ յուղը հատկապես օգտակար է կանանց համար դաշտանադադարի ժամանակ:

1. Այն կանխում է դիմային կնճիռների ու մաշկի պիգմենտային բծերի զարգացումը;
2. Պաշտպանում է մաշկի մակերևույթը, հեռացնում է չորությունն ու թեփոտությունը;
3. Նպաստում է մանր վերքերի արագ բուժմանը;
4. Ակտիվացնում է էլաստինի և կոլլագենի արտադրությունը;
Խթանում է մազերի աճը, դարձնում է դրանք ավելի ուժեղ, վերացնում է ծայրերի ճյուղավորումը:

Յուղը կարելի է օգտագործել ոչ միայն արտաքինի համար, այլև` խոհարարության մեջ. դրանով պատրաստում են աղցաններ, տապակում են միս, ծովամթերք և բանջարեղեն:

Ավոկադոյի կորիզ. օգտակար հատկությունները

Իսկ ահա ավոկադոյի կեղևը, կորիզը, ինչպես նաև` տերևները, օգտակար հատկություններով չեն առանձնանում: Դրանք պարունակում են հակասնկային թույն` պերսին, որը վտանգավոր է կենդանիների և մարդկանց համար։ Այն կարող է հանգեցնել ալերգիայի և խանգարումներ առաջացնել աղեստամոքսային համակարգում:

Կարդացեք, թե ինչպես աճեցնել ավոկադո կորիզից:

Հակացուցումները

Ցավոք, ավոկադոն նաև ունի մի շարք հակացուցումներ.

1. Չի կարելի ուտել միրգը գերզգայունության դեպքում;
2. Պետք է ձեռնպահ մնալ պտուղներից այլ ցիտրուսային մրգերի կամ լատեքսի նկատմամբ ալերգիայի դեպքում, քանի որ հնարավոր է խաչաձև ռեակցիայի զարգացում ավոկադոյի հանդեպ;
3. Հակացուցված է մրգի օգտագործումը կրծքով կերակրելու ընթացքում, քանի որ դրա կազմում պարունակվող ֆերմենտները կարող են առաջացնել աղիքային խանգարումներ երեխայի մոտ:

Կարևոր է. ավոկադոյի և դրա յուղի օգտակար հատկությունները պահպանվում են, եթե օգտագործեք այն հում վիճակում: Ջերմային մշակման արդյունքում դրանց մեծ մասը ոչնչանում է:

Ինչպես ուտել ավոկադոն

Միրգը չունի ուժեղ արտահայտված համ, ուստի այն կարելի է համատեղել բազմաթիվ մթերքների հետ.

• հաց;
• հավի միս;
• բանջարեղենային, մրգային, մսային և ձկնային աղցաններ;
• ծովամթերք (ծովախեցգետին և կարմիր ձուկ):

Ուտել այն պետք է միայն հում տեսքով` առանց ջերմային մշակման ։

Ավոկադոն արագ օքսիդանում է թթվածնով և մգվում է, ընդ որում` ակտիվ բաղադրիչների մեծ մասը տրոհվում է. որպեսզի դա տեղի չունենա, կտրած միրգը պետք է ցողել կիտրոնի հյութով: Սա ոչ միայն օգնում է պահպանել պտղի գրավիչ տեսքը, այլև` դրա օգտակար հատկությունները:

Ինչպես մաքրել էկզոտիկ միրգը

Դանակի միջոցով պտղի ողջ երկայնքով խորը կտրվածք արեք կորիզի շուրջ, որը գտնվում է ներսում: Այնուհետև ավոկադոյի երկու կեսերը շրջեք հակառակ կողմեր. եթե այն հասած է, ապա շատ հեշտ կստացվի դրանց տարանջատել միմյանցից: Յուրաքանչյուր կեսի վրա կատարեք ուղղահայաց կտրվածք, փոքր-ինչ քաշեք կեղևը, և այն առանց դժվարության դուրս կգա: Կտրել պտուղը պետք է նրբորեն, որպեսզի կորիզը չվնասվի:

Հետաքրքիր է. Ինչպես աճեցնել ավոկադո տնային պայմաններում. լուսանկարներ:

Ինչպես ճիշտ ընտրել ավոկադո

Եթե մտադիր եք գնել էկզոտիկ միրգը, ուշադրություն դարձրեք արտաքին տեսքին:

Կարևոր է. կեղևի վրա մուգ բծերը հուշում են, որ ավոկադոն չափից շատ հասած է, և ավելի լավ է այն չգնել:

Ոչ ուժեղ սեղմելու դեպքում պտուղը պետք է փոքր-ինչ փոս ընկնի և, ընդհանուր առմամբ, պետք է փափուկ լինի: Բայց կեղևը միաժամանակ պետք է առանց վնասվածքների լինի:

Որպես կանոն, ավոկադոն վաճառքի է դրվում անհաս վիճակում. այս դեպքում պետք է տեղադրել այն մի քանի օրով մութ վայրում սենյակային ջերմաստիճանում, ու այն կհասնի ։